تقربي من الله ثم من عيالك وحني عليهم واهتمي فيهم يمكن هم الي يكونون سندك في الدنيا
اما زوجك هذا خلاص اتركيه ولا تتناقشين معه لان الي براسه بيسويه هذا هو جازاك بعد هذا كله كذا وشلون بيعطف عليك خلاص اتركيه مافيه فايده من الجدال والمناقشه معه بس حقوق الثانيه طالبي فيها يعني ارهقيه ماديا اطلبي منه فلوس قولي ماتبي النوم ولا الجلسه معي خلاص خليه يلتزم بالنفقه عليك وعلى عيالك
وهو شكله مجلسك للعيال علشان مايغثون الثانيه
بس انت نصيحه خلي طلعتك انت والعيال كل خميس اطلعي انبسطي بس الاهم خلي عيالك ينبسطون واذا خلصتوا ارجعوا البيت الحين عيالك اذا شافوك كذا وشافوا ابوهم لاهي مع الثانيه بيزيد تقديرهم لك وماراح ينسون انت وش كثر مضحيه علشانهم واذا هم نسوا الله ماراح ينساك
وكل اسبوع روحي اشتري دامه مهملك بالمبيت والنفس خايسه خلاص خليه يصرف عليك ادخلي دورات انجليزي او حاسب بس لاتدخلين نهيورايزن او العالميه تراهم سيئيين او ادخلي دورة تحفيظ القران
تدرين ان المطلقه يمشي لها راتب بس انت تاكدي من كل شيء
انت اذا ماتحملتي وعندك طاقه (00) اطلبي ورقتك ولا تجلسين مهانه مذله بوضعك كذا الصعب وعيالك لهم الله ماراح يضيعون حتى لو عندهم مرت اب سيئه وهو الزوج مسؤل عنهم وهو يتحملهم
وشكله داري انك بتجلسين ولا راح تعترضين
ومن الحين حاولي تدورين على شغل حاولي بقدر استطاعتك لو تدخلين مدارس اهليه بدون راتب تاخذين خبره على الاقل في مجال الاداره