¤''¤~ ملتقى نوارات تونس ~¤''¤

مسكين باش ياكلوه

صباح الحليب والتمر
om chaima شكون قالك اللي نحب نبكي عالصباح صدقني حطيت مخ راسي وقت حليت الصفحة و لقيت حومتي وولاد حومتي تعرف في رمضان كنت نمشي نشري الخبز لازم ندخل للسوق شنشم الريحة برك :icon33: يعطيك الصحة على كل حال أهوك طبعتهم التصاور ـ و حق آدم مطهر وكمل ـ
tunisienne إنشاء الله في خلاص الوحل تعرف حتى أمي حبلة في بنوتة هاني مازلت نلوج على إسم ـ
:39: تعرفو البنات اللي التوانسة أطيب شعب في العالم تعرف ذكرتني تصويرة الراجل اللي يبيع في الزيتون هبطت لتونس و أنا حبلة دخلت للسوق تعديت من قدامو ياخي وقفني وأعطاني من كل نوع شوي قالي راك تشتهى يذكر بالخير وهنا في أمريكا لا واحد يتلفت للأخر ما زعام كان في ما تبوسش ولدك في الشارع وممنوع تعنقو، :(

om chaima
أنا من جندوبة :)

nourhen الله لا يبكيك كان من الفرحة كيف قتلي حطيت مخ راسي بالبكاء
والله حتى أنا و ليت نبكي حزنتني قلبي نعرف الغربة و همها
أنا نهار كامل نبحث في مواقع تونسية و تخص تونس
هذا الموقع و يزي مالبكاء
http://lapicara.bidjungle.com/photoalbum/tunisia/bizert/
دموعي ما حبتش تكف لا إلاه إلا الله
آش باش نقوللكم 22 عام غربة عرست عمري 20 (ما تحسبوش عاد )
tunisienne et nourhen قد بنتي الكبيرة
كان وحدة تقول عزوزة لما نوريها
و القلب ما مازال شباب :27:
ولدي فارس عمره 4 سنين مازلت ماطهرتوش
ناوية نعمل عمرة و نطهره في البقاع المقدسة قولوا آمين و ربي يسهل

jgigi نتشرفوا بيك و بجندوبة نعرف برشة جنادبة ما نقول فيهم كان الخير ناس ملاح
و حسب كلامك راجلك مش تونسي (شفت الفضول)
ربي يرزقك بالذرية الصالحة آمين
صحيح البروكلو المسلوق يضعف أنا جربته



فارس ولدي هيا كل وحدة تحط تصويرة راجلها :30: يا ربي ولدها و إلا بنتها
الغربة تهبل العاقل

يعيشك om chaima
و إنشاء الله ربي يسهلك و تطهر ولدك في البقاع المقدسة و يا ربي يصلحو و يعطيكم الوقت الطيب
أما على راجلي راهو سعودي ,و أخويتي إسأل كيف ما تحب أنا حاسبتكم خواتي :)