المره الاولى الله يكتبنا من الصابرين

الله يحفظلك عيالك ويفرحك فيهم ويكتبلك الذريه الصالحه المتعافيه الباره

والان ابهاوشك وش مدخلك موضوعنا وشوله تنكدين على عمرك ياختي لاتقرين الا القصص الممتعه واضحكي وفليها

(الله يجزاك الجنه على دعائك وصدقيني ماكتبت هالموضوع الا علشان خواتي الجدد بالمأساة يتصبرون ويتقوون ومايحسون انهم لوحدهم بهالدنيا)

لاتضيقين ياختي ولاتزعلين عمرك المؤمن كل امره خير اذا اصاببته مصيبه صبر واذا اصابته سراء شكر

وانا راح اقصلك موقف كان يدور في بالي بعد ماعرفت ان ولدي معاق وتأخر عقلي وفكري كنت اصبر نفسي واقول ان الله اكيد يحبني من دون كل اللي حوليني لاني طيبه ومستقيمه ومؤدبه ومحبوبه من اللي حوليني قبل ماتزوج وبعد ماتزوجت وجاني ولدي الاول مريض بالربو بشكل قوي وثم الثاني المعاق قلت اكيد ربي يبغاني الها بأمور فيها اجر مو مثل غيري لاهين وش بيفصلون لزواج الفلاني ولا وين بيسافرون ولا وش بيأثثون وسبحان الله انا قايمه قاعده اعتني بالاولاد وبأذن الله ماجوره (واتمنى اني ممن احبهم الله فابتلاهم )

وهذا امر اصبر نفسي فيه وصدقيني الدنيا ماعليها احسوفه والحمدلله دائما اقول لامي لما ترحمني وتبكي على ولدي اقول يمه والله المصيبه ماهيب بالصحه ولا بالمال المصيبه بالدين لمى تشوفين شباب كانهم الورد وفجاءه اصحاب السوء يغوونهم ويطيحونهم يابشذوذ ولواط يابمخدرات ياببنات وزنى وخمر

هذي صدق المصيبه واللي قاعد يصير بالدول العربيه العالم قايمه على رؤسائها والله اني ادعي لموتاهم ان يكون قصدهم نصره لدين والاسلام مولوطن ويكونون شهداء مو فقط قتلا

والصدقيني ياختي الامراض اللي تحسينها يمكن من نفسيتك بالعكس تصبري واضحكي واقري المواضيع اللي تساعد ولدك وايضا القصص المضحكه


ومن الاشياء اللي عالجتني نفسيا وطلعتني من التوتر والبكاء رحت لمحل اغراض خياطه واخذت كنافاه وصرت اطرز خداديات (كوشيات) وسبحان الله مرره ارتحت وانبسطت

واشتريلك عصافير خفيفة دم واعتني فيها وراقبيها وراقبي حركتها راح تزيل الضيق اللي بقلبك والعلم اثبت ان مراقبة حركة الاسماك مريحه جداجدا للاعصاب اشتريلك حوض وحطي فيه سمك وتفرجي عليه وفككي الاحاسيس المتعبه اللي على اكتافك

واخر شئ اهمس لك بهمسه اعملها دائما وهي (ابكي خمس دقائق كل يوم على ولدي )وخلاص اخذعهد على نفسي اني طول اليوم مااصيح خلصت حصة البكاء ومالي حق اصيح باي وقت ثاني
وبكذا صرت شاطره واسمع كلام نفسي

اتمنى اكون ساعدتك لو بشئ بسيط ووسعت صدرك والله يحفظك ويشفيك ويشفي وليدك ويرجع افضل من اول

الله يجزاك الجنه ويكتبلك الخير كله

انا اعتذر واتأسف بشده منك اني ماشفت قصتك يمكن لانها اخر وحده بالصفحه الاولى

الله يهديه الدكتور المصري ممن كثر الحالات اللي تجيهم مايقدرون ان كل اسره يعتبر هذا الامر اول مره تحصلها

هالمصيبه ومو كل الناس تعرف مسميات الامراض والاعاقات

والان كيف حالك عساك عديتي مرحلة الحزن واعصابك افضل

وتمنى من الله ان الله يساعدك ويقويك ويسخرلك زوجك والطيب من خلقه لتسهيل امور حياتك انتي وابنك