صديقتي تبي تستشيركم بمشكلتها......

السلام عليكم اخباركم ......
صديقتي حبت تاخذ رايكم بمشكلتها مع زوجها المشكله انها تخاصمت هي وياه كانت بزواج هي واهله وكلهم راحوا سوا قبل الزفه اتصل عليها زوجها قالها يالله اطلعي قالت له بس 5جقايق اشوف الزفه قام عصب وقالها لك دقيقتين والا ......يهدد وقفل بوجهها المشكله قالها تطلع وماقال لاهله تركهم بالزواج
ركبت السيارة وهي معصبه ماتكلمت بس قالت له نتفاهم بالبيت ويوم وصلت البيت خاصمها وقام قالها الحين بان احترامك هي قالت يقصد انها مومحترمه وقالها الرجال بالشارع سمعوك تقول والله ماتكلمت لين وصلت البيت زعلت صديقتي وتخاصمواهي وياه وبنتهم عمرها 6سنوات قامت تبكي انفجعت المهم قامت صديقتي اتصلت على امها وعلمتها قالت لها امها خلاص لمي عفشك وتعالي اطلبي الطلاق لانها قد تطلقت منه قبل طلقه ورجعت له بسبب مشاكل بينهم امس جاب لها زوجها هديه خاتم ذهب وهي عدت السالفه واليوم وامها اتصلت عليها مصرة الاتجي بنتها وتطلب الطلاق منه وتقولها ماعليك ببنتك مابتضيع هي معك بس صديقتي حزت بنفسها كلمته قالت له هالمرة قلت مومحترمه بكرة بتقول اكبر منها هم تراضوا بس هي خايفه انه يتمادى ويغلط عليها خصوصا ان اهلها مايوقفون معها بالمشاكل وهي محتارة بكلام امها تقولها تعالي ولاتضيعين عمرك معه لايتهمك بكرة باكبر من كذا والاتجي لبنتك حاله نفسيه منه الحين بنتها كل ماتنام تصحى مفجوعه وتبكي .....
هل تؤيدون كلام امها وبايش تنصحونها وتكفون لاتنسونها من دعواتك بالفرج.......الحين هي خايفه لايغلط عليها هالمرة مومحترمه المرة الجايه تخاف يقول شي اكبر منها ...وهي محتارة وش ترد على امها .......والله يجزاكم الجنه.................

37 تعليق 2,959 مشاهدة

شاركي في النقاش

سجلي الدخول لإضافة تعليق.

التعليقات

35
  1. @shlon_mghlyk

    معليش غنااااتي اذا زوجها دق عليها وقال اطلعي المفروض طلعت واسمعت كلام زوجها ماعليها من اهل زوجها الزوج له حق الطاعه والمفروض مادقت على امها وقالتلها ولا كبرت السالفه انصحها تلجاء الى الله وعليها بالدعااااااء ثم الدعاااااااااء طبعا مع الاستغفار ياما ناس صارت لهم مشاكل اكبر من كذا ومن ضمنهم انا والله يفرج عنها
  2. @lavie_style

    بصراحة هي الغلطانة اول شيء لما عاندته وقالت باشوف الزفة خلاص الرجال عند الباب تطلع
    واذا ماشافت الزفة وش بتخسر
    غلطها الثاني لما علمت امها بهواشهم خاصة ان امها من نوعية لمي عفشك واطلب الطلاق
    هالنوعية لو الموضوع بسيط خلته جريمة
    تتعوذ من الشيطان وتتفاهم مع زوجها في وقت وهم هاديين ورايقين
  3. @asmaaa123_2

    لالا مانأيد كلاام امها ..

    المفروض مو كل مشكله تعلم امها تصبر يومين وإذ مانفع تعلم الله يهديها اللحين هي تراضت معاهـ

    وامها قلقانه .. والله مايصلح تهدم بيتها وخصوصا عندها بنت طيب هوو خلاص راضها بالذهب بعد ..

    وانتي قولي لها ثاني مرهـ لاتعلم امها بمشاكلها الصغيرهـ والكبيرهـ .. تصبر والطلاق مو حل
  4. Lavie Style
    بصراحة هي الغلطانة اول شيء لما عاندته وقالت باشوف الزفة خلاص الرجال عند الباب تطلع واذا ماشافت الزفة وش بتخسر غلطها الثاني لما علمت امها بهواشهم خاصة ان امها من نوعية لمي عفشك واطلب الطلاق هالنوعية لو الموضوع بسيط خلته جريمة تتعوذ من الشيط…
    صح كلاااام اختي ام محمد
    وبعدين زوجها مااشوفه غلط ابدا
    ونصييييحه قولي لها لاعاد تدخل امها بينهم بكره لاتطلقت وش بتنفعها امها هي اللي بتعيش في عذاااب

تابعي تجارب أخرى من هذا القسم.