حبيبتي الله يعينكم تتحملوها هذه ام , ونصيحة مني استغفري ربك كل ما ضاق صدرك منها من موقف معين وقولي في داخلك مهما سوت ربي موصينا عليها ولازم نبرها واذا زوجة اخوكي شافتكم كلكم طيبين معها عادي بتتعود على امكم المهم خليكي مع زوجة اخوكي وفهميها بس لا تذمي في امك تقولي امي ما تفهم وكده قدامها ,قولي امي عقلها صعب من زمان وامي شديدة بس تحبك وكده المهم لا تطلعي لي في خاطرك عنها قدام ناس تعرفيهم عشان لا تصغر امكم في عيون الغير انتوا سترها وغطاها وصديقيني انا امي على اني اموت فيها وهي تموت علينا لكن اشوف اخطاء لها كثيرة احاول انصحها باللين واذا ما سمعت احاول اتقبلها لان امي وربي موصيني عليها وما اقدر اغضبها رغم ان والله زوجي يقول ما يصير لازم تقولي لامك كذا وكذا وخليها تعرف غلطها ومدري ايش بس ما يجيني قلب يا عزيزتي لانها ام وقلت لك عليكي بنصحها باللين واذا ما نفع تتقبليها وتحبيها وتحطيها تاج راسك
بعدين لا تنسي بر الوالدين
" وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) " .. (الإسراء 23 ، 24)
فكيف لك ان تقولي قدام البنات كلها امي ما تفهم وما تعرف الا طبخ ومدري ايش لو لا الله وبطنها ما كنتي هنا يكفي هذا المعروف انها حملت وولدتك ورايتي النور الدنيا على يدها كم سهرت وكم بكت وانتي مريضة , كم قلقت عليكم كم سهرت وانت نايمين على راحتكم لو ما عبرت لكم بالحنان يمكن ما تعرف تعبر يكفي حياتها انفنت لسعادتكم
الله يصلحك
وسعي خاطرك ولا تنسي مهما سوت حملت بك وولدتك وهسرت عليكي وكبرتك ولا ما كان فيها صفات حلوة ما صبر ابوكم عليها وجاب منها كل الاطفال كل انسان فيه الحلو والشين
الله يوفقكم يا رب ويهديها لكم ويسخركم لها
رحمتها والله رغم كلامك عنها فقط لانها ام هذا يعطيها الحق انكم تتحملوها اجل ايش الفايدة تربيكم وانتو تقولوا عنها كده في الاخر
حبيبتي انا من تجربتي اقول لك انك غلطانة قلت لك مو بس امي جدتي كانت مرة تعامل امي بقسوة بس امي تحن عليها وكنت اقول لها ليه امك كده علميها انها غلطانة قولي لها شئ ويوم كبرت انا الان ام وامي كبرت صارت امي تصرفاتها غريبة وما عادت زي اول خلاص كبر السن واحنا بعدنا عنها واعرف انها مثلا تصرفت تصرف مو حلو بحق احد فينا حتى لو زوجي احيانا هو يقول ام لازم نتحملها واحيانا يعصب لا شافني زعلانة منها يقول لازم تحكي معها ما يصير كده بس بداخلي اعرف انها لو داستني برجولها بزعل شوي وبعد شوي بقول على قلبي احى من العسل لانها مي ما لي غيرها الله يطول بعمرها ويسخرنا لها ويساعدنا على برها ويسامحنا لو غلطنا بحقها
امي بهذلت حرمة اخويه امي ماتفهم ابدا الله يعين بس
متابعة النقاش، صفحة 16