$/₪▓Ξ❤Ξ»¯−ـالتجمــــ 15 ـع لتباشير مواليد 4أبريل 5مايو 6يونيو ـ−¯«Ξ❤Ξ▓₪/$

متابعة النقاش، صفحة 225

شاركي في النقاش

سجلي الدخول لإضافة تعليق.

التعليقات

1,975
  1. @ahlam_am_1

    روعة احسااس
    السلااام عليكم ... صباااح الخييير .. وييييييييييين رااااااااااح تجمعنا .. دخت وانا ادوره .. وينكم صبايا ... ؟ اخباااركم ...؟ امس ما تمشيت ولا تحركت كثير بس اني رحت عزيمه ولفلفت مع زوجي بالسيارة .. ومن رجعت البيت طلوووق كل ربع ساعه وبعدها…
    صباح الخير أخواتي
    رووعة إحساس ،الله يكون بعونك حبيبتي على هذي الألام والأعراض عن جد تعب
    لاتسكتي عن روحك لازم لين رحتي الظهر المستشفى إحكي ليهم عن الأعراض والموية إللي تنزل والإفرازات حتى وإن كان دكتور ،إنتي تستحي بس هو متعود على شغله
    وعلشان البيبي وتعبك ،ربي يقومك بالسلامة وتدخلي تبشرينه بولادتك
    شوفي الإنتفاخ إللي فيك ووصعوبة ضم الأصابع وإغلاقها أني عانيت منها ،صدق ولدت بالثامن بس كل هالأعراض صادتني وتصدقيين هذي سوائل محبوسة وبعد الولادة مباشرة تبدي تطلع لاتخافيين
    ربي ييسر أمورك حبيبتي ولاتنسينه من الدعاء
    حبيبي هاني للحيين مايشرب مباشرة من صدري وأحس حليبي قل كثير من كثر ماأشفط ،تعبانه مدري ويش أسوي نفسي يشرب مني مباشرة والله حازنني إني أشربه حليب صناعي وخايفه من قلت مناعته :icon33:
  2. بنات بسألكم

    صج الموز والحليب يزيد وزن الجنين اثناء الحمل ؟!؟
    وهل الاناناس اثناء الحمل يجيب الطلق ؟!؟

    اسئله فاكهانيه خخخخ فتحت نفوسكم

    ربي يهون عالجميع
  3. روعة احساس

    كل يوم ادش التجمع اقول ان شالله اسمع خبر ولادتج
    يالله شكلنا بنسمع خبر ولادتج باجر ان شالله :)
    الله يهون عليج
  4. @maaashy_alhal

    السلام عليكم صباح الخير
    حبيت اكتب لكم قصة ولادتي وصغرت الخط عشان الرد ما يصير طويل الله يعينكم على قرقي..

