بسوي رجيم بس أرضع... شسوي؟

السلام عليكم ورحمة الله وبركاته

كيف حالكن أخواتي بنات حواء؟

عندي سؤال ياليت تجاوبوني عليه

أنا وحده أبي أسوي ريجيم وعندي إرادة إن شاء الله وأصلا آنا مو من النوع اللي يحب ياكل وايد ويشتهي وايد
بس المشكله إني أرضع ( يعني أرضع بنتي من صدري بس وما أعطيها حليب صناعي ) يعني أجوع غصبن علي والشي الثاني لازم أغذي بنتي عدل
بعد للنفاس صرت أشرب حليب كاكاو وايد عشان يدر الحليب والحين قطعته أبيكم تعطوني ريجيم ينقص الوزن وبنفس الوقت ينفع بنتي
وعلى فكرة بتي عمرها 7 أشهر وتاكل الحمدلله بس ما أسقطت لحد ألحين أي رضعه من رضعاتها ( يعني متى ماتبي ترضع المجال مفتوح )

أنا بديت ما آكل عيش
آكل والدجاج واللحم مشوي أو مسلوق
وآكل بيض مسلوق
واستخدم الخبز الأسمر
وأقلل السكر
وآكل خضرة وايد عشان تدر الحليب
ومن زمان آنا ناأشرب المشروبات الغازية

بس أبي خبرتكم جزاكم الله خير
وآنا في إنتظار ردودكم

7 تعليق 4,792 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_sarampnor

    مرحبا اختي صعود القمم
    انا مثلج ارضع وصار لي شهرين اسوي رجيم ماخذته من اخصائيه تغذيه في مستشفى خاص
    النظام وايد حلو بس ما ينزل وايد يعني 4 كيلو بالشهر لاني ارضع ولازم اسوي رياضة كل يوم ثلث ساعه على الاقل .
    والي انتي اتسوينه الحين زين بس لازم اتقللين من الدهون والسكريات مع الرياضه ان شاء الله بينزل وزنج
    واي سؤال انا حاضره
  2. @daaaaa_alkhyr

    حبيبتي صعود القمم
    اولا اهلا فيح في بيتج الثاني منتدى الحواء
    احنا هني كلنا اخوات وحبايب انشالله
    اختي انا بعد مرضع ابني الله يحفظه عمره خمس شهور
    وصارلي شهرين ولله الحمد ملتزمه بنظام غذائي وما خف الحليب ولله الحمد
    مع العلم اختي انا قبل ما اسوي رجيم حليب صدري قليل لكن الحين
    بحمدالله لاني صرت اكل غذاء صحي زاد الحليب ( الله يديم النعمه علينا )
    انا انصحج انج تروحين عيادة التغذيه بالمنتدى هذاوهناك الاخصائيات بيعطنج معلومات كافيه
    وبالنسبه لي صرت اكثر من الخضار والفواكه والحليب خالي الدسم واكل الخبز الاسمر
    لكن اختي لازم تاكلين رز ومكرونه وبطاط يعني نشويات لاجل صحتج وصحة البنوته الحلوه ( الله يحفظها لج ) لاااااااااااااااااازم لكن بكميات قليله
    وحاولي الغاليه تمشين كل يوم نص ساعه او ساعه اذا قدرتي
    هذا والله الموفق
    لا تنسيني من دعاج الطيب خاصه لزوجي لانه مريض
    وحياج اختي معانا مرة ثانيه
  3. صاحبة الموضوع
    الأخت (( أم ساة ونورة ))
    جزاج الله خير
    والله يحققلج أمانيج
    رفعتي معنوياتي لما قلت النظام زين الله يوفقج يارب
    وأبي النظام اللي ماخذته عشان أعرف إني ماشيه صح وآكل زين عشان صحة بنتي
    وآنا بس أبي أنزل 5 كيلو... بس بضل أحافظ على وزني إن شاء الله في الأشهر الياية
    وبالنسبة للنظام اللي مشيت عليه من نفسي ومرتاحة بأكلي يعني أقدر أكمل طول أيامي جذي ومو متضايقة لأني ماآكل عيش أو كاكاو ... عندي عادي

    وبببدى أسوي رياضة إن شاء الله

    وماقصرتي أختي
    ====================

    أخت (( دعاء الخير ))
    فرحت وايد لما الرد وصلني من مرضعات نفسي عشان أثبت وأعرف إن معاي رفقة تعيني

    الله يدوم نعمة الحليب على ابنج ويكبر ويبرج يارب

    وماتشوفون شر والله يشافي بو عيالج

    جزاج الله الفردوس الأعلى

تابعي تجارب أخرى من هذا القسم.