شاركي في النقاش

سجلي الدخول لإضافة تعليق.

التعليقات

26
  1. @sdym_albhr

    انا صراحه كنت ماقدر علا ولا واحد من اخواني حتى الي
    اصغر مني لضعف البنيه سابقا وركزو علا سابقا
    المهم فشيت غلي بدجاج جدتي الله يحفظها كانت حريصه
    عليهن بس مادري وشلون وصلت لهن
    كان عمري خمس سنوات بس مجرمه محترفه
    وشوف الدجاجه الغدوره قاعده تعصر تطلع البيضه
    واقوم اشمر عن ساعدي واسحب البيضه وهي تصارخ///حشا قابله///
    يوم عجزت واقوم واخليه واحوس مع البزارين ولا كني مسويه شي
    وامر من عند العش واشوف جدتي تقلب الدجاجه الضحيه
    بعدها حسيت اني ارتكبت جريمة قتل والعياذ بالله
    واسكت ماعلمت احد الا يوم كبرت وامنت العقاب
    ياكثر قرقي اسفه علا الطاله بس القرق علا حسب درجة الجريمه
    خلاص خلصت :27:
  2. @lolo_katy

    لله يلعن ابليسكم
    والله موتوني من الضحك بمواقفكم
    حشى مو بنات
    الله يعين اهاليكم عليكم
    ويصبر قلوبهم
    اجل هاذي سوايا تسوونها

    على العموم عندي وعندكم خير
    اسمعو هالمواقف الي مستحيل راح انساها

    الاول
    كان عمري بوقتها ثمن او تسع سنين
    خدامتنا حسبي الله عليها انحاشت مع سلوقي من ربعها
    والمقروده امي طاح فوق راسها كل شي
    البيت والاعيال والرجل والبلا والجلا
    المهم
    قلت بساعدها يعني واروح اخذ اختي الصغيره وكان عمرها سنتين سنتين ونص
    وادخل انا وياها الحمام وانتو بكرامه وبسبحا <<<<<من النظافه الزايده عندي
    وكنت طربانه بنت الحلال واروح اخذ المسجله وادخلها معانا للحمام <<<<ابستنزل
    وطبعا كان البانيو متروس ماي واختي داخله داخل
    وانا الجويده برا
    وحاولت اني اركب الفيش وما قدرت
    واروح وانا بنت ابوي انط فوق المسجله واركب الفيش
    يوم اني ركبته وجيت بنط
    الا تقلب فيني الدنيا واطيح برا البانيو والمسجله داخله
    والمقروده داخل قعدت تصرخ وتصرخ
    وانا مستغربه مدري شالسالفه كل ما جيت امد ايدي اسحب المسجله يكهربني الماي
    ومدري شسوي
    واروح اصرخ على امي وامي المسكينه بالمطبخ تغسل مواعين الغدا
    وعلى بالها لعب البنات
    وما ردت علي لين نزلت وقلت السالفه
    وتطير امي فوق يوم وصلت الا اختي صايره زرقه
    وتروح بسرعه تسحبها
    وطبعا مثل كل ام خليجيه قعدت تصرخ وتولول بنتي ماتت يا فلان
    وانا مدري شسالفه وامي تبجي حسيت اني سويت بلا بس مدري شنو<<<<ابوك يا الرفاله
    والمهم يجي ابو الشباب ومعاه الشباب
    ابو الشباب افتتح فيني السالفه بالطراقات والرفس والعقال
    والشباب قعدو يتفرجون بعد ما شافو ان اختي ما فيها الا العافيه
    وبعد ما استوعبو وتفطنو ان الي بين رجول ابوهم ادميه عمرها ثمن سنين قامو يهدونه
    والغريب اني ما بجيت مدري من الخرعه ولا عزت نفسي ما سمحتلي ابجي<<<خطيره والله على عزت النفس
    بس والله مدري؟؟؟؟
    بس والله من يومها وانا جايني رعب مستحيل ادخل اي شي كهربائي معاي للحمام وانتو بكرامه

    الثاني
    هذا عاد وانا كبيره
    من زود القافه والظفر
    نازله من الدرج ولابسه كعب اطول مني
    وطبعا خامه معاي بنت اخوي عمرها خمس اشهر
    شايلتها وما معاي من الشيطان طاري
    ولا مدري شفيني<<<<سبحان الله كل بلوه فيها تقول مدري شفيني
    تلتوي رجلي وانا نازله ولا انا على وجهي
    وطايحه من راس الدرج لي رجوله
    عاد المصيبه ان الدرج رخام مو سجاد
    ومن زود خوفي على بنت اخوي لامتها ما ابي يصير فيها شي
    والله عاد ما صار فيها شي ولا حتى شمخه بسيطه
    وانا جسمي انترس جروح و بقع زرق ورضوض باليد والرجل والركب والظهر مع كسر بالقدم واصبع ايدي اليسار الوسطى
    والله عاد الحين لا قالو قلانه فيها جذيه
    اقعد احاتي واقول يوووووووه يمكن من طيحتي معاها بالدرج؟؟؟
    والله وتبت مره ثانيه اشيل جاهل وانا لابسه كعب ونازله من الدرج
    اذا راح انزل تلاقوني اقطه وبعدين انزل
    جتني عقده والله العظيم
  3. @ghrybh_byn_ahly