    حبيت اكتب لكم قصة ولادتي
    بس بالبداية ابي اقول لأمثالي البكريات لا تخافون ترى الولاده سهلة وين الولاده ووين كلام الناس!!
    بس اللي راح اقوله بالأكشن تبعي من الخوف والمعاناة اللي قضيتها في كشك الولاده هو عبارة عن خوف من المجهول لا أكثر
    ولا بعد فرج ربي لقيت ان الولاده سهلة ومايحتاج كل هالخوف فقط يحتاج صبر وتحمل ودعاء بإستمرار ادعي وخلي معك موية زمزم مقري فيها وكتاب ورد الولاده ورطب
    وأي مشروب محرض وخصوصا اذا كان رحمك مفتوووح
    بداية قصتي
    اليوم الأربعاء..
    دقيت على المستشفى الخاص لقيت دكتورتي اللي بولد عندها بإجازة
    وفيه بعدها دكتورة أقل منها بالمستوى بس قلت الشكوى لله اروح لها رحت لها وأكدت لي ان الرحم مفتوح ثلاثة سانتي
    وأن ولادتي ممكن تكون قيصيرية لأن حوضي ضيق ونصحتني اني أروح مستشفى حكومي فيما لو أضظريت للقيصيري اسويها بحكومي..
    سألت زوجي.. وبرضو خاف من كلامها وقالي استخيري وفعلا استخرت ربي وتوجهت لمستشفى حكومي كلمت اختي ونصحتني بالحكومي واني ما أورط نفسي وأعرض حياتي للخطر
    انا صبرت لين حملت وصبرت فترة الحمل وانا ادعي ان الله يقر عيني وعين ابوها ما ابي اتهور وأولد بخاص ووممكن تتعسر ولادتي ثم ينقلوني للحكومي
    بذيك اللحظات ما ادري وش ممكن يصير لا قدر الله!!
    يوم الخميس
    الساعة 11 الصباح
    حسيت بطلوق كل عشر دقايق يمسكني وما يطلقني إلا بعد يمكن 15 ثانية
    قمت على صوت الجوال أختي تسألني هاه كيفك..
    قلت لها عن اللي أحس فيه قالت لي بسرعه قومي زوجك وأمشو للمستشفى شكلك خلاص مقربة
    قومت زوجي .. فلان يالله قم انا تعبانه مافيني حيل وهو يقول وش فيك لايكون زي ذاك اليوم رحنا على الفاضي ورجعنا
    انا.. لا هالمره غير وهو يشوفني بس اعض على شفتي كل ما جتني الطلقة حس ان الموضوع جد قام ولبس ثوبه قال يمديني أتغدى ولالا
    قلت يمديك روح هات غدى من برى وتعال وانتبه لجوالك... راح جاب غدا من المطعم القريب وأكلنا وعيونه بعيوني بيشوف اذا الموضوع جد ولالا
    وانا اللي آكل وآوقف كل ما جت الطلقة يمكن رابع لقمه قلت لس خلاص مشينا
    وشلت شنطة المستشفى وفي الطريق جالس يسولف علي ويمزح ويبيني أرد وانا مووو لمه يسألني ردي علي اناجالس اسولف وانا مسكتتته شافني كذا ويمغط كل الطبلووون
    وش فيك أسرعت.. قالي مادري احس بيطلع منك اللحين وانا امشي بشويش قلت له اسمعك بس لاتسرع هذي الطلقة تجيني وجالسه اعض على شفايفي لين تروح..
    وصلنا المستشفى ودخلنا قسم الولاده سلمت على زوجي وقلت بينا اتصال وفي هاللحظه خنقتني العبره مادري ليه شعور غريب ..
    الساعة3 عصرا
    وفي غرفة الولادة.. فحصتني دكتورة تجيب الهم نفسيتها براس خشمها كشفت علي وقالت 1 ونص!! قلت في نفسي كيف والخاص تقول 3 سانتي!!
    اسكت ولا قلت لها شي أعرف نفسيات حقين الحكومي حرك تبلش... قالت لي بلهجاتها الباكستانية خلاص روأطلع لازم مشي راس بيبي مافيه حوض
    قلت لها مو ماشيه رقوني فوق واناراح أمشي باللمرات ابغى أكون تحت الملاحظة.. قلت بنفسي بما انو يوم خميس ليه أروح لأهلي ويشوفوني بتعبي وانا أعض على شفايفي
    وقت ما الطلقة تجيني .. ما ابي اغث امي .. قلت لها ابي اجلس بالمستشفى ركبولي المغذي ورقوني فوق..
    في الممر فوق..
    رايحه جايه ومعي كتاب رود الولاده ونشرة الشيخ ابن عثيمين وموية زمزم وادعي ربي واطلبه الفرج
    جت لمي الدكتورة قالت لي .. الساعة 10 تنزلين للكشف بنكشف
    الساعة 10 ليلا
    فحصتني الدكتورة وقالت 3 سانتي.. وجلسوني بالكشك وقالت لي خلاص مو رايحه فوق وجلست هناك أعاني من الطلوق كل خمس دقايق يمسكني طلق
    لين الساعة 12 باليل رحمي ما تغير..طلبت منهم مسكن ومسكناتهم وكأنها مويةما احس انها تسوي شي غير وانتم بكرامه الإستفراغ
    انادي اللممرضات مايجون إلا بطلعة الروح.. المهم حسيت بإستفراغ اناديها اناديها ومعطيتني اكشششل
    لين عصبت وقررت احوس لهم المكااااااااااااان وتجيني طايره .. وش عقبه
    والعاملة يا ماراحت ياماجت تنظف .. أحسها الوحيده اللي راحمتني تناظرني برحمه لأني انادي ولا أحد يرد وهي اللي تناديهم لي..
    لين جت دكتورة قالت لي مثل ماقالت الدكتورة بالمستشفى الخاص حوضك ضيق وإحتمال قيصيري لكن راح نسأل الأستشارية وش راح تقرر
    اتصلت عليها وانا اسمع سكرت منها وقالت لي.. تقول الأستشارية بنحاوول نولدها طبيعي لو تعسرت بنحولها قيصري!!
    صرخت بقوووة عليها قلت ليه لو تعسرت يعني اذا ذقت الموت ولا اذا الجنين صار بخطر!!
    الآن أدخل قيصري كنت أقول هالكلام وانا تعباااااااانه بقمة آآآآلامي يعني بإختصار منهاااااااااره
    ولا تسمع لي ولا شي ..
    الساعة 2 صباحا..
    اتصلت بأختي وقلت لها انو ممكن يكون قيصيري ابي احد يطمني وتقولي اذا تعبتي مرررره اطلبيها لا تقولين بصبر ثم تموتين
    وأدق على زوجي .. وانا اصارخ فجعته .. اقوله خليهم يعطوني قيصيري ما فيني اتحمل وهو يهديني اصبري ان شاء الله طبيعي مانبي تولدين قيصيري بطلبنا وفيه امكان تولدين طبيعي
    ثم كل حملاتك قيصيري..< كلامه لي
    وما قطع اتصالاته عني على كلامه يقول شكلي انا اللي بولد يحاول يلطف الجو عاااش الجو
    وكشفتني قالت 5 سانتي راح افجر لك الموية
    وما ان تدخلت وانا اللي اصرخ زي الأطفاااااااال اللحين عرفت ليه الناس يقولون لاتروحين لين تنزل الموية

