معانتي مع هالر قم وش الحل
السلام عليكم ورحمة الله وبركاته ابي اقولكم قصتي مع هالرقم في جوال زوجي شفته رمضان اللي راح كان زوجي اخذ اجازه شهر في شهر رمضان وذاك اليوم كان الفطور عندي اخذت جواله على اساس ابي ادق على الشغاله تجيب اغراض معها من بيت عمتي ودقيت وردت علي وحسبتها الشغاله واللا مجرد ماسمعت صوتي وسكرت الخط استغربت ذي وشفيها سكرت واللا رقم غريب كان في المكالمات الصادره ضغطت على الرقم بالغلط وادق مره ثانيه وترد وتسمع صوتي وتسكر انا خلاص مادري وش اسوي نسيت الفطور ونسيت الشغاله احس الدنيا سكرت في وجهي :44: واعطي الرقم اختي ودق وتسئلها عن علاقتها برقم زوجي قالت انها ماتعرفه وخليتها وكل مافتح جواله اشوفه مره عنده موجود ومره كولمي بعد العيد قال ان لازم ياخذنا معه للرياض حمدالله ماعاد شفته وتمر الايام ويدق جواله وللا مكتوب فيصل والرقم اللي جنني :mad: عطيته الجوال بس مارد سالته ليه مانرد قال هذا واحد من اخوياي سكت واخليه لين نام واخذ الرقم وادق عليه نفس الصوت ومجرد ماسمعت صوتي سكرت وادق عليها مره ثانيه وترد واسئلها وش علاقتها ورقم زوجي قالت اسئليه وهو يقولك المهم سألته وقال مايعرفه وانه مزعجه ومن بعد ماسالته ماعاد شفت الرقم وكنت حامل ولدت ورحت لهلي وطلعت من الاربعين وياخذ اجازه شهرين عندنا في الديره :27:وذاك اليوم يتعب ولدي ويوديه للمستشفى وينسى جواله عندنا واخذه بدق على اهلي وافتح الرسايل واللا هوالرقم مرسله تقول ابشرك ابوي طلع دقيت عليها من جواله ردت ولما سمعت صوتي سكرت خلاااااااااااااص مادري كيف اوصف الشعور اللي حسيتبه وانا اكتب الحين احس اني ابنجن جا وسالته وحلف انه مايعرفه وانه مزعجه وطلب مني اني ارسله واهاوشه وسال اخوياه عنه قالوه انه رجال ويستهبل المهم ناري ماطفت وطول الوقت افكر في كلامه اذا هو صادق ليه ماقالي من المره الاولى وارتاح ولما جت الساعه 3من اليل وانا واعيه بهمي وادق عليها وتعطيني مشغول والله ياخواتي هذا مضمون الرسايل اللي بيني وبينها كتبتله الله يحرمك في هالساعه من تحبين وداعيه عليك في الثلث الاخير من الليل اذا قلتيلي وش علاقتك بهالرقم ردت من طيب من انتي رديت عليها انا زوجته وكتبتلها ماراح يصير اي شي بس ابي اعرف وش علاقتها بصاحب هالرقم رد والله واللي خلق السماوات والارض حلفت وانا صادق اني واحد من اخوياه اسوي فيه مقلب رد على مقلب كان يسويه فيه زوجي وتطمني ياختي وحطي في بطنك بطيخه صيفي وقوليله ان نواف يسلم عليه اول ماقريتها فرحت بس انا استغربت اذا هو يستهبل على رقمه تدق عليها اختي صوت بنت ادق عليها من رقم مختلف نفس صوتها وارستلها انها كذابه ورد علي برساله طويله عريضه انه مهب صعب يقلد صوت البنات وكيف استهبال زوجي عليه خلا زوجته تروح لأهلها بعد حلفه صدقته واليوم الثاني وسئلت زوجي عشان اتأكد وحلف انه مايعرفه نهائي واللي رجع الهم من جديد سئلني ماكلمتيه مارسلك رسايل وريته الرساله اللي ارسلها وقال انه كان حاس بصراحه مارتحت لاسلوبه واليل طلبت جواله ورفض ولما اخذته بين انه مايبيني اخذه وطلبه مني بسرعه استغربة ردة فعله ليه يسوي كذا بلعة همي وسكت السالفه في شهر2 اللي راح وانا الحين معه في الرياض طلب مني اني اروح معه و الله امس اشوف الرقم في جواله رساله فاضيه اسالكم باالله قوليلي وش الحل :icon33: