شاركي في النقاش

سجلي الدخول لإضافة تعليق.

التعليقات

732
  1. @alghla_klh_2

    انا اعرف وحدة كانت مليانه ماشاء الله

    وخطبها واحد واصر عليها الا يبيها بس خواته وامه كانو رافضينها لانها متينه في نظرهم

    وكانت اخته تتصل فيه وتترجاه يتراجع وما يخطبها وهو مصر عليها

    وامه كانت تكلمه عن بنات من العايله وتوصفهم له عشان يصرف النظر لكن لا حياة لمن تنادي

    وتزوجها وصارت بين البنت واهل زوجها في بدايه حياتهم شوية مشاكل وسوء فهم وخلافات بسيطه

    خصوصا في اول سنة

    لكن الحين صارلها تقريبا 10 سنوات من تزوجت

    وكنت في جمعة مع خوات زوجها وام زوجها وهي كانت مش موجوده

    وكانو يحكون هالقصة للجميع يقولون كنا ما نبيها وصرنا ما نستغنا عنها

    لما تغيب عن اي جمعه نفقدها والجمعه ما تحلا الا وياها

    دايما ناخذ شورها ودايما تنصحنا بالزين

    معاملتها للجميع خلتهم يغيرون فكرتهم عنها وانه الجسم مش كل شي فالحياة

    والاحلى والاجمل انهم يقولون انها صارت رشيقة الله يحفظها ويخليها لهم ويخليهم لها

    ام زوجها تقول محد يكرمنا ويدللنا مثلها وتدمع عينها تقول ليتها موجوده بينا

    وخذت جوالها ودقت لها وقالت لها مجتمعين وبدونج ما تسوى الجمعه يا الغالية !!

    سبحانه من يغير ولا يتغير

تابعي تجارب أخرى من هذا القسم.