قصيدة أتمنى أن تحوز على متابعتكم
توك تجي وتشوفني بعد فرقاك
توك تذكرني بعد مانسيتك
تو العذر يلقى دروبه على شفاك
وينك من اول يوم انا قد رجيتك
هالحين يعني ودك ادمح خطاياك
والا ابتدي بك حب وآنا انتهيتك
بس انت .. وينك؟ يوم كلي تحراك
مافيه ليلٍ مرني ما احتريتك
امداك تنساني على كثر لقياك
امداك تنسى عمري اللي عطيتك
يمديك تنسى !! بس ما انسى سواياك
وشلون ابنسى صدتك لادعيتك
خل البكا ماعاد ينفعني بكاك
ماعاد لك شيٍ بقلبي فديتك
كنت أتسلى في غيابك بذكراك
لقيت نفسي ناسي اني التقيتك
وآنا ورب البيت ماقصدي أنساك
لكن غيابك طال حتى نسيتك
للشاعر الكبير محمد آل دحيـــم[
شاركي في النقاش
سجلي الدخول لإضافة تعليق.
التعليقات
22مواضيع مشابهة
تابعي تجارب أخرى من هذا القسم.