ساعدونا بهالمشكله ياأخوات

مرحبا اخواتي انا حابه اطرح موضوع يهمنا كلنا وهي اصلا مشكله تطيح فيها اغلب النساء وبصراحه انا احس انها مرض نفسي صعب علاجه الا نفس الشخص اللي يعاني من هالمشكله هو يعالج نفسه بنفسه وع فكره علاج هالمشكله صعب انك تحلينه بيوم وليله لانه يبغاله شهور او سنين حتى تتغلبين عليهاكيد متشوقين تعرفون هالشي وهو الكلام بالناس الغيبه النميمه فلانه قالت وعلانه قالت وهات حش بخلق الله وسب واكل بلحم هالناس ياربي متى نتخلص من هالعاده السيئه اللي اغلب مجتمعات الحريم والبنات كلها كذا عمري ماجلست مع حريم وشفتهن يتكلمن عن شي ديني لا كله حش بحش وفلانه لابسه لبس مدري كيف والا فلانه شايفه نفسها بس ياربي على ايش من زينها عاد يعني والله العظيم احنا قاعدين نهدي حسناتنا ببلاش تخيلي انتي تقومي تصلي وتدعين ربي وتتصدقين وربي يزيدك حسناتوبالليل انعزمتي ع سهره وتهرجين بالناس وووو الخ طيب حسناتك كلها اتوزعت عالناس اللي انتي سبيتيهم وحشيتي فيهموالا اللي تتكلم عن حمواتها والا سلفاتها والا جاراتها وهات ياسب فيهن مع انها يمكن ظلمتهن بكلامها وهن اصلا طيبات وحبوبات لها لاكن لانها كذا ماتحبهن مادخلن مزاجها تجلس تسبوالله مره جلست مع وحده المهم وطول ماحنا جالسين تسب في وحده نعرفها سب موصاحي قلت لها يااختي اشفيك عليها والله فلانه بنت حلال وطيبه هي هرجت فيك او شفتي منها موقف ضايقك تخيلو ايش ردت علي قالت لا بس شايفه نفسها اذا جلسنا سوالفها قليله وبس ساكته قلت طيب يااختي الحرمه هاذا طبعها كذا ماتحب تسولف بالناس وتودي وتجيب وربي انها سكتت ماعرفت ايش تقول فا يكثر هالنوع من الناسوالله يابنات عندنا وحده نعرفها ماشاء الله عليها عمرها ماسبت احد او هرجت بناس مع كذا جلستها حلوه ماينمل منها بس وربي كلا يحترمها ويحسب لها حساب الصغير قبل الكبير تعرف متى تتكلم ومتى تسكت حتى زوجها ماشاء الله طاير فيها حتى عند الناس يمدحها الله يسعدها ياربفا يااخواتي خلونا نتساعد نبطل هالعاده السيئه اللي راح تتعبنا بدنيتنا وباخرتناو مره قريت انو في عالم اجنبي يقول اذا يبغى الانسان يتخلص من عاده سيئه لازم يتدرب على تركها لمدة عشرين يوم وبعد كذا راح يكتشف انو خلاص من نفسه نسى هالعاده السيئه يعني مثلا اذا جيتي تهرجين باحد استغفري بقلبك علشان تنسين السالفه وادعي بصلاتك يارب تكفيني شر لساني لانو والله يااخواتي هذا مرض صعب علاجه وابغى كل وحده تدخل ترد تعطينا حل لهالمشكله اللي تعبت كثير من الناسواسفه اذا طولت بالكلام عليكم واستنى ردودكم الحلوه مثلكم....