الموضوع مغلق

قصة زواج زوجي ومعاناتي ودي اتطلق منه من القهر والحسرة اااه ياااقلبي / الموضوع قديم

7 أبريل 2011

السلام عليكم ورحمة الله وبركاته

كيفكم اخواتي الحبيبات

بطرح لكم مشكلتي ومعاناتي حقيقة ما ادري كيف ابدا لكني فعلا اقاسي المر والحسرة

زوجي تزوج علي قبل شهر طبعا فاجأني بزواجه من مطلقة عمرها 29 وليس لديها اطفال وجميلة

انا عمري 34 متوسطة الجمال لكنه كان يتغزل فيني ويقول لي انتي احلى امرأة في نظري ومستحييييل افكر بانسانة غيرك كان يظهر لي حبه وحنانه على مدى 13 سنة انجبت خلالها اربعة اطفال اكبرهم عمره 12 سنة واصغرهم عمره ثلاث سنوات

طبعا هو فيه عيوب كثيرة انا صبرت عليها لاني احبه
عشت معاه هالسنوات صابرة معه ع الحلوة والمرة وثقت فيه كثيييير حبيته من كل قلبي اعطيته ذهبي وراعيت ظروفه المادية الصعبة ببداية حياتنا سكنت مع امه الارملة واخوانه الايتام بسكن خيري (شقة) في غرفة لمدة اربع سنوات لعدم استطاعته توفير المنزل خلفت خلال هذي الاربع السنوات طفلين وانا اعيش معه بغرفة في بيت اهله

بعدها المسؤول عن السكن الخيري طلب منه الخروج من الشقة باعتبار انه موظف وعنده اسرة فماله حق يسكن بالسكن الخيري

ااستأجر شقة كأنها خرابة صبرت عليها والعفش كان معظمه من جيراننا مستعمل عطوه من باب الصدقة رضيت فيه ولاني احبه رضيت اني اضحي بسعادتي وذهبي علشان حياتنا تمشي

يتبع

ملامح وردية@mlamh_ordy

صاحبة الموضوع 7 أبريل 2011

مشتت هالايام بحلوها وبمرها خلفت خلالها طفلين اخرين

بعدها تحسن راتبه لكن مازال متمسك بهالشقة الخربة وموراضي يسكننا بشقة افضل لكني سكتت وصبرت

تمينا على هالحال تسع سنوات والسنة الماضية طلب نقله للديرة ونقلنا وسكننا ببيت ازفت من الاولاني هاجرينه اصحابه من سنتين بلعت الهم وصبرت على امل يبني لنا بيت ملك

كان يوعدني انه راح يبني اول ما يجمع المبلغ

انا قلت له انا ما ابغى فيلا او قصر انا ابغى منزل يحتوي على مطبخ كبير بدال هالمطبخ مترين في مترين تعبت منه
وابغى اربع غرف ومخزن وبس وحوش للعيال يلعبون فيه

كان يقول لي اكيد راح ابني البيت في خلال ثلاثة شهور يكون جاهز بس هيهات

لكن بالفترة الاخيرة يبدو انه فكر بالزواج بشكل فعلي وكان يروح مع اخوية من الرضاع برى البيت ويتشاورون بالخفاء علشان يتوسط له عند اخت مرته ا واهلها الين تمت الموافقة وتممو الموضوع بالخفاء وانا اضحك معاهم واطبخ لهم وازين الحلا والقهوة وانا ياغافلين لكم الله حسبي الله ونعم الوكيل ومن يومها وانا في كرب وهم وعذاب

مقتطفات من حياتي معه

*انا فيني طبع اني عصبية شوي بس اذا زعلته على طول ارجع واعتذر منه وتمشي امورنا تمام حتى يقول انتي كلك على بعضك حلوة وتعجبيني لولا العصبية اللي فيك لكن حسناتك معايه تغطي على عيوبك وتغطي على عصبيتك

