مرحبااااا بكن
حيا الله كل باسمه بما إن أمس يوم الجمعة
جت في فكرة في بالي بالي ان كل وحدة تقول وش عادتهم يوم الجمعة وهل لهم وجبة معينة
ومتى قبل الجمعة والا بعد الجمعة
عشان نستفيد ونغير الروتين
مثلا : كانت وحدة تدرس معي يمينية تقول لو ايش ما ايش لازم يوم الجمعة غداء سمك
ووحدة ثانية تقول واجب وحتما أمي كل جمعة تسوي برياني دجاج
تقول لدرجة ذيك المرة مطلعة اخوي للبقالة بعد الفجر يوم الجمعة عشان يجيب زبادي
لانها اكتشفت ان ماعندها ومصيبة مايسوون برياني
طبعا لابد فيه سوبرماركت فاتح 24 ساعة حتى لوبعيد
وثالثة تقول الفطور يوم الجمعة يكون الأكلات الشعبية المعروفة عندهم بالبر مثل مصابيب
عجينة بر يصلحونها على الصاج
وغيرها
وفيه كمان ناس لازم الغداء عندهم
مضغوط
اما بالنسبة لي ماعندنا شئ معين
بس غالبا فطور بعد الجمعة
إيه نسيت وحدة تقول واجب عندها ولازم يتغدون كل جمعة
في مطعم
ولو جاء يوم ورفض زوجها قلبت الدنيا عليه اللهم لك الحمد
وكمان فيه عوائل كثيرة الغداء عندهم جمعة في بيت ابوهم بناتهم وحريم عيالهم
وكل وحدة تجيب غداها
الظاهر أني طولت عليكم ومالقيت لكم شئ تقولونه
يالله كل وحدة تقول اللي عندها
وبالدور لاتتضاربون
شاركي في النقاش
سجلي الدخول لإضافة تعليق.
التعليقات
44- أحنا الجمعه الغداء غالبآ يكون من برا من مطعم وأكثر شي يكون سمك
بس الحين صرنا عادي سمك أو غير سمك .. الغداء يوم الجمعه له نكهه خااااصه - احب اسوي غداً الجمعه منوع رز وشوربا وصينيه وسلطه وحلى بارد وهريس
بس الحين راحت طويله العمر الشغاله
والسفره سوت رجيم وصارت رز وسلطه والحمد لله على النعمه - شكرآ حبيبتي على طرحك الرآئع
بالنسبه لنآ الجمعه سمك من المطعم طبعآ ,,,
وبالبيت مآمآ بتعمل ملوخيه و إيدآم و سلطآت - قبل مااتزوج وزمان حتى كانت امي الله يحفظها لاززم الغدا يوم الجمعه ايدام(ملوخيه,, او ايدام خضار مشكله,, او باميه,) ورز ابيض وسلطه حاره او خضرا,, بس الحين تغير الوضع..
وبالنسبه لي ولزوجي ,, فزوجي لازم وضروري الجمعه بعد الصلاه يروح يفطر في بيت اهله مايفطر في البيت نادرا اذا فطر في البيت,, وانا اكل سندوتش.. وفي الليل عادي اطبخ اي شي او يجيب زوجي من برا.. - يوم الجمعه يكون فطور بعد الصلاة وعلى المغرب اسوي رز واحيانا نخليه عشاء ونطلع نتعشاء برا
مواضيع مشابهة
تابعي تجارب أخرى من هذا القسم.