مساء الخيرررررر
بديت ادخل في حالة اكتئاب من الطفش وضيقة الصدر:44:
اهلي مسافرين وبيجون بكرا ان شاء الله راحوا وجو ماشفت الشارع
اصحى الصبح واسعى في غداي ومواعيني :angry: لين العصر
وبعدها اجلس اتطاق مع ذريتي تراهم2 ورى بعض كنهم توام جعلهم الصلاح وصغار مايعرفون يوسعون صدري يا يتطاقون والا يصيحون :04:
المغرب يصحى سي السيد ويتغدا ويتقهوى واكلف ماعليه يلبس نعاله ويسكر الباب حتى مايلبس شماغ من العجله
وارجع لمطبخي واخلص بعض اشغال بيتي
وذا الذريه ماما مويه ماما حمام ماما حلاوه ماما وكل شوي قايمه لهم واذا طفشت منهم رحت اتسبح من الغلقه وضيقة الصدر
المشكله وقت الظهر مايسكت جوالي اللي تقول نطلع للملاهي انا وانتي واللي ترانا بنروح للاستراحه تعالي معنا
واللي تقول بقهوي فلانه والده امرك
ورجلي كل ماقلت له قال وانتي ماتقرين ببيتك
والله بها الاجازه مارحت الا المستوصف
قلت له اليوم لاتواعد احد ترا هاليوم لي ولعيالي جاني من الدوام قالب خشته ويتزعل وصايل وانا سافهته ودخل نام
يوم صحى مسوي مسخن كل مافيه يوجعه ويتونون ويتوجع وتغدا وتقهوى ورجع نام عالساعه 9واعتبر هذا اليوم لي انا وذريتي لانه جلس عندنا ماطلع
صحيح النت يسلي ويوسع الصدر بس خلاص هو النت اللي طفش مني
تصدقون اني صرت اشتاق للاوام
اي نسيت اقولكم اني صلحت اليوم حلى خورررررافي من الفراغ وحشيت تمر وسويت معه قهوة شيوخ مخمخه عليها قلت نتقهواه المغرب ويوم جبتها قال ابي شاهي ما ابي قهوه رحت ضفيت عفيشي ودخلته المطبخ ودخلت حلاي الثلاجه
العاده اذا اشتهيت قهوه صلحت وتقهويت لحالي بس اليوم طاب خاطري والله قرفت ومليت من البيت ومن الطفش ومن المل
انا ما ابيكم تعطوني نصايح لاني جربت كل شي ما ينفع مع رجلي الا انه يجيه انتداب وانا اروح لاهلي ويمشوني ويطلعوني ويسفروني الله يخليهم لي يارب
ابي كل وحده تدخل تقول لي سالفه والا نكته والا شين يوسع الصدر والا الرجال غاسلةتن يدي منه
الموضوع مغلق