&عشاء سويته لزوجي وصديقه اعجبهم حييييل &

السلام عليكم ورحمه الله وبركاته


اليوم جاء عند زوجي صديقه علشان يشوفون مباراه الهلال

وقال زوجي سوي لنا عشاء بس ما نبي رز

قلت من عيوني

وتقوم اختكم وتشمر عن ساعديها ههههههه >>>متعوب على هالكلمه

وتبداء الحرب في المطبخ طاخ طيخ تش هذا صوت الزيت خخخخخخخخخخخخ

الين طلعت وابشركم انتصرت على مطبخي هههههه


السفره عباره عن شوربه شوفان =صينيه شاورما = سمك مقلي معه صوص الطحينه والثوميه ومتبل=مكرونه حلزونيه بصوص الصويا والفلفل الملون والدجاج=وسلطه الفصول الاربعه الي في كتاب النخبه بس غيرت في طريقه تقديمها

قولو ما شاء الله


09052011018

09052011019

يتبع صور الاطباق

512 تعليق 115,908 مشاهدة

شاركي في النقاش

سجلي الدخول لإضافة تعليق.

التعليقات

502
  1. @akht_argal

    صاحبة الموضوع
    هذا السمك تبلته بثوم وفلفل بارد وليمون وكمون وفلفل اسود وبهار وملح وخليته لساعتين

    وقبل ما اقليه قلبته في شوي طحين معه ملح وبهار وقليته

    والمتبل شويت الباذنجان وقشرته ونظفته وحطيت معه زبادي وملعقه طحينه وزيت زيتون وملح وخلطتها مع بعض وزينته بسماق وشوي زيت زيتون

    والطحينه خلطت ملعقتين طحينه مع عصير ليمونه وشوي كزبره وملح

    والثوميه نعناع مفروم وثوم حوالي 3 فصوص وعلبه زبادي وفلفل اسود

    09052011022

    هذي شوربه الشوفان بطريقه المعروفه وانا سويتها بالحم

    وزينتها بالكزبره

    09052011024
  2. @akht_argal

    صاحبة الموضوع
    هذي سلطه الفصول الاربعه

    فلفل باردملون وخيار وطماطم وذره وخس

    وتبلتها باليمون وملح وزيت زيتون شوي خل

    09052011023

    صينيه شاورما

    صدور دجاج مقطع بشكل طولي تبلتها بزبادي علبه وفلفل بارد وثوم وبصله وفلفل بارد وسماق وليمون وملح وبهار وخليتها 4 ساعات تتبل وبعدها دخلتها الفرن بدون ما اغطيها بقصدير من فوق وتحت ولعت النار واذا طلعتها بخرتها بزيت احط فيه جمره

    واجيب صينيه انثر فيها بقدونس وبصل اخضر مفرومه فرم ناعم واحط بطاطس مقلي واحط الدجاج بعد ما ابخره واسوي صوص عباره عن علبه زبادي مع 3 ملاعق طحينه سايله مع ليمون شوي وملح واصبها فوقها وادخلها الفرن تتحمر وارش سماق للزينه

    09052011020
  3. @akht_argal

    صاحبة الموضوع
    09052011021

    وهذي المكرونه

    سلقت المكرونه في مويه وشويه ملح وزيت

    واخذت مقلاه وحطيت فيها زيت وحطيت بصل مقطع صغار وبصل اخضر مفروم وثوم مفروم حوالي فص كامل

    وشوحتها واضفت الجزر وحمستها الين بدا يذبل واضفت الفلفل الباردالملون اخضر واحمر واصفر وبرتقالي كلها قطعتها بشكل

    طولي وحمستها واضفت عليها صدور دجاج وحمستها الين طلعت مويه الجاج وحطيت بياله صويا صوص مع مكعب ماجي وشويه فلفل اسود وبهار
    وبعدها صفيت المكرونه واضفتها على الخليط السابق واضفت عليها كزبره وبقدونس مفروم
    وخلطتها مع بعض وبعدها قدمتها مهم تقدمينها على طول اطعم

    والنهايه اتمنى انه عجبكم

    والله الله بالردود الي تشرح الخااااااطر

    ااااااه تعبت من التحميل
  4. @aa_aa_r

    روووووووووووووووووووووووووووووعه ماشاء الله ويسعدني اني او وحده ارد عليك

تابعي تجارب أخرى من هذا القسم.