شاركي في النقاش

سجلي الدخول لإضافة تعليق.

التعليقات

243
  1. @slaf2120

    فعلا المشاغل حق سوق الخيمة فنانين والله اصلا اللي ساكنين هناك يلبسوا ملابس عجيبة:)

    رسيل والله ماادري عن مشغل ريما خذي رقمهم واتصلي عليهم بس كل الناس يمدحوهم

    nabila5050 ايش تبغي تسالي عن ايه؟ اسئلي ولا يهمك ان شاء الله نجاوبك باللي نعرف

    سراب الوهم ماادري والله عن مشغل ريما بس زي ماقلت لك كثير يمدحو شغلهم
    بس انت افضل روحي وشوفي خلود بنفسك علشان لا يرسلوا لك غيرها:) وانا صراحة مااعرف مين احسن وحده عندهم


    the sun light انت كلميها وخليها تقلك على يوم تكون عندها فرح وروحي وشوفيها
    اسعارها كويسه ومواعيدها تمام بس ماهي شياكة لكن انت ممكن تشرطي عليها
    نفس الشي الوقت وكل شي اشرطي عليها
    بس افضل روحي شوفي لها فرح علشان ترتاحي انت ولا تفضلي قلقانة لان الكلام ماهو زي الشوف


    ام الوسيم ياهلا وغلا انا سالت الدكتورة بس هيا تقول تقشير احماض فواكه لكن رويتها رجلي ويدي وفيني شوي بقع
    قالت كل اليد تعملها تقشير وكل الرجل
    وان شاء الله يفيد بس انا شاكة انه ماهو احماض فواكه شكله الثاني اللي قلتي عليه لانها
    قالت لي كل 10 ايام جلسة ويوم الثلاثاء ان شاء الله اول جلسة
    واعطتني كريمات وواقي شمسي ومقشر للوجه ومقشر للجسم وكريم للجسم استخدمها للبيت
    والله اعطتني حاجات كثير وقالت لو الجلسات مافادت راح ترجع من جديد تبدا يارب تفيد ان شاء الله ومااحتاج زيادة
    تصدقي اعطتني شي واختي شي ثااااااااااااني بالمرة قالت تفرق البشرة وان بشرة اختي افتح واصفى من بشرتي
    مااقول غير ياخسارة التعب والفلوس اللي صرفتها اول الله يعين :icon33:
    ياليتك تقدري تتاكدي لي من اسم الجلسات اللي فادتك علشان اسئلها يمكن تكون هيا نفسها
    خلطة شالسالفة جربتها بس والله طفشت منها مع انها حلوة بس والله كسلت كثير
    راح اشوف يمكن ارجع اعملها بس ماادري تنفع مع الكورسات حق الدكتورة؟
    على فكرة ام الوسيم الحين لما اعمل التقشير هذا هل بعدين قريب الفرح اشيل شعر وجهي بالشمع ولا مايحتاج؟
    ومع الجلسات قالت لي في تنظيف بشرة بس اتفقت معاها اني اعمله قبل الفرح بيومين
    انا قلت لها باسبوع بس هيا قالت لا قبله بيومين وان شاء الله اعمل بديكير ومناكير كمان مرة وحدة
    ايش رايك احتاج اعمل ولا لا؟ يعني البديكير والمناكير منه فايدة ولا بس كلام فاضي؟
    انا اضافيري مافيها شي بس قلت اعمله مع الفرح ان شاء الله؟



    جداوية ياعروسة وينك شكلك تزوجتي لانه الحين خلاص اخر محرم؟ طمنينا عن اخبارك :icon28: :icon28:
  2. كيفكم يابنات؟؟

    وحشتوني والله

    والله دحين حسيت بمعاناتكم

    نفسيتي زفت دي الايام والحمدلله

    ايش دا

    انا مو متعوده على الهم اللي زي كدا

    الله يكفيني شرووو

    هادي ممملكه وكدا قلق وقرف

    اجل كيفبالفرح ايش حسوي؟؟؟

    رحت ادور قاعه ...ووالله مره

    قرفت دي فيها كدا ودي فيها كدا

    وكلو كوم مشرفين القااعات كوم تاني حسويلك وحسويلك بس الكلام دا لمن نحجزي وبعدو ربنا يستررررر؟؟؟

    والله نفسي اسوي

    الملكه في بالبيت وافتك من الحكايه الهبله دي

    بس ماما مي راضيه

    وانا مافيه لهم الفلفه دي

    وانا بتيرم تخرج

    الله يعين

    دحين ابغا مكان فساتين حلوه الله يسعدكم ويفرج همكم والله مافيه لهم التفصيل

    وهم ادور قماش وزبط ومازبط وبروفه وقرف

    درت المساعديه وربي قرف مافي شي تقولي الله عجبني ابدا ابدا وغير الاسعار النار حرام
    والله فستان ملكه بـ7 الاف وبـ8

    والله شايله هم

    إزا كان قاعه
    وتعيت نفسيا وتنسد نفسي من روحة الجامعه

    كيف الحاجات الباقيه

    ساعدوني
  3. @slaf2120

    سكره خلاص القاعة خليها على امك هيا تدور لك قاعة بذوقها

    وانت جيبي الفستان ترى الملكة ماهي زي الفرح يعني الفرح لازم كل شي يكون تمام التمام بس الملكة يعني عديها:)
    وتقدري تقولي راح اعوضها في الفرح ان شاءالله

    انا استاجرت في ملكتي لان الاسعار كانت مرررررررررة غالية وماحبيت احط سعر زي كذا في فستان البسه مرة وحدة
    وانت شوفي عادتكم واللي يريحك واذا كان اهل العريس ماراح يقولوا شي لان في بعضهم يقولك ليش ماشترت؟
  4. @rtroth

    سكره ياقلبي روحي للحفني في فساتين حلوه
    وسراب الوهم وربي مابدي اذم باحد بس للامانه رما وخلود اسماء اخذت شهره ماادري ليش والله يوم فرح اختي حريم اخواني جو يبكوا من المكياج زحمه وفوق كدا ينفخوا في الناس ومكياجهم بالبلاى الله يعين
    والناس اذواق

تابعي تجارب أخرى من هذا القسم.