lolokasha
انا اعرف حضانة كويسة جدا فى مصر الجديدة فى شارع بيروت اسمها رينبو وديت بنتى فيها فترة
انا جربت كذا حضانة قبلها بس دى اكتر واحدة عجبتنى بس هيا غالية شوية بس قصاد الفلوس الاطفال بتستفيد فعلا
وبياخدو ميوزك وشوية دراسة على خفيف كده ورسم واغانى
يعنى حسيتها مفيدة للطفل مش كله لعب
والاكل عليهم كمان مش بتبعتى حاجة مع الطفل
وان كنت ساعات ببعت مع بنتى زبادى او لبن بالفواكه و بسكوت احتياطى وكمان عشان هيا مش بتشرب لبن زى باقى الاطفال
لو عايزة معلومات اكتر قوليلى ابعتهالك
ميلسيا
بالنسبة لخبرتى فى الموضوع بتاع الدكاترة دول ف أنا زيك برضه مش بحب اروح لرجالة فى المجال ده
مع ان كتير من الناس خوفونى من الستات وقالولى الرجالة احسن واشطر
بس انا اتكلت على الله وروحت لست والحمد لله كانت كويسة
بس كان عيبها الوحيد انها على طول زحمة جدااااااااااااااااااااااااااااااا
وكنت بروح معادى فى العيادة استنى كتير
لو عايزة بيانتها قوليلى ابعتهالك على الخاص
هى فى مصر الجديدة
فى واحدة كمان روحتلها مؤخرا
برضه قرايبى شكرولى فيها جدا 2 من قرايبى مجربينها
بس هيا فى المهندسين فى جامعة الدول مركز الامومة والطفولة بس ما شاء الله عليها ممتازة ومريحة جدا
هى استاذة فى طب القاهرة ودارسة برة
والعيادة منظمة ولازم تاخدى معاد قبلها بيومين وتروحى على معادك ومفيش زحمة بس هيا غالية شوية عن الاسعار العادية
على الاقل الاسعار اللى انا واخدة عليها عند دكتورتى الاولانية
لو عايزة بيانتها ابعتهالك
انا كنت بعت البيانات دى كذا مرة لناس هنا معانا مش فاكرة مين
المضيفة المصرية: اتفضل اشرب شاي
متابعة النقاش، صفحة 157
