انا اعاني من الخوف

السلام عليكم ورحمة الله وبركاته كيف حالكم يابنات
يابنات انا من رمضان الي فات تقريبا لما كنت اشتغل في المطبخ واخلص كانت تجيني رعشه في ايدي وبعدين قمت اوسوس كنت اقول في نفسي اخاف اروح للناس وترعش ايدي وقام يزيد معاي حتى صرت ماعاد اروح للناس مع اني مرات اروح لكن مااحس ان الناس يلاحظون هالرعشه بس انا اهيء لنفسي هالشي رحت دكتور عضلات صور ايدي رنين مغناطيسي قالي انتي سليمه وفي شهر فبراير الي فات رحت دكتور اعصاب وقلتله عن حالتي وانا كان زايد فيني الخوف حتى كنت اقوله خلصني من الي انا فيه فوصفلي (السيبراليكس) هذي حبوب تزيل التوتر لكن هنيه كانت الطامه الكبرى لما كلت اول حبه حسيت كان احد صاب على راسي ماء حار وقامت تجيني نوبات الخوف والهلع وتميت على هالحاله شهر وشوي لارقاد زين واكتئاب وفقدان شهيه وكرهت البيت ولاعيال وزوجي يعني حاله مايعلم فيها الا الله وكله يتهيالي اني اذا قابلت الناس بترتعش ايدي وبيلاحظون هالشي وشوي شوي قمت اتعود على حالتي طبعا هذا كله من فضل ربي اولا وقوة عزيمتي وتقربي من الله والحمدلله بدا الخوف يتلاشا واتعود على حالتي والرعشه هذي ماحد يلاحظها الا انا بس اقول الحين لو اروح للناس هل بترعش ايدي ولا لا انا خلاص عادي تعودت عليها لانها ماترعش اصلا وهل فيه احد مرت عليه نفس حالتي ياليت حد يرد علي