شاركي في النقاش

سجلي الدخول لإضافة تعليق.

التعليقات

139
  1. ياقلبي انت جيتي على الجرح
    انا لي 12 سنه متزوجه
    والحمدلله مؤمنه بكتبة ربي من قلب لكن بجد فيه ناس موسوسه واحيانا مالومهم مهما كان الضنا غالي ويخافون عليه
    يمكن فيه ناس حساسات لكن السالفه مو سالفة حساسيه من الموضوع لا والله انا تعرضت لمواقف كثيره اذكر منها مره رحت لناس من قرايب زوجي نبارك لهم بمولودهم واول ماجلست نغزت ام الزوج كنتها تقولها سمي وغطي ولدك وانا اشوف وسكت وشوي واقوم اعطي الحرمه هديتها قامت امها قالت لي سمي ياعيوني واذكري الله ترى بيرزققك الله ان شاء الله
    انا صار وجهي كذا :huh:
    ووحده من سلايفي جتني لين عندي بالمطبخ وهم ضيوف عندي وانا توني مكرمتهم تسالني تقول وححده من حريم زملاء زوجها تقول لها ماتخافين من ضحكه لاتصكك بعين لانك حامل وعندك ولد قمت طالعت فيها قلت الله يخلي لك ولدك ويقومك بالسلامه وانا ياقلبي اطمنك ترى مبسوطه بالي عطاني الله قامت تتلعثم وتقول صح مالي داعي قلت اي والله مالك داعي وغيرها كثييييييييييييييييييير وعلى قولت امي الله يخليها لي( لو حسبنا ما سافرن)
    انا ليش اعطيك هالسوالف عشان تعرفين انك مو لحالك صار الوضع هذا منتشر كثير سبحان الله نادر ماتلقين فيه بيت الا وعندهم وحده او واحد مايجيبون عيال وادري ان الله مامنعك الا ليعطيك الله اذا اخذ شي يعوض باشيااااااااء ومااحرمك الا لحكمه هو يعلمها وخير للعبد
    فانت لبى نبضك وعروقك وسعي صدرك ولاتعبرين باي موقف مشي وعيشي حياتك
    واسال الله انه يكتب لي ولك ولجميع المسلمات اللي فيه خير وصلاح فما تدرين وين الخيره فيه يمكن يجيك عاق او معوق او فتنه وربي حبك ومنعك ويمكن يمتحن صبرك ويمكن اراد لك زيادة الاجر ويمكن ويمكن ويمكن
    بس تاكدي ان الله عدل ومستحيييييييييييييييييييييييييل يظلمك
    تقبلي كلامي ادري اني طولته بس حاسه فيك وابي اختصر عليك مشوار عمر و اوصلك للقناعه للي وصلت لها عقب هالسنين :26:
  2. بالعكس والله المتأخره عن الحمل ندعي لها بأن الله يرزقها الذرية الصالحة ومآتوصل إن الناس تخاف على عيالهم من المتأخرات عن الحمل
    إلا المعقدآت واللي تحسب نفسها سوت إنجاز يومنها خلفت وهذي طبيعه بشرية مو شي خارق الله يرزقك وجميع المتأخرات ياحي ياقيوم
  3. بالنسبة لي عندي صديقات متأخرات في الحمل...ماعمري حسيت إنهم أقل مني في شيء وأتكلم معاهم بكل أريحية وأحب أشوفهم يلعبون مع أطفالي ودايماً ألاحظهم عاطفيات وحبوبات أكثر من غيرهم..
    الحمل رزق من الله..وإذا تأخر هذا الرزق أو انحرمتي منه مو معناه أبداً إنك تحسين بضعف وإنك أقل من غيرك وتتحسسين من كلامهم..بالعكس هذا ابتلاء وحاولي تكونين صبورة وتحتسبين الأجر على صبرك وعلى قسوة بعض الناس في نظراتهم وكلماتهم..
    ولابد أن تدرك كل أخت متأخرة في الحمل إن الله يحبها لأن الله إذا أحب عبداً ابتلاه..فهذه ميزة وشرف كبير لها ولابد تتعود إنها تواجه الناس بكل ثقة وصبر..
    اعتبري هذا تحدي ولازم تكونين قده..
    عززي إيمانك بالله ووثقي صلتك فيه..
    حققي طموحاتك اللي ممكن يصعب عليك تحقيقها لو كان عندك أطفال..
    وأسأل الله العظيم رب العرش العظيم لك ولكل متأخرة أن يغدق عليكم رزقه وأن يحقق أمانيكم ويلهمكم الصبر ويمنحكم راحة البال وسعة الصدر ويرزقكم بالذرية الصالحة..
  4. @raaay_soalf_1

    فيه كثير من معارفي متأخرات بالحمل

    وقدامهم أحاول إني ما أجيب طاري أطفال مع إني أحب الأطفال

    ولكن نظرتي لهم نظره عاااااديه جداً

    ما عمري حسيت إنهم يفرقون عن الباقين في شي

    وبصراحه أدعي لهم من قلبــي , لكل وحده تتمنى طفل

    والله يرزقكم جميييع

تابعي تجارب أخرى من هذا القسم.