الموت أرحم لي صح !! الله يجزاكم خير ساعدوني



لسلآم عليكم 

ماأعرف شلون أبدء بالكلام
بس حبيت آخذ رايكم

كيف الواحد يعيش و هو مرتاح نفسيآ مع كثره المشاكل الي تصير بحياتنا ؟؟

وربي أحس شوي و رح أنفجر تعبت من الدنيا ودي أموت وأرتاح

تعرفون وش مشكلتي

أنا بالجامعه وماأقدر أطلع بحوثي ليه لأن ماعندنا نت < يعني بس أدخل من جوالي و أهلي مايعرفون
وكم مره أقولهم بس موراضين تفكيرهم معقد
و ع فكره كل وحده من خواتي عندها لآبتوب بس بدون نت إهئ

و تخيلوا عندنا سواق بس ماأقدر أطلع من البيت ليه لأن أبوي معقد مايرضى نطلع ابد بس نروح المستشفى و الدوامات ونرجع البيت

وبعد الحمدلله عندنا فلوس بس مانقدر نشتري الي نبيه مثلا قبل اسبوعين قررت أشتري آيفون كنت أمهد لأبوي السالفه بس كان ساكت ماقال لأ أو إيه وكنت حاطه ف بالي ان أبوي موافق ورح أشتري آيفون وكنت مستانسه كثير وبيوم من الأيام قلت له يلا يبا نروح نشتري آيفون قالي مافي آيفون وبلا هالخرابيط
وربي انصدمت بجد حطمني كثير قعدت فتره متضايقه منه

والحين كل ماأشوف وجه أبوي ادعي عليه بالموت يروح ونرتاح منه ونعيش حياتنا مثل الناس وربي صرت معقده من أهلي حتى بالمناسبات ماأضحك ولا شي صرت كئيبه منهم
يعني ابوي كل شي عنده و يشتريه بس احنا لأ حارمنا من كل شي وربي خلاص أبي أموت أوف

بس أبي أفهم شلون أعيش حياتي وأنا أشوف الكل مستانس وعنده آيفون و يطلعون واحنا لأ =(

63 تعليق 6,257 مشاهدة

شاركي في النقاش

سجلي الدخول لإضافة تعليق.

التعليقات

61
  1. @mrmr_zmany_love

    كيف تدعي على ابوكي الله يصلح حالك بس
    ادعي ربي يحنن قلبه عليكم
    والله ماتعرفي قيمة ابوكي الي اذا فقديته بس قولي الحمد لله :(
    الله يصلح حالك
    وبعدين انتي حاولي معاه تمسكنوا عنده >>دموع صدقينيي بيلين معاكم ويحن عليكم
    وانتبهي من العقوق
    حتى لو قسى عليكم في الاخير هذا ابوكي
    الله يهديكي ...

    الله المستعان ...
  2. @shadn55

    ياإختي كيف تدعين على أبوك بالموت وتقولين إنه معقد لأنه ما جاب لك أيفون , ترى هذا عقوق وحاسبي كلامك قبل ما تكتبين , بصراحة إذا كانت هذه مشكلتك اللي طارحتها وخلتك تمنين الموت , فما أقول إلا الحمد لله , واحمدي ربك إن هذه أكبر مشاكلك , شوفي مصايب غيرك وتهون عليك مصيبتك
  3. يابنت البنت عزها من عز ابوها لاراح ابوها عزها ماراح تلقاه

    تدعين على ابوتس علشان امور كمالية من وسخ الدنيا ابوتس خايف عليكم حريص من كثر مايسمع من بلاوي الدنيا

    انتم امانة عنده وهذي جزاته تدعين عليه

    استغفري ربك لان هذا من العقوق

تابعي تجارب أخرى من هذا القسم.