بنات انا اللي مهري 15 الف.... تعالوا وارفعوا الموضوع عشان اللي ردوا..هنا الردوود/قديم

الله يوفقك ويسعدك ويجعلك اجمل نساء الدنيا بعين زوجك اللهم امين

الله يوفقك

اولا نصيحتي لك لاتشترين ذهب لانه الحين غااااااااااااااااااااالي وما فيه احد يلبسه والله انه عندي مركون في الدولاب ما البسه ثاني حاجه العطورات اشتري عطرين من السويلم من محل اتعامل معه مره رخيص اسمه ابو مكي وكذلك يبيع مكياج انا والله يوم زواجي شريت منه ثالثا ملابس الداخليه من سيتي ماكس لاتشترين الا منه صراحه يجنن ومن الهرم اشتري البجايم وقمصان النوم وقمصان البيت وعندهم بناطيل جنز تجنن كانها ماركه بس بلايز ماعندهم شي زين واشتري منهم طقم ارواب الحمام ورابع حاجه اذا انتو مثلنا لازم انتي اللي تشترين مفارش اشتريها من سوق حجاب اثنين يكفيك وخامس حاجه ملابس العزايم اشتريها من الرياض مول او سوق حجاب وسادس حاجه الاستشوار وطقم الفرش حقت الشعر والرول كلها هذي اشتريها من السويلم وسابع حاجه توكات الشعر من سوق الاشيقر واخيرااااااااااا اتمنى لك التوفيق والشفاء العاجل........

الله يباركلك بمهرك مأشاء الله

حبيبتي والله يكفي وزيادة اشتري بخمسة الف ذهب طقم ناااعم وتسوقي من الهرم بلازا الفساتين فيه ببلاش سعرها من 30 الى 300 تقريبا والله لقيت فساتين تهبل عندهم بخمسين وسبعين وتسوقي من الحلة رخيصة وفساتينها بعد رخيصة وفستان الزواج دبري من احد تعرفينه موب عيب استعيري او استاجري ترى الذهب مهم ويفيدك اذا احتجتي فلوس والاكسسوارات اشتري كوري وفرنسي ما يفصخ لونه من السويلم بالبطحاء على كيفك رخيص وحلو فيه الشنط والجزم والاكسسوارات والعطور لاتكثرين لانها بتجيك هدايا علبتين تكفي والمكياج موب شرط ماركة من مكياج ومحمود سعيد سعره مناسب لو ان مهري مية ما كان تعديت العشرين لاني امل بسرعة من اغراضي وبعدين اهم شي انك تعرسين بالطقاق بالفلوس ادعيلي الحقك واعرس