ابوباسم: حياك الله
سعد: الله يحييك ياعمي
ابوباسم: باسم صب القهوه
سعد يجلس ويحس انه يتصبب عرق من الخوف
ابوباسم: سعد ياولدي
سعد: سم ياعمي
ابوباسم:اليوم ناديتك ابنهي موضوعك مع بنتي هيام لان الدعوه طولت وانا رجال تعبان وموضوعكم شاغلني
سعد يحس براحه لان الموضوع اللي ناداه عمه له عكس اللي كان يتوقعه
سعد: ابشر ياعم
ابوباسم: انت تعرف ان هيام كانت جاهزه والان مابقى الا القليل يناسبك الاسبوع الجاي
سعد يرتبك : الاسبوع الجاي !! بس ياعمي انا تعرف اني كنسلت الشقه اللي استاجرتها يبي لي فتره استاجر واثث وتعرف
ابو باسم: لاياوليدي ان رجال شارييك وبيت اهلك بيتك ماابي اعسرك غرفة نوم ودورة مياه كافيه
سعد: بس ياعمي هيام شارطه بيت وانا ماراح اجبرها تسكن عند اهلي
ابوباسم: وانا عمك جالس معها ومتفقين على كل شيء
سعد: اذا كذا اجل عطني اسبوعين اظبط لي غرفه ببيت اهلي
ابوباسم: اسبوعين اسبوعين على خيرة الله
سعد يطلع من بيت اهل هيام وحاااس انه بينظغط ولازم يخلص فالفتره المحدده طلع من بيت ابوهيام وراح لبيتهم حصل اهله واصلين من مكه
شاورهم واشارو عليه اهله يمدد شوي علشان تجهيزات الزواج والجناح والاثاث وغيره وغيره
قرر سعد يكلم هيام ويشاورها
هيام: هلا
سعد: هيومه احس اني انحرجت يوم قال ابوك معك اسبوعين وين وشو يمديني ولاوشو
هيام:اسبوعين!!! وهالكلام متى صار اليوم؟؟
سعد: ايه ليش ماعندك خبر
هيام تتظاهر انها عارفه : لاعندي بس مااستفسرت وش صار ينكم
سعد: معقوله!! هيام كأن الموضوع مايهمك
هيام: اممم لاموكذا بس عندي الاسبوع الجاي اختبارت فصليه وتعرف بنشغل فيها مره
سعد: ولايهمك بصير لك الام بالاختبارت ههههههههههههه
هيام:عموم مو مشكله احاول اني اخلص خلال هالاسبوع
سعد يفتشل لانه قاعد يستخف دمه ولاعطته هيام وجه
الاسبوع الاول بدء في تجهيز الجناح وترتيبه وكان خير عون له تركي يساعدها بكل كبيره وصغيره
والاسبوع الثاني تفضى لنفسه فصل ثياب وشراء عطورات جزم واللذي منوه<<*_*
هيام كانت شاده حيله بالاختبارات وعلى اخر يومين راحت المشغل قصت شعرها وسوت حلاوه وبدكير واللذي منوه
،،،،،،،،،،،،،،،،،،،،،،،،،،،،
تركي طالع يشتري بعض الاغراض اللي وصاه عليها سعد
ريم: هلا تروك
تركي: هلابك
ريم: اليوم عازمتني صديقتي على خطوبتها ابيك توديني لها
تركي: اوك تجهزي بس بتاخر عليك شوي
ريم: مومشكله
ريم تتصل على سواق اهلها ويجي يوديها المشغل وتسوي شعرها
وتسوي ميك اب خفيف
يدخل تركي البيت مايحصلها
تركي: ريم وينك
ريم: جايه بالطريق
تركي!!!
تركي: من وين جايه
ريم: حبيبي من المشغل مو قلت لك خطوبة صديقتي اليوم وانت مشغول ماحبيت اشغلك واتصلت بسواق اهلي
تركي: طيب من سمح لك تروحين مع السواق
ريم: حبيبي ماصار شيء خلاص جايه الحين دقايق وانا بالبيت
تركي: اوك استناك
تركي يعصب ويفكر لو انه حرمها من خطوبة صديقتها بس بداخله شيء يمنعه مايحب يضايقها بس تصرفاتها تجبره كذا
تدخل ريم وكانت طالعه بلبس البيت برمودا للركبه وبدي اورنج
تركي: خيرر ريم لااستاذنتي ولبسك مدري كيف اصير وطالعه مع السواق وكل هذا وانا اخر من يعلم
ريم: تمر من تركي وهي تفصخ عبايتها حبيبي ماصار شي كل الامر انك مشغول حبي وماحبيت اشغلك زود وتتركه معصب وتدخل دورة المياه تركي مازال واقف وحاس ان البنت مطنشته وانها ماشافت منه اللي يخليها تتسنع وتتعدل
طلعت ريم وكانت لابسه روب مشمشي حرير كان شكلها مره حلووو خصوصا بالتسريحه الناعمه اللي مسويتها
تركي: ريم
ريم تبدل ملابسها : عيونه
وتلبس فستان اسود قصير وعاري
تركي: واللي مايخليك تروحين خطوبة صديقتك
ريم: ماانولد للي يمنعني من شيء وتضحك وتغمز له بعينها
تركي حب انه يجس نبض اذا كانت تمزح بكلامها او مجرد مزحه
تركي: طيب لو قلت لك اجلسي مافيه روحه بتروحين او لا
ريم: شف تركي انت طول اليوم كنت برى البيت ولاهي باامور اهلك واخوك وماقلت شي خلااااص عاد وقفت علي اذا انت متضايق من كثر مشاغل اهلك لاتحط حرتك فيني
تركي: وانا اقول لك حلفت باللي رفع سبع مالك طلعه مع الباب اليوم
ريم: تلف لتركي ومستغربه جديته : تركي خلني اروح وانت سامح الخاطر احس من اني اروح وانت زعلان
تركي: قلت لك واللي رفع سبع ماتطلعين من البيت اليوم بلا خطوبة صديقتك بلاهم
ريم: صادق انت
تركي: ايه وحالف مالك طلعه بعد الاباذني
ريم: عادي اموري اخر اولوياتك اهلك قبلي بكل شيء مو شيء جديد اصلا امري لله واطلع مع السواق لو اني متزوجه السواق اصرف لي
تاخذ ريم جوالها وتدق يقرب تركي منها ويصفقها على وجهها ويطيح جوالها بالارض
ريم انصدمت من تصرف تركي
تركي طلع من غرفته وطلع بسيارته وهو ضايق خلقه وحس انه غلط بس مو بيده هي اللي اجبرته على كذ
الساعه ثنتين يرجع تركي للبيت
