هلا غناتي
هونيها واتهون كلنا في الهم سوى بس .....................
الواحد مايغرق عمره بهالموضوع عشان مايكبر الهم والحزن المصيبه كبيرها بتكبر وصغيرها بتصغر.....
أسألي الله ان يرضيج باللي قسمه لج وان كان لج نصيب في هالدنيا اكيد ولامحاله بتاخذينه حبيبتي...
كلامج وايد يأثر لأن كل وحده فينا حاسة فيه ، لكن اهم شي الدعاء وتطنيش تافهات العقول هذيل اللي يتعمدون بقصد او بدون قصد انهم يحسسونج بشعور مب اوكيه.
انا قبل كنت اكره ايلس مع معرسات كنت احس بالنقص واني غير عنهن بس بعدين قلت في نفسي لي متى هل معقول ان ماياني نصيبي بتم منزويه في غرفة مظلمه اجتر الم الوحده، طبعاً لا الحياه مره وحده وان ماكان لي نصيب في العرس مب نهاية الدنيا.
لكن نحن نطلب الله في هذا اليوم المبارك يوم الجمعه انه يزوج كل بنت مسلمة ويرزقها الزوج الصالح، وحبيبتي اي شي تسمعينه طنشيه سوي مثل خويتج يوم اسمع رمسه مثل هذي انش عنهن لأنها عيب وحرام الوحده توصف علاقتها.
فديتج قوتشي عن الدلع ولااتسوين بروحج جيه وان شاء الله الله يرزقج ويرزقنا الأزواج الصالحين اللي اول ماايون بنضربهم ضرب عشان اتأخروا علينا كل هالوقت
شو رايج :icon28:
زميلات الدوام فتحوني على أمور كثيرة .. قطعوني حسرة
متابعة النقاش، صفحة 16