تعبت من التجارب تعالوا أقولكم والله يحقق لها كل ماتتمنى اللي تقولي شي يبيض بياض واضح

السلام عليكم ورحمة الله وبركاته

بنات أنا قديم جدا وأنا أتابع بالمنتدى على فترات ومافي شي وماجربته

بقولكم الخلطات اللي جربتها وطبيعة بشرتي

أول شي بشرت جسمي ويديني فاتحه بس الوجه للأسف متعبني

وجهي أسمر وحساس مررره لو أحط أي شي تصير الوجنات حمراء وزي الكلف يسود تعبت مع وجهي

عندي هالات سوداء مو طبيعيه نصف الوجه وسمار خفيف وجفاف حول الفم

طبعاً أنا أول مره أستخدمت خلطة سعودية قبل خمس سنوات

بيضت بياض الكل لاحظه بس وش النهايه للأسف ترققت بشرتي مرة وزادت حساسية بشرتي وكثرت الشعر والآن ماحطيتها من 5 سنوات

جربت خلطة شالسالفه اللي فيها صابون الغار بس نعومه وماتبيض ومتعبة جدا

جربت خلطة الكريمات الطبية دكون فورت وأفالون وباقي الكريمات للأسف ماقدرت أستخدمها أكثر من أسبوع لأن وجناتي تتحسس ويتحول الإحمرار سواد

وجربت الحين خلطة 2011 اللي يكتبونها البنات

جربت كريم جولي الفلبيني وصابونة يوم واحد لعب بوجهي رميته على طول

وجربت كريم أغادير وصابونته

ورحت لدكتورة جلديه ماغير خسرتني من أغلى الكريمات وكلها بدون فايدة

جربت اشياء كثييييييير وش أقولكم يابنات صار وجهي حقل تجارب المشكله أنه حساس وماستمر أول مايعلقون علي أخواني ويقولون ليش وجهك أحمر خلاص أوقف وحط فازلين لين يخف وبقى على السواد :44:

تعبت بكل مافيني وربي يابنات اللي يشوفني يقول ماتهتم مع أني يعلم ربي

للهالات أشرب العصيرات وأكثر من الحديد والخضروات الورقية بس بدون فايده

أرطب وجهي عن الجفاف بس للأسف إلى اليوم مالقيت مرطب زين للوجه

أبي خلطه تبيض وجهي وتخليني أنثى بدون مشاكل بالوجه من سمار وبقع وجفاف وكلف الله يبيض وجيهكم يوم تبيض وجوه وتسود وجوه

بنات أنا عمري 29 سنه وماتزوجت مع أني أحضر مناسبات وأنا حلوه بس السمار بوجهي متعبني

أدري أنه نصيب بس أنا أبي أحل هالمشكله لذاتي وشعوري بثقه لما أحس وجهي خالي من مشاكل البشرة

والله العظيم يابنات اللي بتساعدني بدعي لها بظهر الغيب بقيام الليل وعد مني

أبي خلطه تبيض بياض واضح وتحل مشكلتي مع وجهي مابنسى اللي تساعدني طول عمري بالدعوات لأنها مشكله مأرقتني واللي تخاف البنات يقولون ضاره ومدري أيش وماتحب تكتب ترسل لي خاص أبي يصير وجهي أبيض الله ينولك اللي في بالك ياللي بتساعديني واللي تعتبر بياضها سر من الأسرار الله يسعدك أرسلي لي والله تجيك الدعوات وأنتي نايمه

أبي أفضل حل للهالات السوداء لاتقولون لي أقنعه طبيعيه وزبادي وعسل وكركم وفازلين وجنين قمح ترى أنا مافي شي ماجربته أبي شي مجرب وجاب نتيجه وربي بدعي لها

أبي مرطب للوجه ماستخدم غيره للترطيب ويكون معي على طول غير معطر

وأبي تدعون لي بالزوج الصالح بظهر الغيب :35: بعد فوق أننا بنساعدك تبي بعد ندعي لك :44:

أيه يابنات أدعوا لي الله يفرج همكم وأنا بدعي لكم من لي بعد الله إلا أنتم الله لايحرمني منكم


يارب ياكريم ترفع قدر كل من دخلت وساعدت ورفعت الموضوع لو بدعوه من قلبها

أحبكم يابنات وياحريم :27:

63 تعليق 59,249 مشاهدة

شاركي في النقاش

سجلي الدخول لإضافة تعليق.

التعليقات

62
  1. @lhn_alsaaodyh

    الله يرزقك الزوج الصالح اللي يسعدك
    والله ياقلبي بشرتك حساسه لاكن هل جربتي كريمات تفتيح خاصه للبشره الحساسه
    مثلا بيزلين
    وانتي متاكده ان بشرتك حساسه لان تقولين استخدم كريمات وما اتركها الا اذا قالو بشرتك حمرا
    وهذا شي طبيعي خاصه كريمات التقشير لازم تصير حمرا وتتقشر وتحطين معها كريم لتبييض والترطيب
    عموما جربي كريمات خاصه للبشره الحساسه واستمري عليها ومهم واقي شمس
    وترطيب
    وابحثي عن تجارب البنات اللي بشرتهم مثلك حساسه
    في هنا موضوع تمدح شرايح البطاط للهالات
    وبالنسبه لترطيب كريم جليسوليد حلو بعد الاستحمام ادهني منه
    واذا ثقيل خففيه بماء ورد روعه ويفتح
    وكمان جربت كريم جلسرين يشبه الجليسوليد حلو تمتصه البشره على طول وكمان يفتح

    هذي روابط ان شاء الله تفيدك


    http://forum.hawaaworld.com/showthread.php?t=655223



    http://forum.hawaaworld.com/showthread.php?t=2916508



    http://forum.hawaaworld.com/showthread.php?t=2701077



    والله يوفقك وتاصلين لنتيجه ترضيك
  2. صاحبة الموضوع
    مشكورة حبيبتي ماقصرتي الله يوفقك ويحقق أمانيك

    صادقه أنا أغلب الخلطات اللي استخدمتها فيه تقشير وتجفيف للبشرة لأن خلطة سعوديه مافيها تقشير ماحمرت بشرتي معها واصلت عليها بس النهايه ماكانت حلوه

    بالنسبه للجليسوليد ماحطه بالوجه يسبب لي حبوب لو مع خلطه عادي

    والجلسرين مثله مع أن بشرتي جافه مره إلا أن الجليسوليد والجلسرين على طول حبوب بالبشرة

    ومشكورة عالروابط حبيبتي


    بنات أكتبوا لي أي خلطة تبييض عندك لاتقولون بشرتي حساسة إذا مو تقشير بلييييز أكتبوها
  3. @mfahem

    شوفي بالنسبة لكريم مرطب للوجة أأنصحك بكريم كولاجين ايلاستين ستيفز
    حلوو وانا مجربته

    أأدعيلي ان الله يرزقني بالزوج الصالح عااجلا غير اجلا

تابعي تجارب أخرى من هذا القسم.