انا وحمولتي ووش اسوي ..؟؟ [استوفى حقه من الردود]

انا ماراح اعلق الا على الاخت ريتال
تعابة نفسك ممكن أكثر من صحابة الموضوع
ومعروف ان خدمة اهل الزوج مو واجبة
واصلا من جاب طاري خدمة اهل الزوج
هي قالت لك عمتي تبغاني اغسل حوشها
والا قالت انها زعلت عشان العشا
والا انت تبين تفرغين اللي في نفسيتك هنا والسلام
ترى الواحد يعمل بأصله
اللحين ترضين زوجك يخلي ابوك يطلع من بيتكم وهو زعلان وماتعشى
او ترضين امك تكون بهالموقف
مهما كان وحتى لو ان ابوك او امك اللي غلطانين
والله ماارضاها
وتحز بخاطري
ومافيها شي لو جيت على نفسي حبتين وطيبت خاطرها
يختي اعتبرها اي حرمة كبيرة
والا عشانها ام زوجي خلاص صارت العدوة
انا صراحة اعتبرها قلة ادب وسوء تصرف ان وحدة تحط راسها براس حرمة كبيرة وتعاندها وهي بيدها تمشي الامور وتسايسها ولا راح يحصل لها شي بالعكس بتكبر بعين الحاضرين
بس كلن وتربيته في النهاية

واعيد واقول لصاحبة الموضوع
وللأخت المجتهدة ريتال
ولكل اللي في وضعهم
ان تتخيل ان امها اللي صار لها كذا
وتشوف ردة فعلها هل بتزعل على امها او لا
وترى الدنيا دواره
واللي تسونها اليوم بحمولتكم
بكرة بتشوفونه بعيالكم
بغ النظر كانوا حمولتكم بطالين او طيبين
اهم شي انتم
وكلن يعمل بأصله
والواحد يتدخل بالحسنة
اللحين لو حرضتوها على عمتها وكبرتوا براسها وانها ماغلطت راح تكبر السالفة وتزيد الامور سوء وتتشاحن النفوس والله العالم وش يحصل بعدها وش تستفيدون
عكس لو حست بغلطها وشجعوتها تعتذر سوء بطريقة مباشرة او لا صدقوني راح ترجع العلاقات احسن مو اول ويتعدل وضعها مع زوجها واهله ان شاء الله وممكن تكسبون الاجر

اي غلطانه مليون مره ياقلبي
واهنتي ام زوجك قدام الخلق وكسرتي بخاطرهااا وعاملتيها على انها غريبة
ولو وحده غير عمتك كان قالت البيت بيت ولدي والسفرة بحلاله وماله وحنا الداخلين وانت وضيوفك الخارجين
والناس الحين كلهم يتكلمون عليك

الله يهديك السالفه كلها سالفه عناد
روحي اعتذري منهااا

بجد ام زوجك معها حق تزعل كسرتي كلمتها وهي في بيت ولدها وبعدين اخواتك واهلك يقلطون واهل زوجك لا يعني اهلك ضيوف واهل زوجك لا حتى لو كانوا من مدينة ثانية انت عازمة الكل يعني الكل ضيوفك-لا احد يضحك عليك ويقول انتي ماسويتي غلط اصلا حتى لو ماكانت ام زوجك احترام الكبير واجب وهي تصرفت بعفوية ردك كان قوي ومحرج -الحين بعد مافات الفوت ماينفع الصوت -
الحين بس دورتي سعة الصدر وينك ماحسبتي لتصرفك الف حساب وش تتوقعين راح تكون ردة فعلهم اتجاههك هم اكيد اذا عزيتيهم عزوك وفي المقابل اذا اهنتيهم راح يذلونك-
وانتي الحين في موقف اذا راحت السكرة بدت الفكرة بس بعد ايش-

احسن حل في العلاقات الاجتماعية القياس يعني افرضي ان زوجة اخوك سوت نفس موقفك وش راح تكون ردة فعلك واحكمي -