شاركي في النقاش

سجلي الدخول لإضافة تعليق.

التعليقات

61
  1. @rhalh_3

    ومن قال ان السعاده بالايفون !!!!!!!!!!!!!!!!!

    شوفي اللي اقل منك ناس ماعندهم لقمة العيش .. وربي راح تعرفين السعاده والقناعه
  2. @hrm_alzaaym

    شادن55
    ياإختي كيف تدعين على أبوك بالموت وتقولين إنه معقد لأنه ما جاب لك أيفون , ترى هذا عقوق وحاسبي كلامك قبل ما تكتبين , بصراحة إذا كانت هذه مشكلتك اللي طارحتها وخلتك تمنين الموت , فما أقول إلا الحمد لله , واحمدي ربك إن هذه أكبر مشاكلك , شوفي مص…
  3. تصدقين احسن انه ماجاب لك ايفون
    لان وحدة عاقة زيك ماتستاهل ابو يكرمها
    قرف ووسخ دنيا وقلوب اتحجرت وماتت
    اجل ابوكي مايسوى عندك جهاز ايفون او نت
    هذا وهو مدلعكم وبيدكم فلوس وخير وكل وحدة لاب
    كيف لو حارمكم من الفلوس وبخلان عليكم ايش تسوون
  4. صاحبة الموضوع
    لحظه لحظه ترا أبوي يستاهل كذا
    هي ماجات ع آيفون أو نت

    بقولكم بعض الأشياء واحكموا وشوفوا معي حق أو لأ وربي كل الي أقوله صدق ومارح أكذب ولا بكلمه

    أبوي المعقد لا بعد قليله به هالكلمه
    مايحترم أمي و أهلها
    تدرون يقولها انا تزوجتك يالبقره عشان تصيرين خدامه فهالبيت ويقولها كلام وسخ أستحي أقوله
    مايحترمها ابد خاصة اذا جونا أهل ابوي يعاملها كأنها خدامه بالضبط يصارخ عليها قدامهم
    ومايهتم فيها ابد حتى لو كانت تعبانه و بعد امي عندها الضغط وكثير تتعب منه بسبب ابوي
    مره امي كان فيها انفلونزا قوية وكانت تعبانة وطايحه بالسرير وكنا احنا بالدوامات تخيلوا قالت لابوي جيب لي شي دافي أشربه بردانة صد عنها و راح
    يعني بذمتكم في احد زوجته تعبانة وماعندها احد تبي شي تشربه يتركها و يطلع من البيت !!

    وتعرفون انو من ثلاث سنين تقريبا ماشفت أهل أمي ومارحنا بيتهم لأن اهل أمي سمر وأبوي يقول عيالي مايروحون بيت التكارنه أستغفرالله يارب مايسميهم الا كذا وربي أهل امي أطيب ناس شفتهم أحبهم كثير ومشتاقه لخالاتي وبناتهم بس ابوي حرمنا منهم

    بس صدقوني ابوي مو خايف علينا
    مايبينا نصير مثل البنات الي يعرفهم الي مومتربين بس احنا متربين صح ونعرف الصح من الغلط

    وبعد دايم يفرق بيني انأ واختي الي اصغر مني بسنة ثالث ثانوي تخيلوا إذا جاء دوري ع المطبخ أنظفه كله لحالي وإذا جاء دور اختي ابوي يهاوشني ويقولي نظفي معاها طيب أنا شايفني آله ماأتعب لحالي

    وإذاطلبت منه فلوس يعطيها أكثر من الي طلبته وأنا اذا طلبت يقول عندك مكافأة الجامعه وربي ان مكافأة الجامعه أدفعها للمدرسات الخصوصيات وتصوير الكتب والأوراق و اذا عطاني بس للعيد صدق يعطيني كثير بس تروح بسرعه دايم اصرفها أشتري بلايز و أفصل تنوره و مصروفي للجامعه وأشحن جوالي وأفعل باقه النت والمدرسات الخصوصيات يعني بسرعه تروح صرت أحتار شلون أوفر مصروفي =(

    بس وربي في شئ قبل فتره قهرني كثير
    ابوي كان مسوي عزيمه ف بيتنا لأهل ابوي تخيلوا وقت الغداء طبعا صارخ ع أمي وفشلنا المهم طول الوقت كان يقول لبنات عمتي و عمي وش تبون تاكلون و يقرب لهم الصحون و يضحك و يسولف معاهم واحنا عياله والله العظيم ولامره ضحك لنا أو سوا لنا نفسهم دايم يصارخ أو يقول الأكل خايس مثل وجيههكم مع ان امي ماشاء الله طبخها حلو يعني الناس يعجبهم بس ابوي مايعجبه شي فينا

    حتى أخوي بالثانوي صار ماعنده شخصية و خواف بسبب ابوي دايم يفشله قدام اصدقائه و يصارخ عليه

    لكن وش أسوي تعبت من الأبو الي مايحس فينا ابد أبي أصير مثل البنات يطلعون يتمشون يستانسون مع أهلهم .. ودي يصير ابوي حليو معانا و يسولف لكن مارح يتغير طول عمره كذا .. أبي أعيش حياتي مثل خلق الله وربي أخاف أتزوج واحد يطلع أسلوبه مثل أبووي =(

    وربي حياتنا معاه دايم مشاكل
    تعبت نفسيتنا =(


    الي تقول اني وقحه أولا الكلام يدل ع صاحبه ومشكوره كلك ذوق
    والي تقول احمدي ربك عندك لآب بذمتك وش أسوي باللاب بدون نت شلون رح أخلص أشغالي !
    من شريته وأنا قاطته مامنه فايده

    ومشكورين الأخوات الي ردوا علي الله يعطيكم العافية ويحقق أمانيكم يارب =)
  5. @aby_daaoh_bthhralghyb

    استغفري ربك وشلوون تدعين ع ابوووك
    والله العظيم الدنيا بدون الاب ماتسوا والله ماتسواااااااااااااا
    ياليت ابوووي موجود ولانبي من الدنيااا شيء ابد نبي وجوووده معنااا وبس
    ااااه بس يوم قريت هالكلمه يلا يبا نروح نشتري آيفون
    اثرت فيني لاني اشتقت لكلمة يبـــــــــــــــــــــــــــــــــــــــــــــــــــــــــــه ...
    الله يهديك بس ...

تابعي تجارب أخرى من هذا القسم.