    وانا اردد يا ألله.. بجلس كثر اللي جلست يعني وقتها منهد حيلي وصراااااااخ طول حلقي ابي قيصري
    تجي الدكتورة وتصرخ بوجهي اناااااا مافي يعطي انتي قيصيري انااااي بغى طبيعي وتأشر على مخها يعني بمزااااجي
    وعلى هالحال إلى الساعة 5 الصباح
    كشفتني الدكتورة قالت ماشاء الله 7 سانتي قلت قرب الفرج وادعي ربي واقرا الزلزله يارب يارب يارب
    الساعة 6 إلا ربع
    كشفتني مره ثاني وصرررررررخت ا لدكتورررررررة ولاده ولاده
    ويسحبوني للغرفة وقتها اقول انا بحلم ولا علم مو مصدقه احس اني أحلم
    وهناك تقولي الدكتورة اذا فيه طلق سوي سوى سوى أمساك وانتم بكرامه
    وتجيني الطلقه وهااااات يا شد وهم اقوى اقوى اقوى ثم تروح الطلقة واذا جت شدددددددد وعلى هالحال لين طلعت بنتي الساعة ست وثلث
    وااااااااااااا وااااااااااااااا ثم قلت من كل قلبي أشكرك يارب اللهم لك الحمد كررتها يمكن ميه مره من طلعت وأحسها نقطه نهاية
    للطلق والآلم والتعب ونقطه نهاية لفتره الحمل الطويلة
    ويحطونها على صدري بتغبيرتها الحمرا خخخخخ
    واصيح عليهم شيلوووووووهااااا وشيلونها ويغسلونها ويطعمونها وه بس رحمتهاااا
    ثم جابوها لي وقالوا لي بوسيهاااااا بستها وه بس طالعة تشبه لي... اكلوني الناس بالتعليقات.. يقولون متحمسه خخخخت
    وثم طلعت الخلاصة وبلشو بالتعقيم ثم الخياطة واللهم لك الحمد هذي قصة ولادتي وأعذروني طولت عليكم

    :26:

تابعي تجارب أخرى من هذا القسم.