انا هقول كلمتين يلخصوا الخناقة اللي شغالة في الموضوع من أوله بين الزوجات و اخوات الأزواج
ستات فاضية
لو كل واحدة انشغلت في نفسها و حالها و مشاغلها مش هتلاقي وقت تدور على اخت جوزي اللي عايزة تساوي نفسها بي و لا مرات اخويا اللي خدته مني
و بعدين و الله الراجل لو راجل بجد و عارف حق أخته و حق مراته عليه مش هيدي فرصه للكلام ده لكن عشان في رجالة كتير مش عارفين او عارفين و بيكسلوا او بيكبروا دماغهم او بيستعبطوا و بيقصروا في حق أخواتهم على حساب زوجاتهم أو زوجاتهم على حساب أخواتهم بيدوا فرصه للخلافات دي
أيوة الأخت لها حق على أخوها سواء والدها عايش او لأ قادر يصرف عليها كاملاً بدون ما تحتاج شيء من أخوها أو لأ سواء متزوجة أو لأ هي لها حق عليه و اللي ينكر ده جاحد.
و اللي بتقول لها زوج و لا بكره يجيها زوج و الله لو الزوج شايف الأخ رامي أخته ما أخوها اللي عزوتها مطنشها و راميها مش مكبر بيها و مراعيها يعني يوم ما يزعلها بقى عارف إنه مفيش أخ يرده دي حاجة و الحاجة التانية الزوج ميغنيش عن الأخ أبدًا لما الأخ يحن على أخته و يراعيها و يهتم بيها ده أبسط حقوقها عليه مش عشان اتجوزت و لا هتتجوز خلاص الأخ ملهوش لازمة.
و اللي بتقول لها أبوها و هم كانوا قالوا يا أخ ليه أبوها مش عايش لها طول العمر مش لازم أبوها يموت عشان يبدأ يتعلم يحن على أخته لو مش حنين على أخته من دلوقتي عمره ما هيحن عليها بعدين.
يعني الأخ مش المفروض يبقى قاعد على دكة الاحتياطي مستني لو مفيش حد يقوم بدوره يبقى يفتكر إنه أخ و يقوم بدوره
و على فكرة أنا مليش أخ عشان بس محدش يقول غيرانة من مرات أخوها زي ما بعض المتزوجات علقوا على الموضوع
حلال على زوجتك حرام على اختك؟
متابعة النقاش، صفحة 15