ردود زوجي تقهر

السلام عليكم


خواتي العزيزات زوجي دايم اذا اي احد مدحني لاااااااااازم يقول لي تراهم يلعبون عليك

يعني مره كنا بماليزيا كنت اشتري هدايا لعيالي فقالت لي اللي تبيع كم طفل عندك قلت لها العدد قالت شكلك صغيره ما عندك اطفال .. قلت لزوجي سمعت اش قالت قال تلعب عليك عشان تشترين من عندها زياده

ومره وحده في لبنان كنا قاعدين بقهوه وجنبنا حرمه تطالعني بعدين قالت لي تشبهين فلانه (ممثله حلوه) انا سكتت ما قلت شي يوم رحنا للبيت قال تعرفين هذيك الحرمه ليش قالت لك تشبهين الممثله الفلانيه ؟؟ لان الممثله هذيك فيها كذا وكذا مثلك وحط كل عيوب الممثله فيني :icon33:

ومره كنا نتجهز بنروح زواج وقالت لي اخته ما شاء الله يا فلانه كانك عروس يوم راحت اخته قال اختي يا حبي لها تموت في المجاملات تجاملك عشان ما يضيق صدرك


ومواقف كثييييييييييره تتوقعون يا بنات ما مليت عينه

88 تعليق 7,964 مشاهدة

شاركي في النقاش

سجلي الدخول لإضافة تعليق.

التعليقات

83
  1. @roabyna

    لا عزيزتي مو العيب فيك ....هو اللي موطبيعي ...لان حتى لو كلامه صح على الأقل كان جاملك مثلهم .
  2. والله نكته زوجك

    يمكن يخااااف تشوفين نفسك عليه


    عادي حبيبتي لاتنقهرين ولا شئ اذا قال لك يلعبون عليكِ قولي له واثقه مايحتاااج احد يشهد لي :)


    فيه رجال كذا لا ويعلمون بعض بعد انه الحرمة لاتعطيها وجه ولاتمدحها سواليفهم ونصايحهم مثل وجيههم

    ياربي يرضى على الحريم اذا جات تشتكي يقولون لها اصبري وادعي له بالهدايه وامسكي بيتك ومن هــ الكلام والرجال اذا اشتكى لــ اصحااابه وهم قالو له اضربها تزوج عليها لاتعطيها وجه ماقول الا حسبي الله على اصحااااااااااااب السوء :(
  3. @good_girl_4

    نجود بنت الجود
    والله نكته زوجك يمكن يخااااف تشوفين نفسك عليه عادي حبيبتي لاتنقهرين ولا شئ اذا قال لك يلعبون عليكِ قولي له واثقه مايحتاااج احد يشهد لي :) فيه رجال كذا لا ويعلمون بعض بعد انه الحرمة لاتعطيها وجه ولاتمدحها سواليفهم ونصايحهم مثل و…
    والله نكته زوجك

    يمكن يخااااف تشوفين نفسك عليه



    نفس الكلام


    أكيد أنك أجمل منة
    بس عااااادي كذا غيرة الرجال إذا قالك مثل هالكلام أحرجة بردود حلوة
    مثل (بعد مايخلض قولي عموما أنا لك وحدك.... وأي كلام حلو)

    لاتذكرين سلبياتة أذكري إيجابياتة............
  4. @akh_yazmn_almsalh

    غريب زوجك يمكن مايبي راسك يكبر عليه عشانك احلى منه وهذا دليل على نقص في شخصيته قاعد يعوضه فيك الله يعينك
    ومو لازم كل مامدحك احد تروحين تقولين له كذا تبينين له مو واثقه بنفسك
    خلك طبيعيه وواثقه قدامه واذا بدا يحطمك قولي له واثق الخطوه يمشي ملكاً
    ماني بحاجه لمدح احد عارفه نفسي والحمدلله

تابعي تجارب أخرى من هذا القسم.