هذا اول موضوع لي وان شاء الله الكل يستفيد بس مابي منكم الا الدعاء لي بالحمل
انا قبل كم شهر راجعت عند دكتور وطلع عندي أرتفاع هرمون fsh ارتفاع عالي مره وصل فوق الخمسين
وربي انصدمت وقلت مافي امل ان هالهرمون يضبط وقال عندي لك نظام غذائي لو طبقتيه راح تظبط الهرمونات لانه عالج كثير بهالطريقه واعطاني نظام غذائي .
منعني من السكريات بانواعها حتى الفواكه ماسمح لي الا ببرتقال وتفاح ومنعني من جميع النشويات بجميع انواعها لامكرونه ولا فطائر ولا ارز ولا بطاطس حتى انواع الخبز سواء بر او ابيض المهم جميع انواع النشويات
وسمح لي بالبروتينات اللحوم بانواعها سواء سمك او دجاج او بيض اوحليب او لبن حتى لو كامل الدسم والخضار والسلطات والدهون مامنعني منها والرياضه اهم شئ وكتب لي بس كولفاج.
والله يابنات جاتني قوه وعزيمه وطبقت نظامه وكنت مااكل النشويات والسكريات كان نظامي ساعتين رياضه
واكلي خضار سواء كان مسلوق اومقلي وسلطات كنت اسوي صواني بالفرن واكلي صحي وربي وكنت اشرب كاستين او 3 بردقوش وحبوب الكولفاج وبعد شهر راجعت تخيلو ماشاء الله نزلت الهرمونات وصلت ل5
واتفاجا الدكتور قال ماشاء الله الي سويتيه بشهر فيه ناس ماقدرو يسونه ب6 اشهر وكشف على البويضات ولقي حجمها كبير وماتحتاج منشطات وللحين اراجع عنده وبويضاتي تمام حتى ماتحتاج تفجير هي تتفجر من نفسها بس للحين ماكتب لي حمل ادعولي وكل من يقرا موضوعي يدعيلي بالحمل انا كتبت هالموضوع ابي كل من عندها هالهرمون تستفيد مثل ماستفدت
شاركي في النقاش
سجلي الدخول لإضافة تعليق.
التعليقات
38- اسأل الله الكريم الرزاق ذو القوة المتين ان يرحمك برحمته ويرزقك الذريه الصالحه الباره اللهم آمين وجميع المحرومات يااااااااااااااااااااااااارب ارحمنا
- ما شاء الله
الله يرزقنا ويرزقك من فضله - ونا بقول تجربتي
انا ارتفع عندي الهرمون 14 وانصدمت بقوووه وتعبت نفسيتي موووه
صرت اشرب المرقدوش مرتين في اليوم لمدة شهر ونل الهرمون 6 وشوي
وفرررحت مررره الجمد لله رب العالمين
بس سووال مايرتفع مره ثانبه لاني خايفه انه يرتفع مره ثانيه وانصدم الكولفاج حق ايش
لاني قاعده احاول احمل
ادعوا لي ماتجيني الدوره هالشهر - اللهم فرح قلوبنا .. وآنس وحشتنا .. ونفس كربتنا .. وفرج همنا .. وأزل ضيقنا .. وعوض صبرنا .. وقر اعيننا
بذرية صالحة معافاة ليس في خلقها زيادة ولانقصان واجعلهم خيراً لنا ومن البارين بنا ومن المستغفرين لنا عند مماتنا
واجعلهم من الصالحين ومن حفظة كتابك الكريم ومن المجاهدين في سبيلك عاجلا غير آجل يارب العالمين آآآآآمين .. - رووعه ماشاء الله عليك بطله من جد واااو كيف قدرتي انا للحين مو قادره اضبط نفسي
مواضيع مشابهة
تابعي تجارب أخرى من هذا القسم.