بسم الله الرحمن الرحيم
بدايه الحلم كانها ماهي واضحة بالنسبة لي فما اقدر اقولها
طلعت من مكان كأنه مستشفى ( احب اقولك إني مادخلت على اساس مستشفى لكن جوه هو اللي اوحى لي بذلك) لاني شفت بأحد غرفة ( غرف هذا المكان ) واحد جالس على مكتب وكأنه دكتور
( أن اقول كأنه لان فيه شخص جالس قدامه ومعه ورقة كان فيها اجابات على أسئلة ومصححه بالاحمر واللي انا اعتقد انه دكتور قاعد يوضح اسباب الاخطاء ويتكلم معه)
بعدين شفت إني انا وابوي بطريق وكان يمشي بهذا الطريق جمال ( إبل) وفيه بعضها صغير( ما ادري هل كلها ذكور أم أن بعضها إناث) وكان الطريق طويل فركبنا جمل ماهو من اللي كانن في الطريق ( احب اقولك إني في البدايه كنت اعتقد انه جمل لكن اتضح لي أنها ناقة) المهم اننا قعدنا نمشي وابوي ارتبك وخاف من الجمال وبدأت الناقة تنحرف عن الطريق وسقطنا على الارض في هذي اللحظة انبهت لوجود شخص معنا ما ادري هل هو ركب معنا أو لا ( هذا الشخص كان من المكان اللي قلت عنه انه يشبه المستشفى لكنه ليس الدكتور أو الشخص اللي معه روقة) المهم بعد ماسقطنا ركضنا بعيد عن الطريق خوف من الجمال اللي وقفت وقامت تطالعنا وكانت الناقة قريبة منها لكن انا وقفت عن الركض وقعدت اركض باتجاه قطعه على شكل حلقة سقطت من الناقة لما سقطنا على الارض وكانت هذي الحلقة هي اللي كنا نحطها على رقبة الناقة ونركبها وكانت قريبه من الإبل
لما شافني اللي كان معنا قعد يسبني ويقولي أن ارجع أن استغربت منه وانصدمت من بعض الفاظه التفت مستغربة انتظر من ابوي انه يرد عليه لكنة مارد عليه وصلت انا للحلقة وجبتها وكان سبب احظاري لها إني كنت اعرف أن ابوي مايتحمل المشي الكثير لان عنده الام في الركبة انا ما ادري إذا كنت قلت هالاسباب للشخص أو كانت مجرد افكار تدور براسي وكان ابوي يحاول ينادي الناقة ويطلب منها أنها تجي
بعدها شفت اننا وضعنا فوق الناقة صندوقين على شكل مستطيل وطويلات ومركب عليها قضبان حديد اسود
بشكل متباعد ركب ابوي وبعدها ركب الشخص اللي معنا واستغربت تصرفه لاني انا اللي لازم اكون عند ابوي
المهم إني ركبت لكن حاولت إني ابعد عنه ( ركبنا بحيث أن يكون اولا ابوي وقدامه الشخص وقدامهم انا) المهم اول ماقامت الناقة وحاولت تمشي بدأت تدوخ وتتعثر فمشيتها لان الصناديق يمكن تكون اثرت عليها وكنت قاعدها اقول لابوي اانا خلاص راح نموت لانه يمكن يضرب الصندوق اللي احنا كنا فيه بالجدار ( اقول جدار لانه لما بدأت الناقة تدوخ حسيت اننا رجعنا لغرفة في المكان الغريب اللي قلت عنه انه كأنه مستشفى ) وهو كان يطمني المهم احنا سقطنا على الارض ولما رفعت راسي لقيت الناقة طايحة وكان عندها جمل صغير طايح ومالقيت ابوي ولا الشخص اللي كان معنا قامت الناقة كانت زعلانه ومعصبة انا خفت وطلعت فوق ادراج كانت موجوده على الجدران وكنت خايفة وكانت تقولي انه احنا السبب ( بس ماني عارفه سبب ايش) وتقول خلو الاسلام و........ ينفعكم ( اللي بالفراغ انا ماسمعته منها ما ادري هي ايش كانت تقول ) المهم انا قلت أيه راح ينفعنا لكن بدون صوت قلته لنفسي وكنت اقول مادام أنها قالت كذا اكيد ربي ماراح يتركني المهم أن كنت احاول اهرب من فتحة كانت موجوده على الجدار وكانت هي تمنعني وبعد عده محاولات قدرت اهرب وطلعت من هذي الفتحة وسقطت على الارض وكانت ارتجف وخايفة بالمرة ولقيت ابوي والشخص كانوا يطالعوني
انتهاء الحلم
واسفة على الاطاله لكن لاني قمت من النوم ورجليني متيبسة ومتصلبه من الخوف انا لما قمت من النوم بسب هذا الحلم لقيت انه ماباقي على صلاه الفجر إلا تقريبا ساعه
بالنسبة للاعمار عمري انا 22 سنة وغير متزوجة
ابوي عمره تقريبا 48 سنة
الشخص اللي كان معنا كان اصغر من ابوي واكبر مني بس ما اقدر احدد عمرة
هذا الحلم كان قبل 3 أسابيع تقريبا
عندي سؤال واتمنى إني ماثقلت عليك ( هل الحلم إذا لم يفسر لايتحقق سواء كان خير أو شر وهل العكس صحيح
وهل فيه قاعده اساسية في الاحلام يعني إذا شفت عقرب اسود له معنى نفسه لو امي أو أي شخص ثاني شافه)
وجزاك الله خير ووفقك لما يحبة ويرضاه
نتواصل بعد انقطاع مع0000تفسير الاحلام0000
متابعة النقاش، صفحة 34