*وكمان فيني طبع الغيرة الشديييييدة ركزو على كلمة شديدة يعني غيرتي تفوق الوصف مو غيرة حرمة طبيعية ابدا

اغار حتى من قريباته وهذا شي غصب عني وربي من حبي له

*كان يقول لي مستحيل احب وحدة غيرك او استبدلك بوحدة ثانية قلت له اذا حبيت انك تتزوج علي في يوم من الايام فانت بطريق وانا بطريق لابتشوف وجهي ولابتسمع صوتي وراح اطلب الطلاق

*كان احيانا اذا مروووق يقول يابنت الحلال انا ما افكر بهالامور هذا الشيطان يوسوس لك مستحيل افكر بغيرك
واذا كان زعلان يقول من حقي اتزوج وهذا شرع الله وراح ترجعين لبيتك غصبا عنك ونشوف من اللي كلامه راح يمشي

كنت اقول له اوكيه من حقك تتزوج بس انا تنسى شكلي وصوتي وراح انفصل عنك لاني ما اقدر استحمل هالشي

مو اعتراض على شرع الله

لا وربي حاشا لله بس انا كذا طبيعتي ما اقدر استحمل اني اشوفه مع غيري ابد ابدا وربي شي فوق طاقتي الى الان مو قادرة افيق من الصدمة

انا ما شوف بهالدنيا غيرك ومستحيل افكر بغيرك وانا وثقت فيه وصدقته

المهم مرت السنوات بس صار بالاونة الاخيرة يفتعل المشاكل ويركز ع العيوب فتصير خلافات اكبر من الاول بس نفس الشي ارجع اعتذر منه واستسمح منه وهكذا الى ان لاحظته يلمح بالزواج الثاني ادركت ساعتها انه خلاص نوى ع لزواج كنت ساعتها اتمنى الارض تنشق وتبلعني سألته خلاص يلابوفلان قررت الزواج بالبداية سكت وما صرح بشي وقال مو وقته تعرفين ومو شغلك

قلت له اوكيه مادام هذا قرارك فروح الله يسهل عليك ويسهل علي وانت بطريق وانا بطريق لاني ماراح استحمل هالشي

واخذت ملابسي ورحت بيت اهلي وكان عندي امل انه مو حقيقي هالاحساس وانه مجرد شك لكن للاسف طلع ناوي بحق وحقيق ع الزواج
يا بنات انا الحين من يوم زواجه وانا ببيت اهلي ما رضيت اكلمه او اشوفه من القهر والتعب النفسي والمر والحسرة اللي اعانيها

الحين انا ما اكلمه ولا اخرج له بس بيننا رسايل بالجوال كلها مشاحنات هو يبيني ارجع لبيتي ويوم عندي ويوم عندها

وانا رافضة تماما اني ارجع لاني مستحييييل اقدر اصبر هذا شي فووووق طاقتي وقلت له مادام انك تزوجت اجل خلاص اغسل ايدك من رجوعي

بنات ابغاه يطلقني وهو رافض يقول بترجعين بيتك اهلا وسهلا

ما تبغين طلاق ماني مطلق اجلسي ببيت اهلك لين تشبعين ويقول انه مبسوط مع زوجته ولافكر فيني ااااه يالقهر وربي احسه غبني بهالزواج صح انه شرع الله بس يوم شافني صابرة معه وانسانة غيورة واني راح اطلب الطلاق في حين زواجه ليه ماراعى مشاعري ليه ما صبر عليه مثل ما انا صابرة معاه مضحية بعمري وكل شي علشانه لييييه ياناس انا بموووت من القهر والحسرة

بنات ارجوكم تدعون لي بالصبر وان ربي يعوضني خير ارجوكم انا خلاااااص احس نفسي بانهاااار خلاص

قصة زواج زوجي ومعاناتي ودي اتطلق منه من القهر والحسرة اااه ياااقلبي / الموضوع قديم

التعليقات

قصه

قصة

مين حضرت زواج في قاعه أو قصر تفيدني

قصة

اغرب قصص الزواج