حبيت الفتلك إنتباهك لشغلة مهمة وهيه إنو حتى لو حذفتي الماسنجر من جهازك إذا كان عندك أكاونت بتئدري تعملي تشات من ضفحة الهوتميل يعني حاطين خاصية بصفحة الميل ما صرلا زمن لمن بتفتحي لتشيكي على إيميلك بتئدري من هالصفحة تتواصلي مع اللي كنت ضايفتيهن عالماسنجر
والشغلة التانية جيل الولاد اليوم زكي وذا حرمتيها من شي من دون ما تقتنع ليش حارمتيها بتلئي وسيلة وبتتحداكي فأهم شي الإقناع وتتأكدي إنو فعلا اقتنعت مانا عم تمثل عليكي لتصرفك وشوفي لمن حذفتي الشاب ضافتو باسم بنت فبدك تكوني حكيمة
أول شي مسالة الفيلم اللي شافتو لازم تئعدي معها وتفهميها إنو هالشي حرام لأن اللي شافتن ناس عريانين وربنا أمرنا بالستر وتغطاية العورة اللي ما لازم نورجيها لحدا وتاني شي حرام نشوفو لأن هالشي للكبار إليلا اذا حابة تصيري كبيرة أنا ما عندي مانع مندورلك ععريس ومنزوجك البنت بتفهم ولازم تكلميها عأساس عم تحكي مع وحدة كبيرة
خوفيها من هالمسألة بهالطريئة مصرة تشوفي شغلات منا منيحة ما عنا مشكلة منزوجك وساعتها منطلعك من المدرسة والكل اللي بعمرك بيصيرو بالجامعة وانتي عم تكنسي وتطبخي وتربي ولاد هيك بتخليها راسا يشتغل شوي ومنا لحلا بتصير ترفض هالشي أكيد وأتيا لأن عمرها منو مناسب ولاحآ عالشآ
أما إضافتا للولد بتفهميها منيح إنو هالشغلات ممنوعة لأنو اللي عم نحكي معن عالم مجهولين ما منعرفن ممكن يكونوا مناح وممكن لا ممكن يخربولنا حياتنا والباب اللي بجيك منو الريح سدو واستريح وخبريها إنو إن شالله بجي الوأت اللي بتكبر ويتخطب وبتروح وبتنبسط مع خطيبا يعني كل شي بوأتو حلو والإنسان لازم يعيش كل مرحلة بمرحلتا
خليكي رايآ معها وصارمة بنفس الوأت أما اللي بيئلك احرميها نهائيا من النت هاد منو حل وأتيا احرميها لأنها كذبت عليكي ورجعت ضافت الشاب بس بعد أسبوع كلميها وخبريها شروطك واذا مفكرة إنو إذا خرمتيها ما حتحكي عالماسنجر بتكوني غلطانة ممكن تطلع من عندا حدا من أرايبينا إذا راحت لعندن
كترت حكي إن شالله كون فدتك
مصيييييييييييييبه بنتي عمره 10 شافت مقطع جنسي[استوفى حقه من الردود]
متابعة النقاش، صفحة 48