شاركي في النقاش

سجلي الدخول لإضافة تعليق.

التعليقات

1,972
  1. @daliadream

    هلا حبيبتي أم عبادي كيفك
    أنا بس متضايقة من ثبات الوزن لي مدة ثابتة ع ال 77 كجم يمكن عشان آخذ ملعقة عسل الصباح ... المشكلة حتى لو أخذت فيتامين أحسه يخفف الدوخة بس هالخمول ما يخف إلا لما أتناول ملعقة عسل أسود أو أصفر أو اللي يسمونه أبيض
    ما أدري أغير نوع الفيتامين ... مع إني أنام بدري ما أدري ايش قصة هالخمول مع إني ما كنت كدا ... يمكن عشان السكريات والقمح قليل مرة في هذا الريجيم
  2. @daliadream

    ورد وأم فضيلة أنا برضو وزني ثابت يا 77 ونص كيلو أو 77 من يومين أو ثلاثة .... مع إني من بدأت الريجيم هذا وأنا متعودة كل يوم أو يومين ينقص ربع أو نص كيلو يمكن ميزاني مخبط مرة طاح مني وصلحه زوجي ومرة يطلعني 78 ومرة 77 بس من كم يوم 77 أو 77 ونص كيلو ... شكلي بشتري واحد جديد
  3. @daliadream

    &&أم عبادي&&
    اليوم وزنت عشان خلص اسبوع الثالث وراح انزل الحين نزولي كل اسبوع الحمد لله عن نفسي راضيه صح في ناس احسن مني بس انا رااضيه الان مو حلو النززول بسرعه يرجع بسرعه بدايه الرجيم كان وززني =75.7 نهاية الاسبوع الاول= 73.8(نقصت كيلو و…
    ألف مبروك أم عبادي وصولك للستينات وعقبال ما توصلي للوزن المثالي وعقبالنا جميعا والله يحفظك من كل شر ويسعدك دنيا وآخرة
  4. @daliadream

    زهرة الجدول
    هلا وغلا بقائدتنا العزيزه بصراحه مره اسعديتني بتشجيعك ويارب اني انزل وان شاالله اكون خلاص مسكت خط الرشاقه بصراحه انا حاسه نفسي هذي المره غير الحمدلله وان شاالله استمر يارب وبالنسبه للمويه الحمدلله كل يةم 2لتر او اكثر احط لي قاروره واخطط ان…
    شوفي أختي الغالية زهرة أنا بنسخ وبلصق جزء من رسالتي لأخت عشان مشغولة هاليومين ... حتى حاليا ما أقدر أدخل الإنترنت كثير

