ملف المخطوبات وماقبل الزواج من جديد :)

مشكورات ياعمري على الرد

والله ماتتخلين كيف فرحتني رسالتك على الخاص ياخت استغفرالله العظيم

الله يجزاك الجنه

ومشكوره اختي شعاع الكويت على الرد

بس المشكله اني متاكده من المصدروثقه بعدين جاني بطريق غيرمباشرموالقصدالتخريب يعني اللي قال مايدري اني دريت

والله يظهرالحق

وعلى فكره شعاع الكويت نفس فارق السن بيني وبين خطيبي انا بعد بينا سنه

احس سنه قليله ابي اكثرلان البنت تنضج قبل الشاب

توافقين الراي ولا؟؟؟؟؟

عيون حبيبها

اسمعي حبيبتي اذا كان يحبك مستحيل انه يكلم اويحب وحده غيرك

واذاكانه يكلم صحيح فانه طيش شباب وراح يعقل بعد الزواج

وابعدي عنك الشك وتعوذي من ابليس

وارجو اني خففت عنك شوي ياقلبي

بنات كم تاخذون من جلابيه(درااعه)
وكم قميص نوم
وكم طقم ذهب
والله ييسرلكم اموركم يارب وييسرلي وياكم:)
وزااجي عقب يمكن ثلاث شهور:(
ولي عوده بدردش معاكم

رتووجه هلا وغلا ياعيوني شحالج علومج :)

وبخصوص موضوعج حبيت اقولج نصيحه خليها في بالج زين اذا قط عليج كلام اسكتي ولا تقابلين اسائته لج باسائه لانج بتكوني اخذتي بحقج وانتهت السالفه وبتتكرر يقط هو كلام ونتي تردين بالمثل ويستمر المسلسل الى مالا نهايه وقفيه عند حده وقوليله يابن الناس في اشيا لازم مانتجاوزها عشان تستمر حياتنا بسلام وبدون ما نرمي على بعض بالكلام لان هلاسلوب ممكن انه يبعدني عنك عامليه باحترام وافرضي احترامج عليه ولاتسمحين له يتجاوز حدوده ابدا

بس الاسائه لاتقابلينها باسائه مهما كاااااااان

كلووومه الحمدلله على السلامه ومن طول الغيبات ياعيوني

بنات لكم وحشه والله اسمحولي انشغلت عنكم

وحبيت ألفت انتباهكم لشي انج مو كل شي تقولين عليه ايه وتوافقين يعني اذا تكلم بموضوع وحسيتي انج مو مقتنعه فيه قولي لا وشاركي برايج مو تخافين لاتزعلينه وتقولين ايه على كل شي ترا هالشي بيأثر على حياتج في المستقبل وبتمين تقولين ايه ايه طول عمرج

لا والف لا للتنازلات