خطيبي واصراره على رأيه ....

بنات خطيبي انسان عصبي وبنفس الوقت يكتم بقلبه كثير
يعني اذا قلت له شي زعل منه يسكت ومايناقش بس يقول طيب !
تعبببببت من هالطبع

المهم انه مصر انه اذا تزوجنا نسكن في بيت لحالنا
انا ماعندي مشكله ابدا ومن يتمنى انه يعيش لحاله مع زوجته بعيد عن المشاكل

بس المشكله ياخواتي انه مابي احمله ديون واحنا باول حياتنا
بيت اهله كبير وغرفته اللي عندهم جناح كبير خاص فيه قلتله خلينا في البدايه نسكن عند اهلك
لين ربي يرزقنا ان شاء الله ونكون مرتاحين بشكل اكبر ماديا بعدين ناخذ لنا بيت

وش رايكم اوافق على كلامه والا وش اسوي

23 تعليق 1,854 مشاهدة

شاركي في النقاش

سجلي الدخول لإضافة تعليق.

التعليقات

23
  1. @snkrs_7

    احسن لك واااااااافقي وهو ماراح يقول كذا الا وهو حااسب لكل شي..

    وبعدين ايش تبغين بالسكن مع اهله غيرالمشاكل والحساسيه والتدخلات الي مالها اخر

    واذا افترضنا انه وافق ع اقتراحك بعد كم شهر بيعجبه الوضع وبعدين احلمي تسكني لحالك...

    هذا رآآيي وانتي حرهـ
  2. @shralkhyal

    تكفيييييييييييييييييييييييييييييييييين وافقي على كلامه


    بس الله يعينك على العصبيه

    عارفه احسن شي انه طلب تعيشون لوحدكم ضروري بداية الحياة الزوجيه تكونون لحالكم علشان تفهمون بعض اكثر ترا الخطبه مومثل الزواج لانه بتكونون على طبيعتكم اكثر




    اتوقع زوجك مايحب تعطينه نصايح (برغم ان كلامك منطقي )يمكن يحس انه بموقف ضعيف قدامك لو تقولين اصبر شوي وهو يحب يوريك انه قد المسؤوليه


    نصيحتي اذا بتعطينه راي قوليله شرايك والقرار الاخير لك لاني اثق بحكمتك وهكذا عليك تعلم الخراطه على الرجل (بالذات ان المحروس خطيبك عصبي


    على طاري العصبي لاتلحين كثير ترا يتنرفز اهم شي تكسبين احترامه حتى لما يعصب عليكي يعصب باسلوب محترم



    مدري احس قمت احوس (يمكن لان المحروس جوزي توه داخل البيت هو الثاني عصبي )المهم كتبت ردي بسرعه ولو في شي خربطه اعذريني
  3. اسكني لحالك عن الدوخه وجع الراس الله يهنيكم والله احسن مهما كانواهله طيبين ماراح تاخدين راحتك موفقه ياليت زوجي يوافق يطلعني من بيت اهله لبيت لنا لوحدنا بس هو رافض

تابعي تجارب أخرى من هذا القسم.