للمرة الثانية انجرح من اقرب الناس لي

السلام عليكم ورحمه الله وبركاته
لو ان خاصية البحث متوفرة حطيت الرابط الي فيه نفس المشكله اللهم تغير الشخصيات فقط
كأن التاريخ يعيد نفسه وانصدم نفس الصدمه
بنت عمي الي اعتبرها اعز صديقاتي تربينا وعشنا مع بعض
لدرجه ان والله العظيم ابوي يعتبرها بنت له اغراضنا ولبسنا مثل بعض وحنا صغار
والي يشتريه ابوي لي يشتريه لها من العاب وملابس
لدرجه ان الناس يحسبونا خوات
مع الوقت نوعا تغيرت المعامله لكنها مازلت قويه لكن اخف من قبل
انخطبت وزواجها في الصيف
الى الان مافيه مشكله كل شي تمام
لكن بالصدفه وانا اتكلم مع بنت خالتي اكتشف ان حفله ملكتها بعد شهر واسبوع
المفروض يكون في صفر لكن زوجها عنده شغل في جده
الملكه صارت في شهر شوال لكن راح تكون الحفله بعد شهر واسبوع
مع ان اشوفها في الكليه واجي ازورها في بيتهم لكنها ماكلفت نفسها تقول لي
والمصيبه ان الكل عارف القريب والبعيد الا انا
ماعندي الجراءة ان اقول لها ليش ماقلتي لي اخاف انصدم نفس الصدمه الي تعرضتها لها العام الماضي
قالت لي صديقتي(الي كنت غبيه واحسبها صديقتي) ان خلاص علاقتنا انتهت ومافي شي راح يربطنا مع بعض لان ماراح يكون فيه تقارب فكري بينا
خايفه اسمع نفس الرد من بنت عمي
والشي الي محيرني امها(زوجه عمي) الي دايما تتكلم عن زوج بنتها انه جاب لها وعطاها
وانه يحب ياكل الاكله الفلانيه وكل تفاصيل حياته تقولها اذا جات بيتنا ماقالت شي اطلاقا عن الحفله
مع اني والله مو طايره على الزواج علشان اقول يمكن خايفين اعطيها عين :(
نصحوني الله يجزيكم خير محتاره مرررة مو عارفه ايش اسوي
هل تستمر علاقتي معها وهي الي ماكلفت نفسها تقول لي وهل اروح حفله ملكتها او ماروح؟؟
او اقطع علاقتي معاها وبينا صله قرابه وعشره عمر :(

25 تعليق 2,960 مشاهدة

شاركي في النقاش

سجلي الدخول لإضافة تعليق.

التعليقات

24
  1. @mhtagh_klb

    عادى قولى لها انك سمعتى ان زواجها بعد شهر واسبوعين مثل ماتقولى .. وقولى انك استغربتى انها ماقالت لك ..
    عادى كل هاللى قلتى عليه تعتبر قريبه منك .. ماهى انسانه غريبه ماتقدرين تواجهينها .. وخلى اسلوبك عادى .. طبيعى ..
  2. @solaf2005

    بالنسبة لي لو انها صديقة اقول مع السلامة والمركب اللي تودي ما عندي مشاكل0000لكن اذا كانت من ارحامي هنا اقف واحتسب الاجر ولا احاول اخسر اي احد من اقاربي مهما كان السبب 000وصدقينيي اذا نيتك خالصة للة وتسامحين بس رضا للة ورسولة صلى اللة علية وسلم راح يهون عليك الامر000 وبعدين هوني على نفسك ترى كل ما عشتي في ها لدنيا راح تشوفي العجب 0
  3. @daryyyyyn

    حبيبتي معلش متضايقيش نفسك عامليها بالحسني ولا تعاتبيها علي شئ والايام دول
    يعني هيجي اليوم ان شاء الله اللي تتخطبي فيه وساعتها خليها اخر من يعلم
    اما الان لا تضايقي نفسك وعامليها من اجل صلة الرحم
  4. @guesss

    انا اشوف انها ماتستاهل الصداقة ..
    طنشيها او واجهيها اذا تقدرين .. و بيني لها ان اللي بينكم اكبر !

تابعي تجارب أخرى من هذا القسم.