ماعاد اقدر اتحمل اكثر ملييييييييييييييت من زوجي

السلام عليكم اخباركن خواتي ان شاءالله تمااام؟؟؟؟؟؟؟؟

اببدا بطرح مشكلتي على طول لان اعصابي محروووووقه بقول اللي عندي وانتم احكموا علي اللي اسويه صح او غلط؟
انا من اول زواجي كان زوجي يتاخر بالليل للساعه 1 وكنت اقول حقه لازم يسهر شوي ويرفه عن نفسه مو على طول مقابلني نمل من بعض كذا
وبعدين تمادى للساعه 2 وحملت وولدت وبعد ماطلعت من الاربعين رجعت البيت وكان مثل العسل اول شهر
لاكن فجاه صار يتاخر للساعه اربع الفجر وانا خلاص مليت ولعلمكم انا ساكنه مع العيله في بيت واحد بس المشكله مو مستانسه بناتهم كلهن يدرسن ونظام عمامي من الساعه 10 نايمين خلاص هذا نظام وانا مومتعوده على هالنظام
وبكذا انقلبت حياتي كلها مشاكل مرات اعديها له واطنش ومرات اعصب عليه:o
وبعدين قررت اطنشه وانام وفعلا سويته وصار يتمادى ويتاخر ل6 الصبح وانقلبت نفسيتي وطفشت منه وكرهته ومليت منه انا مشكلتي اهلي انقلوا من المكان اللي انا فيه وصاروا بعيدين عني الف كيلو ق
انا اللحين مخنوقه مالي احد وهو مو مقدر وضعي تخيلو يجي 6 وينام ويظل نايم للعصر ويقوم ويطلع ومااشوفه لبكره الفجر
ولعلمكم كل ماجاء وصرت اعاتبه بهدوء واناقشه يقول والله انتي مومقصره معي ومتحملتني واناغلطان بس والله غصب عني احس في شي يمنعني عن البيت بس انا مومصدقته
اخويانه خربوه حيل طول وقته بالاستراحه بالوت ومدري ايش وناسيني طفشت منه كرهته
المهم جاء مره وناقشته بهدوء وقلتله اني خلاص كرهته وماعاد اقدر استوعب اللي يصير لاني توي ماصارلي سنه ونص متزوجه
وكذا يسوي اجل اذا صارلي 5 سنين بينام بره مثلا
فصار يبكي وقال انا طفشان احس انه فيني شي يقول حتى بسهرتي انتي في بالي واشتاقلك بس مدري ليش صاير كذا انا ادري اني حيل مقصر معاك خلاص وعد احاول مااكرررها
وحاولت اصدقه
المهم امس جاء 6 الصبح ودخل لقاني توي بنام وجاء يتاسفلي ويرضيني لاكن عصبت عليه وقلت شايفني طفله عشان تضحك علي بكلمتين انا مااصدق وخلاص كرهتك ماابيك قالي قولي وش تبغين واسويلك الحق معك انا مقصر
قلتله كل واحد يروح بطريق قال خلاص براحتك بس يصعب علي افارقك انا مقدر اعيش بدونك قلتله انت موعايش معي عايش بالاستراحه مع اخوياك روح لهم ينفعونك
المهم ولبس بدلته وداوم لانه عسكري واليوم يدق علي مارديت عليه ويرسلي بس مارديت خلاص كرهته قولولي وش الحل؟
انا توها الحياه قدامي وصغيره ليش محرومه اللي مثلي كلهن بنعيم وراحه ودلع كرهت نفسي:06::06: