السلام عليكم
بنات انا متزوجه من اربع سنوات
مرتاحه بحياتي والحمد لله
مو ناقصني غير حاجه واحده
كلمة ماما بس ما ابغى غيرها
اليوم كنت طفشانه واحس بملل في حياتي
ماهي غريبه اغلب الاحيان اشعر بهذا الشيء
بس خلاص يوم ويعدي وينتهي وننسى
بس هالمره مو بس انا اللي طفشانه حتى زوجي جاء وقال انا طفشان وحاس اني مكتئب
استغربت زوجي نادرا مايقول هذا الكلام لانه مشغل نفسه ويطلع من البيت كثير
بس اليوم غير زوجي ماطلع من البيت غير للمسجد ورجع
سألته ايش فيك قال ولا شيء بس شكله مو طبيعي
قال لي انتي ايش فيك قلت مافي شي جديد طفشانه كالعاده
قال تدرين ليش انا وياك مكتئبين وطفشانين لأننا وحيدين
مافي بيتنا صوت اطفال
ومن قال هالكلمه وانا ضايقه فيني هالدنيا وعيوني مليانه دموع
زوجي مايقصد يجرحني لان السبب مني بس صدقوني زوجي حنون مستحيل انه يقصدها بس والله انه صادق بس والله مو بيدي كل شي سويته عشانه كان نفسي افرحه ويصير اب بس والله مو بيدي.
زوجي راح ينام من الساعه 11 والله انها ماهي عادته دائما يسهر ولا ينام الا بعد الفجر حاسه فيه بس ايش بيدي ماعندي غير الحزن والدموع.
بنات انا ماني قاعده اشكي بس والله حاسه بغصه حابه افضفض يمكن ارتاح حتى ماني قادره انام.
دعواتكم لي.
يارب فرج همي.
شاركي في النقاش
سجلي الدخول لإضافة تعليق.
التعليقات
313- الله يفرج همك
و يرزقك بالذرية الصاالحة
و اكييد ما يقصد يجرحك لكن الوااحد احيانآآ
غصب عنه يكتئب و تضيق فيه الدنيااا
الله يفرح قلبك عن قريب بالحمل السلييم - الله ...هو الرزاق الكريم
- يالله ياسميع يامجيب في هذه الليله المباركه ان يرزقك بالذريه الصالحه وجميع المسلمات
ولاتيأسي من اقاربي وحده جالسه عشر سنوات وآلحين بيتها مليان ماشاء الله من التوائم وغيره بس لاتيأسي
وعليك بالآيه (ربي لاتذرني فردا....) كما جاء في كتابه - الله يرزقك ويرزق كل محروم اوصيك بالدعاء انا 8 سنوات ماخلفت وبس رحنا للحج ماعدت سنه الا وانا حامل
الله يزرقكم بالعيال الي يسعدوكم ويبروكم ويحملو اسمكم
الله يرزق كل محرومه - الله يرزقكم الذريه الصالحه يارب
ومايرد القضاء الا الدعاء
مواضيع مشابهة
تابعي تجارب أخرى من هذا القسم.