سلسلة العناية ..3.. تفتيح المنطقة الحساسة, الهالات السوداء و مناطق الجسم المختلفة

اه عزيزتي استخدمي كريم أكريتين مع كريم أفوكين نقطه من دا ونقطع من دا واخلطيهم في ايديكي وحطيه على وجهك مره ليلا مع التدليك جيدا حتى يتشرب الكريم

وحاولي ابعدي عن منطقة حول الفم لأنها حساسة لكريمات التقشير شويه

مع عدم التعرض للضوء

والصبح تغسليه بصابونة البابايا القطع مثلا

لمدة شهرين

ولو حسيتي بحكة أو إلتهاب استخدمي كريم إلوكوم ووقفي الخلطة يوم

ووقفيها تدريجي لما توصلي للنتيجة المطلوبة وحاولي عدم التعرض للشمس إلا بواقي شمس قوي

اه عزيزتي ممكن

لكن كل شئ بيرجع لطبيعته تاني لأن دي طبقات جلد بتتجدد وبتنمو

والكريمات بيكون مفعولها مؤقت يعني مش بتغير طبيعة الجسم

فبالإهتمام انتي بتحاولي تحافظي على النتيجة أطول فترة ممكنة

الرياضة الشديدة اه بتعمل مشاكل للجسم وترهلات لما توقفيها دا اللي أعرفه

زي رياضات الرجال مثلا الشديدة اللي بتقوي العضلات وتكبرها لما بيبطلوها فعلا الجسم بيترهل

أما الرياضة السويدي الخفيفة اليومية أو رياضة البطن الخفيفة فدي عادية مافيش منها ضرر

أعتقد سودو كريم دهني شويه فلو هاتحطيه ككريم أساس هايكون دهني وشكلة مزيت شويه

بالنسبة لوالدتك فطريات بين الأصابع

هي عندها سكر؟؟

أولا فطريات بين أصابع القدمين أهم شئ في علاجها هو الجفاف

لازم لازم تحافظ على قدميها جافة وخصوصا بين الأصابع

لو بتتوضى بعدها فورا تنشف رجلها كويس بفوطة خاصة بيها والفوطة دي تغسلها في درجة حرارة عالية بالغسالة وكذلك الجوارب برضه تتغلي

وتستخدم النقط دي

CANESTEN SOLUTION 1%

اسمها قطرة كانستين

تستخدمها مرتين باليوم

وبودرة مايكوناز أو بودرة داكتارين اللي تلاقيها متوفرة

دي تحط منها لما تنشف رجلها منها تقوم بوظيفة تجفيف بين أصابع القدمين ومنها إنها مضادة للفطريات

لو البودرة دي مش متوفرة بالصيدليات أبسط شئ تجيب الجنتيانة اللي لونها أزرق وتحط بين أصابع القدمين مرتين باليوم ممتازة اسمها بالصيدليات Gentian violet

بس البودرة تقدر تستخدمها للعناية الدائمة للقدمين وتحط منها في الأحذيه قبل ماتلبسها

وخليها تهوي رجلها على طول ماتلبسش شرابات بالبيت علشان هاتكتم رجليها وإحنا محتاجين التهوية

العلاج لمدة أسبوعين أو أكثر وبلغيني بالنتيجة

ولو الفطريات بين أكثر من 3 أصابع يبقى محتاج علاج أقراص بالفم

وتذكري إن الفطر دا بيحب الماية والرطوبة والعرق

فلازم قدميها تكون جافة دايما دايما

بس الأول ازاي عرفتوا إنها فطريات؟؟راحت لدكتور وتم تشخيصها على إنها فطريات؟؟

لو ممكن تصوريهالي وترسليها على الخاص أو توصفيهالي هل فيها قشور بيضاء أو مادة لزجة بيضاء بين الأصابع مع الحكة؟؟

وجفاف القدمين عندها بيكفي الآن كريم جليسوليد لحد لما نعالج الفطريات الأول

إجـــــازة لمدة شهرين

أعتذر على عدم الرد على الإستفسارات على العام أو على الخاص الفترة القادمة ولمدة شهرين لظروف خاصة