اشهدكم أني آستحيت من الله ولم اعد آتحمل حياتي فما نصيحتكم لي

يبغالك رقيه شرعيه واستغفار كثير وادعي الله واسمعي شريط عبدالمحسن الاحمد صلاتي نجاتي اه اه الصلاه اهم شي

ياختي الله يقويك على الشيطان
تكفين ياختي الا الصلاه والله الراحه فيها
اولا خلي الاذكار معك دايم الصباح المسا وعند النوم
وبعد الصلاه
كل يوم حاولي تقرين على القليل صفحه من القران
بتدبر وافهمي معانيها
حاولي انك في شهر تحفضين الجزء الثلاثين من القران ترى والله سهله واذا حفضتيها
كملي الجزء التاسع والعشرين وهكذا
فيه كتيبات لحفظ الحديث اجزا سهله بالحيل حاولي تحفضينها
اهم شي البيت يكون فاضي من الصور علشان متخلين مجال للشيطان وخلي سوره البقره شغاله
خلي لسانك رطب بذكر الله رددي استغفر الله ولااله الا الله وانتي جالسه بالبدايه بتلاقينه صعبه بس لما تاخذن اسبوع
شرط انك بتقولينه من غير شعور
يوم الجمعه اقري فيه سوره الكهف وكثري من الصلاه على نبينا
بما انك موظفه حاولي كل شهر تدفعين ميه من اراتب واكفلي فيها يتيم بالسنه 1200وهاذي لاخرتك
تصدقي لو تلقين عامل بالشارع عطيه عشره ترى والله العشره تفك ازمتهم المساكين
واحسن طريقه حطي الساعه الخراشه وقتيها على كل صلاه لما تدق تعوذي من الشيطان وتوضي وصلي او اجلسي
بالحوش قبل الاذان واسمعيه وهو يذن ورددي صدقيني بتقومين غصب
واتركي عنك سماااع الاغاني ترى والله مايجتمع في قلب اغاني وقران
اخر شي دايم خصصي لك وقت اقعدي فيه مع نفسك وفكري بالاخره بالحساب والجنه والنار واهم شي
فكري لو مت الحين وش بيصير شكلي وشلون بيغسلوني وقبري بيضيق علي ولا بيصير روضه من الجنه
ولما يسئلونك الملائكه من ربك ومادينك ومن رسولك بتردين ولا؟
ولاتنسين مجالس الذكر والمحاضرات ترى والله انها تساعدك كثير
وادخلي بعد على مقاطع يوتوب لسو الخاتمه وشوفي بنفسك

ادري اني مصخته:mad:بس والله ابيلك الخير يابعيدي تكفين لاتتهاونين بالرساله



ابيكم تدعون لامي تولد بالسلامه جزاكم الله عني خير الجزا


وشكـــــــــــــــــــــــرا

فقد علم الأولون والآخرون أن الصلاة عماد الدين , وسراج اليقين , وحياة المتقين , وراحة الخاشعين , وجنة العارفين , وباب الصابرين , وطريق الشاكرين , وحصن الخائفين , وشفاء كل داء , وكنز الدنيا والدين , وأن من ترك الصلاة محروم , ولو ملك الدنيا بحذافيرها ... فأى خسارة أعظم من خسارته وأى شىء يعوضه عنها؟!!

اسال الله جل في علاءه ان يجعل في الصلاة قرة عينك وراحة بالك

حبيبتي ..

واضح أنك عندك عزم، وعندك صدق بإذن الله .. فما المانع من الصلاة؟

يعني .. ما بقي إلا أنك تصلين .. فكل أفكارك تأمرك بأنك تصلين ..

تذكري دائما شي .. وهو أن الراحه كلها في الصلاة .. من الهم .. من النكد .. من ضيقة الصدر .. مجرد ما تصلين كل هالثقل يروح عنك

كان الرسول صلى الله عليه وسلم يقول: أرحنا بها يا بلال ..

هذي هي راحة الدنيا والآخرة ..

وطبيعي أنك تحسين بضيقة بدون الصلاة .. لأن الله الحليم الكريم يقول:" ومن يعرض عن ذكري فإن له معيشة ضنكا ونحشره يوم القيامة أعمى"

حياة الضنك والشدة تأتي للإنسان عندما يترك ذكر الله .. يترك الصلاة والقرآن والعبادة .. لأن الصلاة لا أكثر من ذكر .. تسبيح وتكبير وقراءة قرآن .. صح ولا لا؟

دائما حبيبتي حطي في بالك شي .. لما يطلب منك شخص غالي عليك طلب، أو أكله معينه .. ممكن تاخذ منك ساعة ولا ساعتين ونتي تعملينها عشانه، ويمكن أكثر .. أهم شي ترضينه .. وتخلصين فيها قد ما تقدرين ..

طيب لو طلب من ربك الكريم الرحمن الرحيم، الي أكرمك وفضلك، وأعطاك أشياء ما أعطاها لملايين وملايين من البشر .. لو طلب منك 5 دقائق من وقتك لتصلي فيها صلاة فجر أو ظهر .. فماذا تفعلين لترضين الله تبارك وتعالى ..

صدقيني الصلاة ما تأخذ منك 5 دقائق .. لا وصلاة الفجر ما تأخذ أكثر من دقيقتين أو ثلاث .. ومع ذلك نبخل على الله بهذه الدقائق البسيطة؟

يومك 24 ساعة .. ما تجعلين ساعة واحدة لله عز وجل؟

تأكدي حبيبتي أن الله عندما يدلك على هذا الطريق ويعينك عليه، فهذا فضل عظيم عظيم من الله أنه اختارك أنتي لتكوني مسلمه .. اختارك أنتي لتعبديه

تابعي البلدان الأخرى .. كم عدد النصارى فيه .. اليهود .. البوذية الذين يعبدون حجر لا ينفع ولا يضر ..

سبحان الله .. ملايين ملايين من البشر .. ثم الله يختارك أنتي على هؤلاء ..

اشكري الله دائما على هذه النعمة، وأدي حقها .. وأحصني نفسك بالقرآن والعلم ..

وتذكري دائما أن كثير من العلماء الكبار كفروا تارك الصلاة .. يعني لا يعتبرونه من المسلمين .. فهل تريدين أن يكون حالك هكذا ..

أختي الغالية .. رددي كثيرا .. اللهم أعني على ذكرك وشكرك وحسن عبادتك ..

وتذكري أنك كلما أردت أن تصلين سيحاول الشيطان منعك بكل قوة، ويثير في قلبك الوسوسة.. فاحذري منه واستعيذي بالله من شره

وأخيرا .. احفظ الله يحفظك
أكثري من دعاء الله أن يعينك .. أكثري من التضرع لله، فإنه قريب كريم يجيب دعوة الداعي إذا دعاه


بحفظ الله، وبشرينا بالتزامك بالصلاة والقرآن

وموفقه بإذن الله تعالى

الله يرزقك توبه صادقه .....ويجعل الصلاه احب اليك من كل شي في الدنيا
ويجعلك من عباده الاتقياء الصالحين