قصتي مع مشغل بالرياض حسبي الله ونعم الوكيل

مساء الخير ....حبيت اكتب قصتي هنا لكثرة المشاهدين ...ولكثرة الزواجات بالأجازه ولابد انه الكثير ممن يبحثون عن افضل المشاغل والأسعار المناسبه فكتبت هذا الموضوع من اجل الحيطه والحذر عند التعامل مع اصحاب المشاغل ...ابدأ قصتي العام كان زواج اخوي وكنا ندور على مشغل كويس والكل يعطيك وفي النهايه قررنا نروح لمشغل اختي ايام زواجها كانت مفصله عندهم فستان وكان روعه....رحنا للمشغل وكان اللي ماسكينه اجانب لاأريد ان اذكر الجنسية كنا ناوين نشوف اذا اعجبونا وارتحنا فصلنا عندهم دخلت انا واختي الموظفات اللي كنا نعرفهم مو موجودين تغيروا كلهم بس تعالي شوفي الأستقبال واللسان اللي احلى من العسل وجلست اطالع الفساتين واعجبني فستان وسألتها عنه ةماقصرت اقنعتني فيه بأسلوبها ومدحها ويكلف ثلاث الآف وحاولت معها قالت خلاص الفين ونص طبعا فيه مشاغل اسعارهم اعلى من كذا بكثير بس لازم ننتبه هل هي بتصمم لي ولاتنسون ممكن تقول بصمم لك احلى فستان وتتفاجئين ان فيه احد مثلك المهم انا كنت مختارته من صور بالكتلوج عندهم قالت ادفعي الف ونص مقدم قلت مامعي الا الف وانا افقش قلت الف ونص كثير خل اعطيها الف وتحمد ربها وبعدين بكمل حد ماشوف شغلهم طبعا مع القماش وكل شيء وقلت لهم لاتخيطونه الا اذا شفت القماش جابو القماش ودقو ورحت لهم اللي استغربته ان المعامله تغيرت بدا الوجه الثاني لأنهم ضمنو خذو مني الألف اخترت القماش لاحظت اللسان الحلو انقلب بذيء وصراخ ومافيه اسلوب ولا احترام انا قلت يمكنها تعبانه اليوم واخترنا انا واختي ومشينا خذت من اختي بعد الف وبعد ماجابوا القماش واخترنا عطيناهم 500 علشان قالت ماراح نبدأالا لين تكملون الف ونص طلعنا وكنا شاكين بأقمشتهم رحنا لهم بعد فتره قلت لهم اقمشتكم شكلها من شارع الخزان انقلب وجها وقامت تصرف هاذي الثانيه اللي معها بس فهمت طبعا المعامله سيئه درجه اولى من قبل لاأتكلم واقول لهم عن الأقمشه يعني صارو اذا خذو منك الفلوس قلبو عليك المهم بعد ماجينا نقوس الفساتين فستاني يمشي الحال حليو اما اختي والله دراعة عجوز انا يوم شفته بغيت انهبل والله لواني اعرف انزل الصور نزلته لكم تشوفونه انا هنا خلاص هزأتها ارتبكو قلت اصلن هذا والله مو خياط حريم انتم تودونه لخياطين يخيطونه لكم 50ريال قلت رجعو الفلوس رفضو قلت خذو الخمس بس رجعو اللألف رفضو مسخرتهم وطلعت كل اللي بخاطري والمشغل مافيه الا خياطه وحده تعدل فقط وتاخذ المقاسات صارو يخيطون عند رجاجيل حسبي عليهم وياخذون منا اضعاف كتبت لكم القصه للفائده انتبهو والله استغلال غير طبيعي

76 تعليق 9,946 مشاهدة

شاركي في النقاش

سجلي الدخول لإضافة تعليق.

التعليقات

75
  1. ازيدك من الشعر بيت

    قبل اسبوعين مدخله لي فستانين...والكلااااااااااام حلو زي العسل

    ويوم طلعته ....يدخل معي في الفستان....عشرررررررررررررره

    والموديل :06::06::06::06:خرباااااااااااااااااااان

    والمنااااسبه بااااااااااااقي اسبوووووووووع الان عليها....

    وش السواااااااااات خساارة قماااااااااااش وموديل ودفع القيمه....

    التوووووووووووووبه من المشغل ابو هنوووووووووووده موجوووووووووووود
  2. @aaashk_ardk

    لا إله الا الله الحليم الكريم .. لا اله الا الله العلي العظيم ..
    لا إله الا الله رب السماوات السبع و رب العرش العظيم ..
    لا إله إلا الله وحده لا شريك له ..
    له الملك .. و له الحمد و هو على كل شيء قدير ..

تابعي تجارب أخرى من هذا القسم.