اهمال النفاس والاهتمام بالضيوف من قبل الاهل خوفا على البرستيج موضوع اتمنى نتناقش فيه

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

15
  1. @roanh_2

    بعضهم قبل تولد تبدا تجهز وتخربط هذا سرير هذا اريكه هذا مفرش نفس الروب والستاره حلويات ومقبلات صينيه رايحه صينيه جايه عصيرات تقولين شبكه مو نفاس حتى غرفتها بالمستشفى تزبطها وتكلف بكل شي ليش تبي تفتخر وتكشخ يقالها مظاهر يعني فلانه سوت كذا بنفاسها انا بسوي مثلها يتجاكرون ماله داعي ابد انتي والده وتعبانه وشوله الخربطه والمظاهر

    تبين تكشخين اذا طلعتي من النفاس اكيد زوجك بيسوي لك عزيمه عشان طلاعتك من النفاس واكشخي عند الناس

    والناس ماتعطي خير بيقولون تعبانه نفاس وفاضيه تكشخ

    ويجيها هدايا كثيره من الناس طبيعي لازم اي وحده تزورها تجيب هديتها معها
    هذا اللي لاحظته عندنا بنجد عموما الرياض والقصيم وخاصه القصيم
  2. حنا زياراتنا مو كةيره وكلهم يتفقون يجون على مرتين دفعه وحده وخلاص
    اما زيارات وتكلفع والين ١١ ماقد صارت لنا الحمدالله

    بس استغربت من يوم تقولين ان النفاس تهديهم هدايا!!!
    ليه؟؟ هي اللي والده والمفروض الهدايا لانها قامت بالسلامه
    اما اتعب واشوف الموت واروح اعطي الناس هدايا

    وثانكس عالموضوع
  3. @lolh2010

    الله يجزاك خير على الموضوع الجميل
    الاخت تقصد الان صارت النفاس تجيب هدايا توزيعات وتهديها للضيوف وصراحة هي مكلفة كثير هذا غير الاشياء الثانيةمن مكسرات مغلفة و من الحلويات والمعجنات الــــــــــــخ ....
    وغير كذا ملهم وقت محدد في الزيارة تتوقعين احد يطب عليك با اي وقت ويا الله كل شوي خساير با الحلا والمعجنات
    وبعضهم الله يهديهم يجلسون الى اخر الليل عشاء وسهرولا همهم والحرمة تعبانة تبي ترتاح تبي تسوي لها ماء دافي تجلس فيه وزوجها بعد مطيرينة من كثر ما هذي داخلة وذي طالعة المفروض اللي يعرفون بعض يتفقون ويزورونها وكل شي معهم احسن من كل وحدة لحالها والمفروض يراعون الاوقات حقت الزيارة يمكن وقت اختبارات فهذا بعد يأثر على حال اولاد النفاس بعد ليت اذا كانت النفاس حولها اهلها فا الافضل ان يكون با الدور يطبخون لها غداء وعشاء بس مانقول الا الله يرحم زمان اول القلوب على بعض والحين كلن بنفسة لاهي وجداًاشكرك ياصاحبة الموضوع
  4. @am_shym_5

    انا ***** الله ناويه اقطع عرق اسيح دموه
    فالولادات القااادمه ما عاد استقبل الا بعد 25 يوم نفاسوالي تتصل تبارك باقولها كيذا ولا ابي قهاوي بيتي فيه قهوه وشاي يااارب لك الحمد والي تجيني تبارك وتاخذ واجبها وتطلع لاني تعبت كل ما ولدت وحده قعدت اكيل لها فهالصواني وانتع فالقهاوي ما عاد ابي اقهوي احد
    وبعد ال30 اعتذر ما استقبل احد لو اخواتي باهتم بنفسي وفبيتي
  5. @khd_algory

    *واقع الأحلام*
    كيف نفاس وتعطيهم هدايا؟ وضعكم غريب! احنا عندنا مايطولون عند النفاس يجون العصريه معهم اغراضهم قهوه وشاي وحلا وفطاير ويجبون لها او غداءعشاء احيانا ومره وحده يجبون لها هديتها وخلاص بعدين معاد يجون يكتفون بارسال اغراضهم (القهوه والشاي )
    احنا كذا ما عندنا ها لتوزيعات والهدايا للزوار الضيوف والاقارب هم يجيبون القهوه والشاي والحلا وهدايا للبيبي وفلوس او هدايا للام وتورتات وسلال شوكولاته
    واكلات شعبيه

    مرق.مرقوق .عصيده. جريش. عريكة التمر

    عندنا النفاس فله ما تطلع من النفاس الا وهي مشبعه بالهدايا والفلوس وانواع الاكلات :)

    الحمد لله على فكره انا جنوبيه

تابعي تجارب أخرى من هذا القسم.