    في بداية رحلتي الجدية في إنقاص الوزن رحت مع زوجي لدكتور تغذية ومعالجة سمنة تابعت معه يمكن أسبوعين أو أقل خسيت كيلو أو اثنين و وقف و رجعت زدت للأسف
    بعد كدا وداني زوجي لدكتور ثاني معروف عملت جلسة جهاز لتصغير حجم البطن ما استفدت منها كثير بس بنفس اليوم وثاني وثالث يوم وبصراحة كانت غالية و رجعت بطني زي أول خلال أسبوع تقريبا ولا انتظمت مرة معاه في الريجيم بس خسرت حوالي 4 كيلو في كم أسبوع
    رحنا بعدها لدكتور ثالث وهالمرة قررت إني أنتظم فعلا والحمد لله استمريت معاه شهر خسرت خلاله عشرة كيلو و800 غرام
    جيت الدكتور وزني 100 كيلو و 800 غرام بعد شهر صار وزني 90 كجم بفضل الله سبحانه وتعالى
    بعد كدا بعد ما صار عندي خبرة أكثر بالريجيمات وأنا من قبل هؤلاء الدكاترة كنت رحت لدكاترة آخرين وعملت ابر صينية بس كلها زيارات عابرة ولمدة أقل من شهر ولا استفدت منها كثير
    بعد زيارة آخر دكتور قررت أعمل ريجيم من نفسي ... عملت ريجيم البروتين أو اتكنز وخسيت و وصلت الحمد لله ل 85 أو 84 كيلو خاصة إنو اتكنز مناسب لفصيلة دمي بعدها ريجيم الشوربة وخسيت حوالي كيلوين ثم ثبت وزني يا إما لأني خبصت أو لأن الملفوف اللي في الشوربة ما يناسب فصيلة دمي، ثم عملت رجيم البرتقال والزبادي والزبيب كذا مرة أول مرة خسسني 3 كيلو في 3 أيام بعد كم شهر عدته وكنت استرجعت الثلاثة كيلو وخسسني 3 كيلو ونص طبعا في مدة 3 أيام هي مدة الريجيم بعد كم يوم عملت ريجيم الحليب لمدة يوم ومفروض يخسسني كيلوين في يوم وبعد معاناة وعذاب ومجاعة خسيت بس ثلاثة أرباع كيلو مو كيلوين ... ريحت يوم أو اثنين ثم عملت ريجيم البطاطس مفروض 3 أيام أو 4 بس ما قدرت عملته يوم واحد وخسيت نص أو ربع كيلو و ريحت يومين أو ثلاثة و رجعت لريجيم البرتقال والزبادي والزبيب اللي يخسسني كثير لكن هالمرة للأسف ما خسسني إلا كيلو و ربع أو كيلو ونص في ثلاث أيام يمكن عشان هالمرة رجعتله بسرعة بس كرشتي خفت كثير ,,، معروف الزبادي يخفف الكرش وأنا كنت آكل 4 أو 5 من وجبات الريجيم في اليوم
    زي ما انتي شايفة جلست فترة أعتمد على الريجيمات السريعة اللي نتائجها مؤقتة ويرجع الوزن يزيد بعدها لو ما حافظنا على الأكل الصحي وتقليل الأطعمة اللي تزيد الوزن وممارسة الرياضة وأنا قرأت إن أغلبها لما تخسس تخسرنا بس الماء والأملاح وممكن تخسس من عضلاتنا وهذا شي مو كويس ومضر زي ما قالت احدى الطبيبات مفروض تخسس من الدهون يعني نخسر دهون مو عضل لأن خسارة العضل تسبب دوخة وتعب
    لما قرأت عن تجمع دكتور أسامة في منتدى عالم حواء قررت إني أعمله لأنه ريجيم من دكتور متخصص وكمان ليه شهرة وفيه تقريبا جميع العناصر الغذائية متوزعة على الأيام وكمان مو كيمائي ولا ريجيم صنف واحد الا في الأسبوع الثالث ولحد الآن نحفت عليه ثلاثة و ربع كيلو بعد أول أسبوع وكنت أتمنى أكثر بس يمكن عشان جسمي تعود على كثر الريجيمات اللي بينها أيام فري قليلة غالبا أقل من أسبوع أو اثنين صار ما ينزل كثير أو لأني ما مشيت كثير خلال الأسبوع اللي فات الا كم مرة ومدة قليلة مع إني يوميا أمارس رياضة ودانس فيتنس في البيت لمدة لا تقل عن نص ساعة بس أنا عارفة جسمي أكثر شي يخسسني المشي وإني أخفف من مشتقات القمح لأن فصيلة دمي O موجب

    أختي زهرة صدقيني بتوصلين للوزن اللي تتمنينه إن شاء الله لو أصريتي على هذا الشي

    موفقة يا غالية
  5. @daliadream

    زهرة الجدول
    كيفهم رشيقات المستقبل اليوم انا الحمدلله اليوم اخر يوم لي بالاسبوع الثاني وكله تمام تمام بس حاسه كثرة دجاج خخخخخ هو ماحدد كميه بس انا احب الدجاج وبصراحه كنت جوعانه بس زودت خمس دقايق رياضه<<<<متكلفه صح خخخخ بكره ان شاالله اول يوم لي…
    يا رب تنزلي ع الأقل 2 كيلو أو أكثر وتوصلي للوزن اللي تتمنينه قريبا