السلام عليكم
بنات ارجوكم اللي حكيمه برأيها تشور علي عجزت افهم هالانسان الغريب
انا متزوجه من 7 سنين عمري 28 سنه وزوجي 37 تعليمه عالي دراسات عليا ويشغل مركز مرموق
عندي طفلين الله يخليهم ويرزقني برهم
من بداية زواجي اكتشفت خيانة زوجي وكان من البدايه قاسي معي وجاف اللسان وصعب ومزاجي
وماانكر انه كريم جدا مع الناس ومع اهلي ومعي في البدايه لكن بعد سنتين تغير معي من ناحية المصروف
اذا طلبته قال ماعندي وكنت اسكت واخذ من اهلي وهذي غلطتي
طبعا هو يعشق الاطفال بشكل جنوني وصار بيننا مشاكل بسبب عيالنا مايبيني اقولهم شئ ولا اهاوشهم ولا اادبهم ومدلعهم دلع ماصخ لدرجه الكبير يمد يده على ابوه والاب يسكت مايوجهه ولا يعاتبه
طول السنين اكثر مشاكلنا بسبب بنات الحرام حسبي الله عليهم طبعا الاخ عنده جوالين للبنات وعنده اربع ايميلات كنت انقهر قهر من هالحركات وابكي واتصل على قليلات الادب واهزء فيهم ولا حياه لمن تنادي
كلمت اهله ابيهم ينصحونه لكن مافي فايده يقول ابوه وامه عادي بس مكالمات كلها تسليه يعني عادي عندهم ان ولدهم يعصي ربه
والمشكله احنا ساكنين مع اهله يتدخلووون بكل شئ امه تتلقف بكل شئ بحياتنا حتى طريقة تعاملي مع عيالي ولبسهم واكلهم وماتبينا نشتري لعيالنا ملابس تقول لا بعطيكم ملابس فلان وفلان تقصد اولاد ولدها الكبير صار لها 8 سنين مكروووفه وقديمه حتى ملابسي كانت تتدخل فيها وماتبيني اطبخ اللي ابي كل شئ بمزاجها ووزوجي عنده ولاء شديد لامه انا مااعارض هالشئ الله يزيده بس لكل شئ حدود
انا انسانه نظييييييييفه جدا ومرتبه واحب الزين عكس امه تحب الفوضئ والترقيع في الاثاث وتقول انها تحب النظافه ومع العشره اكتشفت العكس كنت استحي منها بس الحين حطيت لها حد
زوجي امكانيته تسمح يطلعني في بيت مستقل بس مايبي انا وعيالي في غرفه وحده ماعندهم غرفه خاصه
المهم ان زوجي حتى السلام مااسمعه وكل شئ عنده تكبير الامور
القهر يسهر يوميا الى الفجر على المواقع الاباحيه والمصيبه الكبرى دايم يتكلم علي ويرفع صوته ويهزئني قدام اهله ابوه واخوانه وحريم اخوانه لدرجه ماصار احد يحترمني
صارت قبل ايام مشكله كبيره اتصلت وحده على جواله ورديت قالت فين الاستاذ فلان قلت من انتي قالت قولي له تحليل الزواج لفلانه جاهز انا جن جنوني وصارت مشكله وتدخلوا اهلي ومازالت بعض الامور معلقه انا ابي الطلاق بس هو مهددني ان ياخذ عيالي مني ويخليهم مع شغالة اهله
طبعا صار مقصر معي بالمصروف الخاص مايعطيني ماانكر ان مرت علي اوقات حلوه معاه بس قليله جدا وخلال
السبع السنوات ماسمعت كلمه حلوه منه الا ثلاث مرات والله مابالغ ولا اظلمه
والله يابنات انا نظيفه ومرتبه وتربيتي لعيالي زينه ومشكلتي معاه هو من جفاه صرت جافه معه والله مامر علي بشر قاسيين القلوب وضالميين مثله هو واهله
شاركي في النقاش
سجلي الدخول لإضافة تعليق.
التعليقات
101
الله يفرج همك ويسعدك ...
قومي بالثلث الأخير من الليل واشكي لربك كل شئ وهو العالم سبحانه ..
واكثري من الأستغفار يفرج الله همك .- ياااعمري الله ياجرك ويصبر
اهم شي عيالك لا تخليهم ما راح احد يرحمهم مثلك لا تغامرين وتطلبين الطلاق لان الضحيه بكونون هم
ادعي ربك له بالهدايه وان الله يبعد عنه كل معصيه
والله يسخره لك ويسخرك له ويصلح ما بينكم
دعواتكم لبـــدر بالشفـــاء - الحين انتي عند اهلك
دام عند اهلك اذا جى للتفاهم خلي ابوك موجود ويشهد
يحطلك مصروف شهري واذا مو مطلعك ببيت مستقل يزيدونلكم غرفة للأولاد - اكثري الاستغفار
ربي يفرج همك وهمي - الجئ لله واكثري الاستغفار واطلبي من الله المشوره
حياتك صعبه وانتي ادرى بحالتك لكن اهم شي لاتبينين
له نقطة ضعفك وانك ماتستغنين عن اولادك
مواضيع مشابهة
تابعي تجارب أخرى من هذا القسم.