رأيي بصرااحة في وجود الخادمة

اي والله لازم شغاله بلذات الي زوجها يحب التغيير والي عندها اكثرمن 2اطفال والله يابنات معدالقي وقت حتى لنفسي ماغيراجري واطرد في البيت والنفسيه زفت لاوحامل ولاجيره زي الناس حتى الطلعات ماطلع ىمن البزران الله يعين بس

هاذا رابط هديه مني لكل وحده تأيد وجود الشغاله في البيت ..

http://forum.hawaaworld.com/showthread.php?t=3042746&page=2#Scene_1

طبعاااا هاذا شغله بسيطه جدا جداا ...

الي تقدر تستغني عنهم تستغني لان لو مرضتي او صار فيك شي زوجك هذا الي متعبه عمرك علشانه تتكشخين له
وتطبخين له وعلى قولتك ابي ادلع عمري اول واحد يتزوج عليك لان الرجال ما يحب المريضه الي من مستشفى
لمستشفى اغلب الرجال كذا حتى لو تعب وصبر معاك مصيره بيطفش الرجال يبي حرمه بكامل صحتهااا وعافيتهااا
اذا تقدرين تجيبين شغاله بساعه احلى واحلى تنظف وتروح اماااا تقعد تقابلني في الروحه والجيه لاااااا وليت بنفس
طيبه الحين يا حريم الشغالات تغيروو عن اول عجزناااا نفهمكم لكن لا حياة لمن تنادي لا زم تشوفين مصيبه في بيتك
منهااا بعدين تقولين ايه صح .. ولا الي تقول الشغاله شر لا بد منه .. لا مو لازم بد منه ذي .. الله عطاك الصحه والعافيه
قومي في بيتك انتي ليش تجيبين شغاله خطيره وضاره في بيتك كلنا جربنا الشغالات ولا تقولون حظوظ لازم يا تسحر
يا تحقد لازم واول مختصر السحر على الاندونسيات الحين على الكل حتى وصل في السيرلانكيات ...

أشكر جميع الأخوات الله يسعدكم كلكم ... اللي تأيد رأيي أو اللي ترفض
في بعضكم مافهمتني ..أنا الحمد لله بيتي نظيف وبناتي مهتمة فيهم وأنا في نفسي نظيفة أكيد ..وطبخي يهبل الحمد لله .. القصد انه في الأخير أحس هذا مو طموح زوجي .. يعني ما يحب اني أكون مرتبة بس لالالا
يبي كله توب يعني كأني خارجة يعني دايما يابنات فهمتوا .. طيب كيف .. مستحيل كل يوم أقدر وترى هو يطفش ويخلق مشاكل اذا طنشت كم يوم .. يبيني ادلعه كانه طفل .. حتى أخته تقول لي ترى ما ينفع له الاخدامة عشان تفضين له ..
أقول ليش كذا الدنيا ...مايحسون فينا
أقول لكم قصة باختصار والله على ماأقول شهيد ., خال صديقتي تزوج على زوجته بعد عشرة سنين وتراه فقران ومفلس وهي كافحت معاه لدرجة انها تخيط وتبيع .. وتقول صديقتي والله مايجيبون الاكل من برا الانادرا
في الاخير تقول قعد يصارخ يقول أنا أبي حرمة حرمة ماهو وحدة تكنس وتغسل وتطبخ ..
أقسم بالله تقول تزوج وحدة صغيرة وزواجه كان مرة فخم مو على قد ظروفه ..
طيب ليش الرجال كذا .. ماله أمان ..أكيد موكلهم كذا بس صدقوني الأغلب كذا ما يستاهل أنك تتعبين نفسك في الأخير .....
واللي تقول شوفي الأوروبيين مستغنين عنهم وحياتهم كيف ..
حبيبتي الأوروبي : 1- يغسل مع زوجته المواعين
2- يطبخ مع زوجته 3- له دور في رعاية الاطفال والاهتمام فيهم 4- يعتمد على نفسه
5- يساعد في ترتيب البيت ............ وووو غير وسائل التكنولوجيا في المنزل
هل بعد كذا تقارنينهم فينا
لو علي ما أجيبها ولو عندنا الشغالات اللي بالساعة كان أحسن بس مافيه
عموما كل القصد ان أزواجنا ماعندهم مبدأ ولا يعرفون حقوق المرأة
أرجو انكم فهمتوني صح...

والله الشغاله شيء ضروري
انا عندي طفلين وكلهم رضيعين يعني والله مالحق اكل قسما بالله من يوم ماقوم كنت اكرف كرف طبعا قبل ماتجي الشغاله هو رحمني وقال مو معقول والله صرت زي المجنونه لااكل لاانام لاارتاح يؤ الله لا يعيدها من ايام وانا مالوم الرجل السعودي اولا التربيه انه الرجل رجل الا من رحم ربي وغير كذا انا ماقدر اطلب منه يساعدني وهو جاي من العمل كاره عمره يعني يبغى يلاقيني مرتبه انا وعيالي عشان كذا الشغاله ضروره للي محتاجها اما اللي عندها عيال كبار وتقدر تنظم وقتها هذا اللي تقدر تعيش بدونها والله يكون بعون الجميع والاخت اللي قالت تشاركني في بيتي وعيالي وزوجي انا ماايد هذا الكلام اولا الثقه ضروريه بين الزوجين لانه الشغاله بتشتغل ووقت مايكون موجود ولما يجي بتكون بغرفتها والاختلاط صار بكل مكان حتى بشغلهم يعني عمري بحياتي مابثق بزوجي على كذا والشغاله المفروض ماتعتمدي عليها اعتماد كلي عشان لو راحت ماتضيعي بدونها يعني غرفتي وعيالي والطبخ عليه وغسيل ملابس عليه هيا مساعده مو ربة بيت ودائما اذكري الله وادعي انه الله يبعد عنك عيونهم وسحرهم وحسدهم وحصنو نفسكم وان شاءالله الله مايضركم ويارب لك الحمد اهم شيء الراحه النفسيه والجسديه....

وانا معاكم وموظفة وحتى لما احذت اجازة شهر لان شغالتي سافرت ولله العظيم انجنيت خاصة ان اطفالي صغار ويغيرون اللبس 5مرات وزوجي مثل ماقالت صاحبة الموضوع يبيني ماشاء الله كاشخة دوم ومسنتره قدامه ع طول