    هههههههههههههههههههههههههههههههههههههه

    مواقف تموت ضحك
    ضبي الرمال ___ من جد اقلام الرصاص سلاح ذوحدين
    ه
    سديم __ الله يقطع ابلسك والله انك شقيه مره مره وجريئه
    لو لو كاتي ـــــــ تصدقين انتي متهوره مره مره وبايعتها

    مااااا كانت ابغى اكتب بس اتشجعت بعد قصة لو لو كاتي

    اختكم(( غريبه)) كانت صبوره لأقصى حد بس المشكله ماكان احد يعرف المثل الي يقول(( اتقي شر الحليم اذا غضب))
    المهم

    مره كانت ماشيه ورا اختي واناديها
    س س س س
    والاخت مطنشه
    عصبت
    سسسسسسسسسسسسسسسسسسسسين
    مطنشه
    مدري هي اخذه شي مني والله نسيت القصه
    المهم
    طلعت القلم وطعنتها في كتفها طعنه نصف قويه
    البنت قامت تصارخ وتبكي ورم الجرح ثاني يوم شافه ابويه و واعطا ني المقسوم(علقه حلوه)
    المره الثانيه كنا جالسين بجنب بعض في حوش البيت وانا شايله حجره كبيره بحجم الدفتر
    قلت لأختي( س) تتحديني ارميها على رجلك
    قالت اتحداكي
    تتحديني اتحداكي
    تتحديني اتحداكي البنت كانت واقعيه زياده عن اللازم وكنت كنت خياليه بما فيه الكفايه
    المهم
    رميت الحجره
    آآآآآآآآآآآآآآآآآآآآآآآآآآآآآآآآآآآآآآآآآآآ ه
    البنت رجلها ورمت بالليل تبكي وتون وتقول رجلي وانا اقول يانذله اسكتي
    في الصباح ودوها للمستشفى واتا اكلت العلقه من ابويه
    القصتين كان عمري فوق العشر سنين
    الجريمه الاكثر بشاعه سويتها وعمري 7 سنين
    اخاف اقولها ادخل السجن
    المهم
    صحيت يوم من الايام لقيت علبة ابر طبيه حقت المستشفيات
    تقريبا 6 اة 7 ابر
    المهم اخويه دخل الحمام الله يكرم السامعين كان عمره سنتين تقريبا
    دخلت وراه هي هي هي
    صكيت الباب

    يااااااااااااا عععععععععع
    وسكيت الخشم كمان
    واعطيته ابره في العضل
    مره اسحب الابره مره اطلعها
    ياااااااااااااااااااا عععععععععععع
    الولد مسكين واقف
    وانا افتح ابره
    واعطيه
    هو-ايييييييييييييييييييي
    هههههههههههههه
    انا__ استنى
    الابره الثانيه
    ايييييييييييييييييي
    انا ـــــاستنى
    الحمد لله
    ان امه دقت الباب ولا كان الولد مات
    الحمد لله الف مره
    لما كبرت اتصدقت عن ذنبي بس والله والله العضيم مااقدر اقول له اني سويت كذا فيه
    ذحين مااثق بوجود الاطفال مع بعض مو مني من الماضي الاسود
    هههههههههههههههه
    عموما كل هذا مادري ليش سويته مادري ليش ماخفت
    مادري ليش ماحنيت
    بس الضاهر من كرهي لأمه
    المهم
    هذا اكثر واحد من اخواني يحبني
    صدق المثل الي يقول
    ((البس يحب خناقه))
    اسفي الشديد لك ياخوي قلبتو المواجع علي الله يهديكم
    هذي الجريمه اكره اني اتذكرها بس ذكرتوني فيها
  4. @aathab_allyaly

    صاحبة الموضوع
    غلا الدنيا زين مامحيتي الذاكره من الضربه !!!
    سديم البحر والله موتني ضحك عاد مادورتي الا الدجاج حرام عليج ولا مسوية لي فيها قابله بعد.
    لولو كيتي ما اقدر عليج مجرمه مررره لا وبالكهربا بعد شكلج تبين تجربين الصعق الكهربائي بس واعليه حصلتي علقة ياحرام وسلامات ياعيوني على الطيحه الحلوه .
    حب القلوب بانتظارج عيوني
    غريبه بين اهلي وش سالفتكم ويا الاقلام خوش سلاح الظاهر لا وكله كوووم والحجر كوم ثاني ههههههه وواعليه اخوج حرام عليج عبالج دكتوره ولا ممرضه يله كبر ونسى!!

تابعي تجارب أخرى من هذا القسم.