شاركي في النقاش

سجلي الدخول لإضافة تعليق.

التعليقات

3,929
  1. @egypt_jasica

    يا دوووووووووووووون انتى رحتى فين ايوووووووووووووووووه بتعملى الأكل لولاد اختك ربنا يخلهوملك يارب ويخليكى لأختك ياريت كل الناس زيك

    تعالى خلاص ياشيرى مفيش حاجه ده دون كانت بتفرجنا عليهم بس
    ازيك ياشيرى وحشانى

    سندريلا صح النوم ياعم

    ام باسل وعليكم السلام ورحمة الله وبركاته وحشانى

    سمسمه ازيك وازى ياسمينه يارب تكون تمام
  2. ام ياسمين ازيك انتى وحشانى جدا بقالى مدة مش شايفاكى
    والله ياسمين مغلبانى اليومين دول
    شوية حساسيه على جلدها وبعدين دور سخونية بسبب زورها
    وبعدين بقا كله اللثة ولسانها مورمه وملتهبة ومش عارفة تاكل حبيبتى
    بس كله ورا بعضه لما استويت

    انتى بقى اخبار ياسمينتك ايه
    يارب نكون بخير
  3. @egypt_jasica

    متغيبش علينا كتير ياسمسمه وسلامة ياسمينه الف سلامه
    انا الحمدلله ياسمين كويسه بس مغلبانى فى المذاكره مش عايزة تكتب واجب خالص ولا عايزه تذاكر جربت معاها كل الطرق من ترغيب وترهيب ومفيش اى فايدة ربنا يهدى

    ياريت لو حد عنده خبره فى السن الصغير ده للمذاكره يقول واعمله عصير جزر ههههههههه
  4. ربنا يهديها يا حبيبتى ويا ريت فعلا لو حد عنده خبرة يفيدنا كلنا
    لانى ان شاء الله كمن سنة ولا حاجة هابقى داخلة فى الموضوع دة
  5. @noody30

    صاحبة الموضوع
    السلام عليكم و رحمة الله و بركاته

    ازيك انتي يا ام باسل، اخبارك ايه؟ وحشتينا و الله

    اهلا يا سندريلا، ياللا بلاش كسل و نورينا في المضيفة على طول

    سمسمة الجميلة، وحشتينا يا بنتي. الف سلامة على ياسمين، معلش دخول الربيع مقرف و الحساسية بتبقى متعبة في الوقت ده، خلي بالك عليها و حتبقى كويسة ان شاء الله

    يا ام ياسمين، اقولك ازاي تخليها تعمل الواجب بس من غير ما تحطيلي شبشب زي اللي دون حطاه لشيري؟؟؟ الحل الوحيد للسن ده و عن تجربة هو ......... اللعب!!!! ايوة اللعب، يعني تقعدي تلعبي معاها و تنزلي لمستواها خالص و يبقى قدامكم كراسة الواجب و بين كل فترة لعب و التانية نعمل شوية واجب، صدقيني حتعمله كله و حتستوعبه لو صعب و حيبقى وقت جميل بتقضوه سوا. شوفي كلامي مش خيالي لاني مجرباه اي نعم مجرباه مع اطفال غريب عني، يعني مجربتش ابقى ام و اطبق الكلام ده على اولادي و مش عارفة اذا كان الاسلوب ده حينجح معاهم و الا باب النجار حيكون مكسر، بس انا جربته مع كل الاجيال اللي درست لها من اول كي جي وان و انتي طالعة، حتى الكبار كنت باطبق معاهم اسلوب شبيه، مع اختلاف الالعاب و الحوارات طبعا حسب مستوى تفكير كل سن. جربي كده و شوفي حيحصل ايه

تابعي تجارب أخرى من هذا القسم.