شاركي في النقاش

سجلي الدخول لإضافة تعليق.

التعليقات

1,341
  1. @em_mohamed

    &خيول الفجر&
    حتى انا خايفة الغرب مش كلة حب لثوار والمجلس الانتقالي الامر فيه ان للاسف وكل شي حيبان بس بعد فترة سنة على الاقل !! بقول كلمة يمكن تزعلوا مني لكن هذا رأيي وتحملوني ثورة شباب لييبييا للاسف اخذت تضم ناس مالهم ثقة او ماضيهم سئ مثل شلقم …
    كل صباح وليبيا حره ..

    بنات شنو اخبار أنتفاضة طرابلس اليوم ؟
    هل طلعوا وألا تم قمعهم ,,,ربى ينصرهم ويقوى عزائمهم

    وهل قاعده عندكم القنفود وألا أختفت ,,,أنا قاعده للأسف بس يمكن القمر اللى عندنا مختلف والبث فقط لشمال امريكا ؟؟؟؟







    أن شاء الله خير ..
    عارفينه الغرب مش لسواد عيونا وهم ما ايحبونا ولا يبوا ايساعدونا
    وحتى طمعهم فى نفطنا هذه معش تمشى لانهم يقدروا ياخذوه بشركاتهم وتعاقداتهم
    وحكاية الاحتلال حتى هذه غنايه ما تمشيش مع ربيع الثورات الحاليه ومعش فيه احتلال عسكرى للأرض وأشكال الاستعمار الجديده هى الاستعمار السياسى وأضعاف الخصم وهذا هو اللى ايديروا فيه الناتو الان

    الغرب أكتشف خطر القوه العسكريه اللى عند القذافى ..
    ووجود هالقوه فى وجه اوروبا يعنى خطر على امنهم
    القوه العسكريه مش فقط فى السلاح اللى عنده بس أيضاً أن عنده اموال يقدر يدعم بيها أى منظمات تخريبيه وأيضاً يقدر يجند الافارقه للعمل تحته ..
    من هنا فى نظرى جاء حتمية تدخلهم
    ولاحظوا أول حاجه قالوها وقبل ما ايوفقوا على التدخل انهم ما يقدروش يحظروا الطيران الا بضرب مواقع القذافى العسكريه واجهزة اتصالاته مع جيشه ...
    يعنى تكتيك الغرب كله تدمير القوه العسكريه فى منطقة شمال افريقيا ..ولا همهم فى الليبيين ولا فى المعارضين ..
    وشوفوا ان حتى تدخلاتهم الثانيه كلها امغير رد ملام مش اكثر
    توا بس قعدوا يسقموا فى أدائهم بعد ما زادات علامات الاستفهام حواليهم ..
    اللى ما كانوش متوقعينه هو بسالة ثوارنا ومقاتلينا وصمود مصراته بالذات أرعبهم وخلاهم ايعيدوا حساباتهم
    ايضا قتل الفرنسى والقبض على شبكة التجسس فى بنغازى ورتهم حدودهم وأن نحن مش لقمه ساهله وياويلهم لو فكروا اللعب علينا
    حتى المجلس الوطنى قال للهم نحن اصدقاء نعم لكن السياده لليبيين ...

    ياربى أن شاء الله كيدهم فى نحرهم وتدبيرهم تدميرهم

    وبخصوص شلقم ودوغه وغيرهم
    ليبيا حتكون دولة قانون وأى واحد أجرم راح ينال عقابه القانونى
    بس لازم نكونوا يد وحده ونرحبوا بكل من ينضم لثورتنا
    ومثل ما ليبيا محتاجه لكل رجالها هذول ليبيين واغلبهم سياسيين وخبراء وكونهم غلطوا سابقا لا يعنى اننا نحاربهم الان ..
    مواقفهم الحاليه قد تشفع لهم لكن بعد ان تأخذ العداله مجراها ..

    وبخصوص المقاتلين ياخذوا المناصب المتقدمه
    هذا كلام سابق لاوانه
    لكل مقام مقال ..ولكل شخص دوره ومكانه اللى يستحقه
    المقاتل دوره قتال لكن ما ينفعش يكون رجل سياسه ..
    الشباب اللى يقاتلوا لهم كل تقدير واحترام ونحن مدينيين لهم ولاجيالهم من بعدهم ,,لكن للسياسه رجالها وخبرائها ..
    على سبيل المثال يعنى خوى اللى فى الجبهه ومازال يدرس فى كلية الهندسه ما ينفعش يقعد وزير حاليا ولا هو طامع بأن ينال اى منصب وكل اللى حركه هو حب ليبيا وترابها ويتمنى الشهاده اليوم قبل بكرا ...
  2. @sma_asbanya

    &خيول الفجر&
    حتى انا خايفة الغرب مش كلة حب لثوار والمجلس الانتقالي الامر فيه ان للاسف وكل شي حيبان بس بعد فترة سنة على الاقل !! بقول كلمة يمكن تزعلوا مني لكن هذا رأيي وتحملوني ثورة شباب لييبييا للاسف اخذت تضم ناس مالهم ثقة او ماضيهم سئ مثل شلقم …
  3. @ttaabny_althkr

    والله ياهل ليبيا ان نحبكم ونتمنى لكم النصر على هذا الطاغيه السفاح لكن ياخوفنا عليكم من الخيانه والغرب معروفين بالخيانه اللهم عليك بالقذافي واعونه والغرب الخونه اللهم عليك بهم فانهم لا يعجزونك اللهم احفظ ليبيا واهلها وولي عليهم خيارهم ومن يخاف الله فيهم
  4. @sma_asbanya

    سما اسبانيا
    المنارةللإعلام الرئيسية

    عاجل المنارة :أفادت أنباء للمنارة عن وقوع اشتباكات بحي الزهور بطريق صلاح الدين بطرابلس و وصول تعزيزات من الدعم المركزي و الحرس الثوري



    المنارةللإعلام الرئيسية

    بريد المنارة :*من قتل المتظاهرين في طرابلس ؟
    بلغنا من م في طرابلس أن من قام بأطلاق الرصاص وقتل المتظاهرين أول أمس في منطقة قدح هما شخصان يدعيان عدنان لملوم وفرج أدريس وهما من الحرس الشخصي للقدافي وشوهدا يطلقان الرصاص الحي ويتجولان بسيارة تيوتا لاندكروزر خضراء



    المنارةللإعلام الرئيسية

    عاجل المنارة : تواجد أمني كثيف في طرابلس بملابس مدنية



    المنارةللإعلام الرئيسية

    المنارة : اللجنة الاعلامية لثورة 17 فبراير نالوت
    17-5-2011 الثلاثاء
    عاجل :
    اشتباكات عنيفة بين الثوار وكتائب القذاافي منذ الصباح عند ممر المرابح الجبلي المؤدي الي منفذ وازن حيث تحاول الكتائب التقدم مستخدمة الذبابات وراجمات الصواريخ ومدافع الهاون ، ولاتزال هذه الإشتباكات متواصلة حتي الآن ، وقد سقط شهيد وثلاثة جرحي في صفوف الثوار



    المنارةللإعلام الرئيسية

    المنارة : ثوار مصراته يصلون إلى منطقة علام بالقرب من تاورغاء بالامس و اليوم يقومون بعملية تمشيط ، و على الجبهة الغربية تمركز الثوار بالقرب من مدينة زليتن .

تابعي تجارب أخرى من هذا القسم.