ممكن اتعرف على ام توحدي

هلا والله بكل الاخوات وارجو ان تقبلوني والله يجزى صاحبة الموضوع خير الجزاء انا ام طفل توحدي عمرة 9سنوات وانا مثل الاخت ام سارونة وديتة اليمامة وحولني على مدينة الملك فهد الطبية با الرياض وشخصوة تشتت انتباة وتوحد وفرط حركة ومتلازمة اكس الهش طبعا هذي شي في الكروما سومات والله ما ني مصدقة كلام ها الاطباء يقولو لاني انا وزوجي اقارب من الدرجة الثانية المهم حملت بعدة وعمرة 8 شهور وجبت ولد الحمد لله ما فية الا العافية يعني ربي كتب اني احمل بعدة على طول والا والله لو دارية انة فية توحد ان كان ما حملت طول عمري بعدة لاني اخاف والان الصغير عمرة 8 وخايفة احمل بعدة مدري ليش مع اني متوكلة على الله طبعا الدكتور الصالحي الله يهدية فية شوي اسلوب التحطيم لانة يقول لي اللي فيهم كروموسوم اكس الهش يصير شكلة كذا مع ان ولدي شكلة عادي بس فية اختلاف عنة اخوانة ولكن الحمد لله ودخلتة التربية الفكرية الي في حي الروابي المعهد ممتاز وفية قسم متكامل للتوحد بس ولدي يخاف يروح مع الباص مدري ليش ويطلعونهم رحلات والاخصائي الي فيها قالي ان المعاهد الخاصة تجارية ونزف فلوس على الفاضي المهم انا اي شي يقولون لي علية اسوية يعني وديتة طب وديتة رقية شرعية . حجامة وحليب ابل ما سويتها ولكن بسويها ان شاء الله قالت لي وحدة ولدك فية فتق في الراس وديتة حرمة شعبية معروفة في الخرج وقالت لي احط على راسة ملفوف وارط علية واعطتني لة صبخة توضع على الراس وهي عبارة عن مجموعة اعشاب قالت ولدك فية فتق لانة وهو صغير ضربتة اختة في رضاعة زجاج على راسة واستخدمتة والله الذي لا الة غيرة ولدي تغير 50 با المئة وصار يركز تركيز بصري بس يا بنات ترى مو شرط كل توحد فتق لا وولدي كان ما ينام لو يكمل 24 ساعة طبعا الدكتور الصالحي اعطاة الرايسبيدال والريتنال و**** ولدي من العلاج الاخير بغى ينهبل جتة اعراض زي النفسية وتوتر وعصبية مرة ووقفتة عنة بعد التوكل على الله والحرمة الي في الخرج اسمة ام حامد وكل وحدة تودي ولدها لطبيبة شعبية وكل منطقة فيها يعني القصيم الرياض كل ديرة بها اطباء شعبيين معروفين بس تاكدو انها مشهورة وثقة ترى ما انتم خا سرين شي والله يسهل الامور وانا والله احيانا يصيبني احباط وتحطم واكتئاب واقول يا ليتة ما هو كذا بس والله يا بنات انة نور البيت ورزقة وادعو ان الله يوسع صدري علية لاني انا نفسي ضيقة واي اخت تبي رقم الحرمة الي في الخرج انا حاضرة وفية با الرياض ام عوض خلف سوق حجاب

السلام عليكم

بغيت اعرف مركز خاص بفلوس اصلح عنده فحص مبدئي
ابغى اتأكد ان بنتي عندها توحد اولا (( يارب مايكون عندها وتكون سليمه ))

كيف يبين غير الحركات ابي شي اكيد تحليل دم ينفع؟؟؟

ابغى اسم المركز او المستشفى واسم افضل دكتور عندهم

الله يريحها ويزيل همها اللي ترد علي

الاخت فرفشه نمله وين وديتي بنتك قلاي مركز خاص كتب التقرير