كيف اعود اولادي على الصلاة بالمسجد وزوجي تارك الصلاة

السلام عليكم ورحمة الله

بدخل بالموضوع على طول

ولدي عمرة 6 سنين ونص وشايلة همة وخايفة علية لاني ابية يصلي بالمسجد بس ماعنده قدوة ابوة مايصلي وولدي كل مابي اعلمة ع الصلاة يقولي ولية بابا مايصلي يحرجني ولا اعرف وش ارد علية ومرة قلت لة روح اسئلة بنفسك واتفاجات زوجي يخاصمني يحسب اني حرشت ولدي علية يقولي مالك دخل فيني
تعبت معاه وخايفة اولادي يصيروا مثل ابوهم انا ابي اعلمهم ع الصلاة بالمسجد بس خايفة عليهم يطلعون وحدهم ولا احد ينتبة لهم صعب كل شي على الام بس

قولوا لي وش اسوي :44:والله يجعل من تنصحني وتساعدني بحل الجنة يارب ولها الثواب من الله

9 تعليق 677 مشاهدة

شاركي في النقاش

سجلي الدخول لإضافة تعليق.

التعليقات

9
  1. @lmys_olgyn

    الله يعينك

    ابدئي بزوجك يالغلا .. حاولي تنصحينه وتدعين له وهو يسمع.. ولو قدرتي تكلمين مشايخ يتواصلون معه جيد

    أتذكر فيه شريط فيديو اسمه ( انتهينا) رووووووعة أسلوبه شبابي يحبونه الشباب وبسببه تاب كثيرررر من الشباب

    انتبهي يالغلا إذا كان زوجك ما يصلي أبداً .. ما يجوز لك تبقين عنده .. ولا يستاهل يكون زوج لك
  2. @lms_khyr

    الله يهدي زوجك ويصلحه
    انصحيه باللين والرفق حبيبتي ودائما ادعيله في صلاتك بالهدايه
    وقوليله عيالك انت قدوتهم ترضى يطلعوا مثلك
    وانت مسؤول عنهم امام الله وهم امانه عندك
    يعني كلميه بهدوء وكل فتره انصحيه شويه شويه
    ومره قوليله ايش رايك نصلي جماعه انا وانت والاولاد
    طبعا خليه يصلي بالبيت وشوي يصير يصلي بالمسجد
    الله يعينك اختي مسؤوليتك كبيره الله يكتبلك الاجر ويكون بعوونك
    ولازم نحتسب الاجر عند الله عشان عيالنا
  3. @tyof_7

    دايم ادعي بهذا الدعاء
    (ربي اجعلني مقيم الصلاة ومن ذريتي ربنا وتقبل دعاء )
    وحاولي بكل قواك بالنصح والموعظةالحسنة

تابعي تجارب أخرى من هذا القسم.