خانقتني العبره وابغى افضفض..

ماعليش ياقلبي انت غلطتي لما ناقشتيه بتفكيرنا احنا يالحريم الرجااااااااااال يحبوووووون المدح
كان نفختي راسه بهلكلام الحلو والله ليحطك فوق راسه
الرجااااااال مايمشي معهم الصرااااااااحة لابد من المجاملة المعقوووووووولة
موفقه

بحكم خبرتي الي بتكمل سنه زواج و قبلها 6 شهور ملكه ومكالمات..
مهما كان الرجال ذكي وعقله رزين ويعرف يوزن الامور صح ومايتسرع بشي الا ان المراءه اذكى منه بكثير وتعرف بأسلوبها لو تبغى وعرفت تخطط صح تغير الشي الي مو عاحبها بالرجال...
اهم شي ان يكون اسلوبك مايكون فيه عناد يعني مو لازم انت تكونين صح ودايم انت الصح....في اشياء الوحده لازم تتغاضى عنها وتمشيها اذا حست ان الموضوع مافيه حياه او موت..هو مثلا ماقالك صيري شغاله عندي عشان تدخلين الجنه...لا فهمك ان لو طعتيه واحترمتيه وسويتي وجاباتك على اكمل وجه معاه لك اجر وانه سبب لدخول الجنه..
لا قالك شي وانقهرتي لا تجلسين تعاندين وماتتناقشين وتقفلين السالفه ترى هذا اسلوب مو حلو زي مايسمعلك اسمعيله...
وترى الحياه بعد الزواج غيــــــــــــــــــــــــــــــــر عن الكلام الي تقولنه ايام الملكه مرره مرره غير تجي اشاياء تنسيك افكارك هذي..
الرجال زي الطفل وكثير ناس قالوها وفعلا بعد الزواج عرفت انه زي الطفل..تدارينه مداراه تاخذينه بالسياسه مو بالعناد والتعصيب بالكلام الحلو والاسلوب الحلو تجيبين راسه بالهدوء لو هو علا صوته عشان بعدين يحس انه غلطان...
ابدا لاتفكرين بالانفصال ترى بتضيعين نفسك لان النقاشات الي بينكم عاديه جدا ماقالك مالك مصروف طلعاتك محدده او قالك بعد الزواج بحرمك من ومن ومن...
فكري فيه من ناحية الطيبه والاخالاق والدين...التفكير يتغير عادي..((وبيدك))

حبيبتي أنا مثلك تماماً تفكيري زي تفكيرك وزوجي مثل زوجك كل شي عنده يتعلق بالزوج وإلطاعه وأهل الزوج وان الواحد ويحطهم فوق راسه لو هم داعسينك بعني تفكيره زي تفكير رجال زمان
مااقولك ماتعبت الاعانيت مررررررررره ودايم لما نتناقش تنقلب زعل وهواش لان مأعندنا تقارب بالافكار
بس الي سويته عشان تستمر حياتي جاريته مع أني كنت اضغط على نفسي لأني ماني مقتنعه بالي اوافقه عليه
الله يهدي سرك من جد حاسه فيك

السلام عليكم
معليش حبيبتي هذا الشيطان دخل بينكم
و بعدين مين قال لك انه لازم زوجك يكون تفكيره مثل تفكيرك مسسسسسسسستحيل
الحين اخوانك و خواتك اللي متربين نفس تربيتك تفكيرهم غير تفكيرك و اكيد انه يجي وقت تتخاصمون او ما يعجبك تصرف صدر منهم
و بعدين حطي نفسك مكانه عشان تفهمينه يعني بعذره يزعل و لا يدق تخيلي انت تتكلمين بموضوع حساس بالنسبه لك و يكون هو اسلوبه معك نفس اسلوبك اول شي تقطعين النقاش و تتكلمين بشي ثاني و ثاني شي تحطين السماعه بهالطريقه تخيلي هو سواها معاك قطع كلامك و قال لك مع السلامه و حط السماعه بوجهك و انت متحمسه بالنقاش
و يعني لو رفضتيه الحين تضمنين اللي يبي يجي احسن منه كل الرجال كذا لازم تسايسينهم هو موب واحده من صديقاتك هو زوجك له الاحترام و الحشيمه وهو ما قال باحرمك من حقوقك بس له حقوق بعد تفهميها انت
و عموما ترا لازم هالصدامات لا تضيقين صدرك ترا عادي و بتتذكرين كلامي بكرا اول كم سنه كيذا و بعدين ترجعون عرسان ان شاء الله بس تعوذي من ابليس و لازم تنازلات بسيطه

ادري طولت عليك بس تدرين ليش اقولك كذا لانه كان نفس كلام زوجي لي و انا كنت اتنرفز مثلك بس ما كنت اعلق علي كلامه و اتمنيت احد كان يوعيني مثل كذا,, تدرين وش طلع طاعة الزوج عنده اذا طلعت تقولين لي وين بتروحين :) هههههههههههههههههه
ترا تفكيرنا غير تفكيرهم اقري كتاب النساء من المريخ و الرجال من الزهره و بتفهمين

اتمنى ما تزعلين من كلامي و الله يوفقك انت و زوجك و ادحري الشيطان و اضحكي عليه انت بدال ما هو يضحك عليك