ياقلبي انت جيتي على الجرح
انا لي 12 سنه متزوجه
والحمدلله مؤمنه بكتبة ربي من قلب لكن بجد فيه ناس موسوسه واحيانا مالومهم مهما كان الضنا غالي ويخافون عليه
يمكن فيه ناس حساسات لكن السالفه مو سالفة حساسيه من الموضوع لا والله انا تعرضت لمواقف كثيره اذكر منها مره رحت لناس من قرايب زوجي نبارك لهم بمولودهم واول ماجلست نغزت ام الزوج كنتها تقولها سمي وغطي ولدك وانا اشوف وسكت وشوي واقوم اعطي الحرمه هديتها قامت امها قالت لي سمي ياعيوني واذكري الله ترى بيرزققك الله ان شاء الله
انا صار وجهي كذا :huh:
ووحده من سلايفي جتني لين عندي بالمطبخ وهم ضيوف عندي وانا توني مكرمتهم تسالني تقول وححده من حريم زملاء زوجها تقول لها ماتخافين من ضحكه لاتصكك بعين لانك حامل وعندك ولد قمت طالعت فيها قلت الله يخلي لك ولدك ويقومك بالسلامه وانا ياقلبي اطمنك ترى مبسوطه بالي عطاني الله قامت تتلعثم وتقول صح مالي داعي قلت اي والله مالك داعي وغيرها كثييييييييييييييييييير وعلى قولت امي الله يخليها لي( لو حسبنا ما سافرن)
انا ليش اعطيك هالسوالف عشان تعرفين انك مو لحالك صار الوضع هذا منتشر كثير سبحان الله نادر ماتلقين فيه بيت الا وعندهم وحده او واحد مايجيبون عيال وادري ان الله مامنعك الا ليعطيك الله اذا اخذ شي يعوض باشيااااااااء ومااحرمك الا لحكمه هو يعلمها وخير للعبد
فانت لبى نبضك وعروقك وسعي صدرك ولاتعبرين باي موقف مشي وعيشي حياتك
واسال الله انه يكتب لي ولك ولجميع المسلمات اللي فيه خير وصلاح فما تدرين وين الخيره فيه يمكن يجيك عاق او معوق او فتنه وربي حبك ومنعك ويمكن يمتحن صبرك ويمكن اراد لك زيادة الاجر ويمكن ويمكن ويمكن
بس تاكدي ان الله عدل ومستحيييييييييييييييييييييييييل يظلمك
تقبلي كلامي ادري اني طولته بس حاسه فيك وابي اختصر عليك مشوار عمر و اوصلك للقناعه للي وصلت لها عقب هالسنين :26:
بكل امانه كيف تنظرون للمــــ....؟؟؟؟؟؟
متابعة النقاش، صفحة 27